Aposkạmi 23:16 - সান্তালী বাইবেল

¹⁶ Menkhan Pạul miseratren hopontetʼ do noa soṛojontro reakʼ katha ańjomkate palṭonkoakʼ gaṛteye calaoena ar ona katha Pạule baḍae ocokedea.

Santali Common Language New Testament

¹⁶ Menkhan Pạul miseratren hopontetʼ do noa soṛojontro reakʼ katha ańjomkate palṭonkoakʼ gaṛteye calaoena ar ona katha Pạule baḍae ocokedea.

Aposkạmi 23:16 Iomraidhean Croise

2 Samuel 17:17

Ona jokhecʼ Jonathan ar Ahimas do Enrogelre kin tahẽkana. Mitʼṭen kạ̃ṛmĩ do unkinakʼ khobore baḍaekan tahẽkana ar unkin do senkate Dạud raj khoborko kin emaekan tahẽkana, ente unkin lạgitʼ nagrahate oḍok bolokʼ do muhin reaṅge tahẽkana.

Jobakʼ 5:13

Uni do ạkilanko cạture hudisetʼkoa, ar eṛekoakʼ phundire do baṅ jo bahakʼkana.

Kạhtukko 21:30

Jãhãn ạkil, jãhãn bud ar jãhãn goṭawakʼge Probhu Isor upạrte ohoge teṅgo daṛelena.

Kạhtukko 24:15

E bedhorom hoṛ, dhorom hoṛakʼ oṛakʼ upạrte alom tãṛãkʼgokʼa, ar uniyakʼ tahen ṭhạ̃ire hat alom lagaoa;

Rak̕joṅ 3:37

Probhu Isor hukum bae emokʼ khan moca roṛte jãhãe jãhãnakʼe hoyoco daṛekea?

Aposkạmi 21:34

Unre hoṛko modre adomko do mitʼ leka arhõ adomko do eṭakʼ lekako hohoyetʼ tahẽkana. Onate maraṅ subedar do sạri ghoṭna bae baḍae daṛeatʼte palṭon gaṛte Pạul idiye lạgitʼe hukumkeda.

Aposkạmi 21:37

Ado palṭon gaṛteko adere lạgidokʼkan tahẽkanre Pạul do maraṅ subedare metadea, “Am sãote thoṛa kathań roṛ daṛekea?” Maraṅ subedare menkeda, “Junạni pạrsim baḍaegea?

Aposkạmi 23:10

Ona jhogṛa do nonka sạrdi idiyena je, maraṅ subedar doe botorena ente onko do Pạulko or cirạ botejea. Uni do palṭonkoe hukumatʼkoa jemon senkate hoṛkoakʼ ti khon Pạulko chingạu ạguiyete palṭon gaṛteko idiye.

Aposkạmi 23:17

Unre Pạul do mitʼṭen subedar hohowadeteye metadea, “Nui koṛa do maraṅ subedar ṭhen idiyem. Uni ṭhen thoṛa katha roroṛteakʼ menakʼtaea.”

Aposkạmi 23:32

Ar dosar hilokʼ onko do aswariko sãote Pạulko kolkedete palṭon gaṛteko ruạṛ calaoena.

Aposkạmi 24:23

Uni do Pạul horhoye lạgitʼ subedare hukumadea, menkhan thoṛa sạdhin macha dohoye reakʼ hõe metadea. Ar Pạulren gateko hõ hecʼkate jemon jạruṛleka uniko sapʼsorae.

1 Korinthiko 3:19

ente Isor samaṅre noa dhạrti reakʼ akel do eken lelhawakʼ kana. Sonot sostorre ol menakʼa, “Isor do akelanko akoakʼ seantetʼreye sapʼetʼkoa.”