Aposkạmi 21:3 - সান্তালী বাইবেল

³ Kupros diple ńel ńamketʼ khan ona dạkhin secʼte ạcurkate Siriạ Prodes reakʼ Tur nagrahate senkate jahaj khonle pheḍena. Onḍege aleakʼ jahaj reakʼ bojha do pheḍ reakʼ katha tahẽkantalea.

Santali Common Language New Testament

³ Kupros diple ńel ńamketʼ khan ona dạkhin secʼte ạcurkate Siriạ Prodes reakʼ Tur nagrahate senkate jahaj khonle pheḍena. Onḍege aleakʼ jahaj reakʼ bojha do pheḍ reakʼ katha tahẽkantalea.

Aposkạmi 21:3 Iomraidhean Croise

2 Samuel 8:6

Dạud do Aramrenkoakʼ rajosṭi reakʼ Damesekre acʼren lạṛhại phạdkoe dohoketʼkoa. Onate Aramrenko do uni gobolre tahẽkate khajna emokʼko ehopʼena. Nonkate Dạud do jãhã ṭhạ̃igeye calakʼkan tahẽkan Probhu Isor do onḍegeye jitạu ocoyede tahẽkana.

Sereńko 45:12

Tur nagraharen hoponerako do sandesko ạgu daraya; ar ạḍi kisạ̃ṛ hoṛko do amakʼ dayako khoja.

Sereńko 87:4

Probhu Isore meneda, “Okoe sạriyakʼgeko baḍae edeńkan onko reaṅ lại jokhecʼ iń do Rahob ar Babel reakʼ kathań lạiya, ar onko Philisṭiko, Tur ar Kusrenkoakʼ katha hõń lạiya, ‘noko mimitʼko do Sionreko janam akana.’ ”

Jesaea 7:2

Unre Dạud bõsren hoṛko men ocoyena, “Aramren lạṛhại phạdko do gate lekate Ephrayimreko ḍera akana.” Niạ katha ańjomkate Ahas ar uniren hoṛkoakʼ mon do botorte hoete bir reakʼ dareko leka dalmalaoentakoa.

Mathae 11:21

“Hae amre, E Khorashin, hae amre E Bethsaeda! Aben talare oka hahaṛa kạmiko hoyakan, ona do Tur ar Sidon reakʼ nagrahare hoylen khan ḍher din laharege onko do gõṛẽ kicricʼ horokʼkate ar torocʼre duṛupʼkate kại khon monko ạcurketakoa.

Mathae 4:24

Uniyakʼ katha do Siriạ disạm reakʼ sanam jaegakore pasnao idiyena. Ar hoṛko do ạḍi lekan rog bighinte sasetokʼkanko, bhut capaṛ akawatʼko, mirgi ar mitʼ kaṛ gocʼ rogteko jạbun akanko Jisu ṭhenko ạguketʼkoa. Ar uni do onko sanamkoe bogeketʼkoa.

Luk 10:13

“Hae am do E Khorasin! Hae am do E Bethsaeda! Okako hahaṛa kạmi aben talare hoyakan, ona do Tur ar Sidon nagrahare hoylen khan honaṅ ḍher din laharege onko do gõṛẽ kicricʼ horokʼkate ar torocʼre duṛupʼkate kại khon monko ạcurketakoa.

Luk 2:2

Siriạren disạm cakʼlaoyicʼ Kuriniạ oktere niạge pạhil dhao ńutum ol oco do hoylena.

Aposkạmi 11:19

Ado Stephan babot hoyen santao iạte okoekoko chirchạtur akan tahẽkan onko do Phoenikiạ, Kupros ar Siriạ disạm reakʼ Antiokiạ hạbicʼ senkate eken Jihudiko ṭhenge Isorakʼ kathako lạikeda.

Aposkạmi 12:20

Ona oktere Herod do Tur ar Sidon nagraharen hoṛko cetanre ạḍiye edreyena. Unre onḍenko hoṛ do riạu mitʼkate Herod sãote ńapamokʼ lạgitʼko calaoena. Ar Blastos ńutuman rajakʼ giticʼ oṛakʼren kạmiạyicʼko rạmjạukedete onko do raj sãote sulukokʼ reakʼko koekeda, ente Herod rajakʼ disạm khonge ako lạgitʼ jomakʼ do hijukʼ kan tahẽkana.

Aposkạmi 13:4

Ado sonot Jiu hotetekin kol ocoyen khan Barnabas ar Sạul do Seleukiạtekin rakapʼ calaoena. Ar onḍe khon jahajte unkin do Kupros diptekin senena.

Aposkạmi 15:23

Ado onko hotete noa ciṭhiko kolkeda: Antiokiạ, Siriạ ar Kilikiạren biswạs akan boṅgan hoṛ jạtren boehako ṭhen ale apostolko ar manḍerren murubbiko, metakʼme aperen boehako do noa ciṭhile olape kana. Apeakʼ suluk hoyokʼma.

Aposkạmi 15:39

Unre Pạul ar Barnabas do mot baṅ mitʼlente unkin dokin begarena. Onate Barnabas do Marke soṅgekedete jahajte Kupros dipteye calaoena, ar Pạul do Silạse bachaoana.

Aposkạmi 15:41

Pạul do Siriạ ar Kilikiạ talateye parom calao idiyente sanam manḍerkore pạtiạukoe keṭecʼketʼtakoa are daṛe ocoketʼkoa.

Aposkạmi 18:18

Pạul do ḍher din Korinthreye khemaoketʼ khan biswạsi boehako ṭhen khon bidạye hataokeda ar Akuilạ ar Priskillạ sãote jahajte Siriạ disạme hecʼena. Pạul do mitʼṭecʼe goṭa dohoakatʼ tahẽkante mohnḍakʼ lahare Kenkhreare uni doe hoyo munḍrạyena.

Aposkạmi 21:16

Kạisạriạren adom celako hõ ale sãoteko calaoena ar Manason ńutuman Kupros dipren mitʼ hoṛakʼ oṛakʼteko idiketʼlea. Ar aleakʼ tahen reakʼ katha do uniyakʼ oṛakʼrege tahẽkantalea. Uni do pạhil celako modren mitʼ hoṛe tahẽkana.

Aposkạmi 21:2

Unre ale do ona jahajre decʼkatele mohnḍayena.

Aposkạmi 21:7

Ado Tur khonle mohnḍayente Ptolemaisrele seṭerena. Onḍe do biswạsi boehakole joharatʼkote onko sãote mitʼ dinle tahẽyena.

Aposkạmi 27:4

Ado onḍe khon arhõ jahajko laṛaoketʼtalea. Menkhan samaṅ secʼ khone hoyetʼ tahẽkante ale do Kupros dip aṛetele calao idiyena.

Aposkạmi 4:36

Lewi bõsren Joseph ńutuman mitʼṭen hoṛe tahẽkana. Uni do Kupriko metakʼ dipre oṛakʼ tahẽkantaea. Apostolko do Barnabasko bahnakedea torjomate do jiwi raṛecʼren hoponko hohowaekan tahẽkana.

Bikʼcạrko 10:6

Israel hoponko do arhõ Probhu Isorakʼ nońjorre oka bạṛicʼakʼkan onage kạmiko ehopʼena. Onko do Bakʼal debotako ar Astarot debiko ar Aramrenko, Sidonrenko, Moabrenko, Amonrenko ar Philisṭikoren debotako sewawakoko ehopʼena. Nonkate Israelko do Probhu Isorko bạgikedete ar bako sewawadea.