Aposkạmi 27:3 - সান্তালী বাইবেল

³ Dosar hilokʼ aleakʼ jahaj do Sidonrele teṅgokeda. Julius do Pạul sãote ạḍi mońje beoharkeda ar cerṭhakʼ lạgitʼ uniren gateko ṭhene sen ocoadea jemon acʼren gateko jạruṛokʼakʼ jiniskoko emdaṛeae.

Santali Common Language New Testament

³ Dosar hilokʼ aleakʼ jahaj do Sidonrele teṅgokeda. Julius do Pạul sãote ạḍi mońje beoharkeda ar cerṭhakʼ lạgitʼ uniren gateko ṭhene sen ocoadea jemon acʼren gateko jạruṛokʼakʼ jiniskoko emdaṛeae.

Aposkạmi 27:3 Iomraidhean Croise

Genesis 10:15

Kananren maraṅicʼ hoponakʼ ńutum do Sidon tahẽkana. Uni tayom do Hethe janamena.

Genesis 49:13

“Sebulon do doreão aṛereye girobasokʼa; uni do jahajko reakʼ bondorgeye hoyokʼa; ar uniyakʼ simạ do Sidon hạbicʼ hoyokʼtaea.

Jesaea 23:12

Uni doe menkeda, “E Sidonren hoṛko, apeakʼ rạskạ do caba akantapea, ente ape dope santao ocokʼkana. Ma beretʼpe, ar Kuprus dipte parom calakʼpe; onḍehõ jirạu do bape ńama.”

Sakariạ 9:2

Hamat, oka do Hadrak simạna ṭhen menakʼ ona upạrte hõ Probhu Isorakʼ katha do purạukʼa. Tur ar Sidonrenko do ạkilan hoṛ kanrehõko, enhõ onko upạrte ona do hoyokʼgea.

Mathae 11:21

“Hae amre, E Khorashin, hae amre E Bethsaeda! Aben talare oka hahaṛa kạmiko hoyakan, ona do Tur ar Sidon reakʼ nagrahare hoylen khan ḍher din laharege onko do gõṛẽ kicricʼ horokʼkate ar torocʼre duṛupʼkate kại khon monko ạcurketakoa.

Aposkạmi 12:20

Ona oktere Herod do Tur ar Sidon nagraharen hoṛko cetanre ạḍiye edreyena. Unre onḍenko hoṛ do riạu mitʼkate Herod sãote ńapamokʼ lạgitʼko calaoena. Ar Blastos ńutuman rajakʼ giticʼ oṛakʼren kạmiạyicʼko rạmjạukedete onko do raj sãote sulukokʼ reakʼko koekeda, ente Herod rajakʼ disạm khonge ako lạgitʼ jomakʼ do hijukʼ kan tahẽkana.

Aposkạmi 24:23

Uni do Pạul horhoye lạgitʼ subedare hukumadea, menkhan thoṛa sạdhin macha dohoye reakʼ hõe metadea. Ar Pạulren gateko hõ hecʼkate jemon jạruṛleka uniko sapʼsorae.

Aposkạmi 27:1

Ado jahajte Itạliạteko idilea menteko goṭaketʼ khan Pạul ar eṭakʼ adom kạidiko do Julius ńutuman mitʼṭen subedarakʼ tireko jimạkatʼlea. Julius do maharaj Agustus palṭonko modren mitʼṭen subedare tahẽkana.

Aposkạmi 27:43

Menkhan subedar do Pạul bańcaoe lạgitʼ mon tahẽkantaete palṭonko akoakʼ kusi leka bae kạmi ocowatʼkoa. Uni doe hukumkeda okoe paerakʼko baḍae onko do pạhilre jahaj khonko don pheḍokʼte guṭuteko rakabokʼma,

Aposkạmi 28:16

Ar Romtele seṭeren khan Pạul do acʼ eskarge mitʼṭecʼ oṛakʼre tahen lạgitʼ hukume ńamkeda. Ar mitʼṭen palṭon do uniye pahrayede kan tahẽkana.

Josuạ 19:28

Ona tayom ona simạna do Ebron, Rehob, Hamon ar Kana secʼte maraṅ Sidon hạbicʼ calao idiyena.