Aposkạmi 2:42 - সান্তালী বাইবেল

⁴² Onkoko hoṛ do apostolkoakʼ cecetʼakʼko ańjometʼkan tahẽkana, ar onko sãote mitʼte Probhu kedokʼko ataṅetʼ tahẽkana ar koejoṅre jamaṛ akanko tahẽyena.

Santali Common Language New Testament

⁴² Onkoko hoṛ do apostolkoakʼ cecetʼakʼko ańjometʼkan tahẽkana, ar onko sãote mitʼte Probhu kedokʼko ataṅetʼ tahẽkana ar koejoṅre jamaṛ akanko tahẽyena.

Aposkạmi 2:42 Iomraidhean Croise

Luk 24:30

Ado unkin tulucʼ jojome duṛupʼenre uni do piṭhạ ataṅkate Isore gunmanao joharadea are kecakʼketʼteye ematʼkinạ.

Luk 24:35

Ar unkin cela do horre hoylenakʼ kin baḍae ocoketʼkoa. Unkin do arhõkin lạiyatʼkoa, piṭhại kecakʼetʼ tahẽkanre cetʼlekate kin oromkedea mente.

Aposkạmi 1:14

Onko jotoge biswạsi maejiuko ar Jisu eṅgat Mạriạm ar uniren boehako tulucʼ mitʼ monte koejoṅre jamaṛ akanko tahẽkana.

Aposkạmi 11:23

Ar Antiokiạren hoṛko Isorakʼ dayako ńamakada menteye ńelketʼ khan Barnabas do ạḍiye rạskạyena. Onko jemon goṭa ontorte Probhu Isorre biswạsko tahen onate uni do sanamkoe sikhạu paṛhaoketʼkoa.

Aposkạmi 2:46

Onko do din hilokʼ mundilreko jarwakʼkan tahẽkana ar oṛakʼ oṛakʼ piṭhạ kecag tulucʼ rạskạ salakʼ soṛa monte mitʼteko jom ńũiyetʼ tahẽkana.

Aposkạmi 20:11

Inạ tayom Pạul do arhõ cetan kandhate rakapʼkate Probhu Isorakʼ bhoje ataṅkeda ar ạḍi ghạṛicʼ aṅga marsalokʼ hạbicʼe galmaraoatʼko tayom uni doe calaoena.

Aposkạmi 20:7

Ado hapta reakʼ pạhil din Probhu Isorakʼ bhoj ataṅ lạgitʼ ale do mitʼ ṭhenle jarwayena. Unre Pạul do hoṛko porcarakoe ehopʼena. Uni do dosar hilokʼ calakʼ reakʼ katha tahẽkantaete tala ńindạ hạbicʼe galmarao idikeda.

Aposkạmi 4:23

Ado onḍe khonkin aṛakʼ ocoyen khan unkin do ạkinren hoṛko ṭhenkin calaoena ar maraṅ naekeko ar murubbiko cetʼ cetʼko metatʼkin tahẽkan ona sanamakʼ do onkokin baḍae ocoketʼkoa.

Aposkạmi 4:31

Ado oka jaegare onkoko jarwa mitʼ akan tahẽkan, koejoṅ tayom ona jaega do dal dalaoena. Ar onko sanamkoge sonot Jiuteko perecʼente dil salakʼ Isorakʼ katha lạlạiko ehopʼena.

Romiko lạgitʼ Pạul Apostolakʼ ciṭhi 12:12

Apeakʼ okaṭakʼ as menakʼ, ona iạte rạskạkʼpe. Harkhet sasetre soboripe. Koejoṅre jamaṛ akan tahenpe.

1 Korinthiko 10:21

Probhu Isorakʼ bạṭi khon ar bạṛicʼ jiukoakʼ bạṭi khon, noa banar khon do baṅgepe jom daṛeakʼa. Probhu Isorakʼ mej cetanre ar bạṛicʼ jiukoakʼ mej cetanre oka menakʼ ona banar reakʼ bakhra do ohogepe jom daṛelea.

1 Korinthiko 11:2

Apeń sarhaoetʼpea, ente ape do sanamakʼkorepe disạyediń kana ar okań cetʼ akawatʼpe onape sapʼ dohoakatʼa.

