Aposkạmi 20:7 - সান্তালী বাইবেল

⁷ Ado hapta reakʼ pạhil din Probhu Isorakʼ bhoj ataṅ lạgitʼ ale do mitʼ ṭhenle jarwayena. Unre Pạul do hoṛko porcarakoe ehopʼena. Uni do dosar hilokʼ calakʼ reakʼ katha tahẽkantaete tala ńindạ hạbicʼe galmarao idikeda.

Santali Common Language New Testament

⁷ Ado hapta reakʼ pạhil din Probhuakʼ bhoj ataṅ lạgitʼ ale do mitʼ ṭhenle jarwayena. Unre Pạul do hoṛko porcarakoe ehopʼena. Uni do dosar hilokʼ calakʼ reakʼ katha tahẽkantaete tala ńindạ hạbicʼe galmarao idikeda.

Aposkạmi 20:7 Iomraidhean Croise

Nehemiạ 8:3

Ar dakʼ phaṭok samaṅ reakʼ maedan secʼ samaṅkate uni do herel, maejiu ar eṭakʼ okoeko bujhạu daṛeakʼ onko do setakʼ khon tikin hạbicʼe paṛhao ańjomatʼkoa, ar hoṛko do goṭa monte ona ạn-ạri puthi reakʼ kathako ańjomkeda.

Nehemiạ 9:3

Ona tayom teṅgokate adha bela onko do akoren Probhu Isor ńutumte ạn-ạri reakʼ puthi khon paṛhaokateko ańjomkeda ar adha bela do kạiko aṅgocketʼa ar akoren Probhu Isor sewawae tulucʼ dinko khemaokeda.

Mark 16:9

Ado hapta reakʼ pạhil hilokʼ ạḍire Jisu do gocʼko khone jiwetʼ beretʼen khan pạhilre Magdalaren Mạriạm ṭhene ńel ocoyena. Uni Mạriạm khonge eae goṭen bạṛicʼ jiue oḍokʼ giḍiletʼko tahẽkana.

Luk 22:19

Ona tayom uni do piṭhạ halaṅkate Isore gun manao joharadea. Ar ona kecakʼkate celako ematʼkoteye metatʼkoa, “Noa do ińakʼ hoṛmo kana oka do apeko lạgitʼ emogokʼkan. Nonkaepe iń disạyiń lạgitʼ.”

Luk 24:35

Ar unkin cela do horre hoylenakʼ kin baḍae ocoketʼkoa. Unkin do arhõkin lạiyatʼkoa, piṭhại kecakʼetʼ tahẽkanre cetʼlekate kin oromkedea mente.

Johan 20:1

Ado hapta reakʼ pạhil din ạḍi setakʼre, ńut tahẽkanrege Magdalaren Mạriạm do ona topa ṭhene hecʼena. Ar topa duạr khon dhiri do ocokʼ akatʼe ńelkeda.

Johan 20:19

Ado enhilokʼge, hapta reakʼ pạhil din ạyupʼ jokhecʼ celako do Jihudi mukhiyạko botorte duạr sińkate mitʼ ṭhenko jarwa akan tahẽkana. Unre Jisu do hecʼkate onko talare teṅgoyenteye metatʼkoa, “Suluk apema.”

Johan 20:26

Ado niạ mitʼ hapta tayom celako do arhõ oṛakʼ bhitrire mitʼ ṭhenko jarwayena, ar Thoma hõ onko sãoteye tahẽkana. Unre silpińko sińge tahẽkanre hõ Jisu do hecʼkate onko talare teṅgoyenteye metatʼkoa, “Suluk ape ma.”

Aposkạmi 16:10

Ado Pạul noa dorsone ńelketʼ khan ale do Makedoniạte calakʼ lạgitʼ unregele sapṛaoena, entele bujhạu daṛeada Makedoniạren hoṛko ṭhen Mạsi reaṅ bhage sombat porcar lạgitʼ Isor doe hohowale kana.

Aposkạmi 2:42

Onkoko hoṛ do apostolkoakʼ cecetʼakʼko ańjometʼkan tahẽkana, ar onko sãote mitʼte Probhu kedokʼko ataṅetʼ tahẽkana ar koejoṅre jamaṛ akanko tahẽyena.

Aposkạmi 2:46

Onko do din hilokʼ mundilreko jarwakʼkan tahẽkana ar oṛakʼ oṛakʼ piṭhạ kecag tulucʼ rạskạ salakʼ soṛa monte mitʼteko jom ńũiyetʼ tahẽkana.

Aposkạmi 20:11

Inạ tayom Pạul do arhõ cetan kandhate rakapʼkate Probhu Isorakʼ bhoje ataṅkeda ar ạḍi ghạṛicʼ aṅga marsalokʼ hạbicʼe galmaraoatʼko tayom uni doe calaoena.

Aposkạmi 20:31

Onate ape do sontor akae tahenpe. Disạipe, iń do pe bochor khon siń ńindạ mẽtʼ dakʼ joro joroteń sontor akatʼpea, ar tisge bạń thirakana.

Aposkạmi 20:5

Nokoko hoṛ do lahare senkate Troas nagrahare ale lạgitʼko tạṅgi akatʼ tahẽkana.

Aposkạmi 20:9

Ar Euthukus ńutuman mitʼṭen juạn koṛa do ona oṛakʼ reakʼ khiṛki cetanreye duṛupʼ akan tahẽkana. Ado Pạul ạḍi ghạṛicʼe galmaraoetʼkan tahẽkante uni do dudṛumkedeteye jạpitʼkeda. Are jạpitʼ lạthiạuen khan pe tala khon latarteye ńurhạyena ar gocʼgeko tul rakapʼkedea.

Aposkạmi 28:23

Onko do Pạul são ńapamokʼ lạgitʼ mitʼṭecʼ dinko goṭakeda. Ar Pạul okareye tahẽkan onḍe do onko chaḍa arhõ aema hoṛko hecʼena. Unre Pạul do setakʼ khon ạyupʼ hạbicʼ Isorakʼ raj reaṅe galmaraoatʼkoa are bujhạuatʼkoa. Uni do Moseyakʼ ạn-ạri ar nạbikoakʼ puthi khon hõ Jisu reaṅe bujhạu akokan tahẽkana.

1 Korinthiko 10:16

6 Probhu kedokʼ okte gunmanao joharate oka bhoranakʼ bạṭi khon bon ńũi, ona do cetʼ Mạsiyakʼ mãyãmre bakhra seledokʼ leka do baṅkana? Ar okaṭakʼ piṭhạ do kecakʼkate bon jometʼkan ona hõ cetʼ Mạsiyakʼ hoṛmore bakhra seledokʼ leka do baṅkana?

1 Korinthiko 15:10

Menkhan ńitokʼ okań hoyakan ona do Isorakʼ dayategeń hoyakana. Iń cetanre uniyakʼ daya do baṅ ạuṛiyakʼ akana; ar eṭakʼ sanam apostolko khon iń do ḍheriń khaṭao akana; ar eken ińiń khaṭao akan ona do baṅ bickom ińre Isorakʼ daya hõ tahẽkana.

1 Korinthiko 16:2

Ape mimitʼko hõ apeakʼ daṛe leka thoṛa thoṛate doho jarwaepe hapta reakʼ pạhil dinre, jemon ińiń hecʼlenre dan uṭhạu alo lagaoape.

2Timothi 4:2

Isorakʼ katha lại jạhirme; batarre ar bin batarre, am do jao okte lại jạhir lạgitʼ sapṛao akae tahenme; ạḍi sobori salakʼ cetʼakote hoṛkoakʼ dosko udukʼakome, onko sontorkom ar sopolha emakom.

Johan sodor 1:10

Probhu Isorakʼ dinre iń do Jiureń tahẽkana. Ar un jokhecʼ iń tayomre siṅgạ saḍe leka mitʼ hoṛakʼ aṛaṅiń ańjomkeda.