1 Korinthiko 14:6

Onate E boehako, ape ṭhen senkate eṭakʼ pạrsikoteń roṛle khan enḍekhan cetʼ iń porhokepea; sodorakʼ, se baḍaeakʼ, se nạbiyakʼ, se sikhạuna reakʼakʼ bạń galmarao ape khan do?

Galathiko lạgitʼ Pạul Apostolakʼ ciṭhi 1:6

Mạsiyakʼ dayate okoe do acʼren hoṛ hoyokʼ lạgitʼe hohowatʼpe tahẽkan, uni bạgikate usạra eṭakʼ lekan bhage sombat secʼpe ạwil akan ńelte iń doń hahaṛakʼ kana.

Ephesiko lạgitʼ Pạul Apostolakʼ ciṭhi 2:20

Apostol ar nạbiko do rehetʼ kanako, ar ona rehetʼren konac dhiri do Jisu acʼtetʼ kangeae. Ar ona rehetʼ cetanrege ape dope gathao ocoakana.

Ephesiko lạgitʼ Pạul Apostolakʼ ciṭhi 6:18

Sonot Jiu hotete ạyur ocokʼte mon ar ontorte jao ghuṛi koejoṅpe. Onate jagwar akae tahente Isorren sanam hoṛko lạgitʼ mitʼ talao koejoṅre jamaṛ akae tahenpe.

Philipiko lạgitʼ Pạul apostolakʼ ciṭhi 1:5

ente Jisu Mạsi reaṅ bhage sombat porcar kạmire ape do etohopʼ khon ńit hạbicʼpe goṛo ạguwạń kana.

Kolossiko lạgitʼ Pạul Apostolakʼ ciṭhi 1:23

Onate Mạsi reaṅ bhage sombat khon oka sạri aspe ńamakatʼ ona khon alo pharakokʼte pạtiạure teṅgo ṭarhao akae tahenpe. Ona bhage sombat do goṭa dhạrtire lại jạhir akana ar ape do onape ańjom akada. Ar iń Pạul do noa bhage sombatren porcaricʼ iń hoyakana.

Kolossiko lạgitʼ Pạul Apostolakʼ ciṭhi 4:2

Koejoṅre jamaṛ akan ar gun manao johar salakʼ jagwar akae tahenpe;

2Timothi 3:14

Menkhan am do okaṭakʼem cetʼakatʼ ar khạṭi montem biswạs akan onare ṭarhao akae tahenme, ente okoeko ṭhen khonem cetʼakatʼ ona mam baḍaege.

Ibriko 10:25

Adom adom hoṛakʼ mitʼ ṭhecʼ jarwakʼ reakʼ cetʼleka hewa menakʼtako, onka leka jarwakʼ do alo bon bạgi ma, bickom Mạsiyakʼ hijukʼ din hạbicʼ mimitʼko jemon arhõ bon udgạuko.

Ibriko 10:39

Okoe ruạṛ senkateko maraokʼkan onko dolren dobon baṅkana; menkhan pạtiạukʼte okoe bańcaoko ńam onko dolren kangea bon.

1 Johan 1:3

Okoe alele ńelakade ar okoeyakʼ moca reakʼ kathale ańjomakatʼ uni reaṅgele baḍae ocoyetʼpea. Ale do onale baḍae ocoyetʼpea jemon ape ar ale talare mitʼṭecʼ helmel benao rakabokʼ. Noa do hoyokʼ kana Baba ar uniren Hopon Jisu Mạsi ar abo tala reakʼ helmel.

1 Johan 1:7

Menkhan Isor do cetʼleka marsalre menae ar onkage abo hõ marsalre bon taṛametʼ khan enḍekhan abo talare helmel menakʼtabona ar uniren Hopon Jisuakʼ mãyãm do sanam kại khone sapha bona.

1 Johan 2:19

Mạsiren noko bạiriko do abo tala khonko oḍok akana. Menkhan onko do aboren hoṛ bako tahẽkana. Ente aborengeko tahẽlen khan, enḍekhan abo sãotegeko tahẽkokʼa honaṅ, menkhan onko doko oḍok sen akante bujhạukʼ kana okoe hõ aboren doko baṅkana.

Jihudạwakʼ ciṭhi 1:20

Menkhan E dulạṛiạ boehako, ape do apeakʼ sonot utạr biswạsre apete benao rakabokʼpe ar sonot Jiu reakʼ ạyurte koejoṅpe.