Aposkạmi 2:10 - সান্তালী বাইবেল

¹⁰ Phrugiạ ar Pamphuliạren, Misor ar Kurene senakʼ Lubiạ reakʼ adom jaegaren hoṛko, ar Rom nagrahare upriạ Jihudiko ar Jihudi dhoromreko pạtiạu akan boṅgan hoṛ jạtrenko,

Santali Common Language New Testament

¹⁰ Phrugiạ ar Pamphuliạren, Misor ar Kurene senakʼ Lubiạ reakʼ adom jaegaren hoṛko, ar Rom nagrahare upriạ Jihudiko ar Jihudi dhoromreko pạtiạu akan boṅgan hoṛ jạtrenko,

Aposkạmi 2:10 Iomraidhean Croise

Genesis 12:10

Kanan disạmre mitʼṭecʼ akal hoyena. Ona do maraṅ akalge tahẽkante, ar Abram do thoṛa din lạgitʼ Misor disạmte senkateye girobasena.

Ester 8:17

Joto tabe disạm ar nagrahakore okare rajakʼ hukum seṭeren onḍenko Jihudiko do hulạsateko porobena. Ar eṭakʼ eṭakʼ jạtren ḍher hoṛ doko Jihudiyena, ente onko do Jihudiko ạḍiko botoratʼkoa.

Jirimiạ 46:9

E sadomko, ape do ńir bhiṛạukʼpe. E rãt gạḍiko, ape do giṛgiṛạu baṛaepe. E birbanṭako, ḍhal akʼsenkan Kusren ar Puṭren hoṛko, ar Ludren dhinkiạko, ape do laha idikʼpe.

Jeheskel 30:5

Kus, Puṭ, Lud ar sanam Arob disạm, Kub ar gate disạmren hoṛko do lạṛhạire Misorrenko sãoteko gujukʼa.

Daniel 11:43

Misor reakʼ sanam sona rupạ ar dhonko do uniyakʼ ạidạrire hijukʼa ar Libiạ ar Kusrenko do uni gobolreko hijukʼa.

Hosea 11:1

Probhu Isore meneda, “Israel do gidrạ tahẽkan khongeń dulạṛedekana ar Misor khon do ińren hopongeń hoho ạgukedea.

Sakariạ 8:20

“Nonkan okte hijukʼa tinre ḍher jạtrenko ar ḍher nagraharen hoṛko do Jerusalemteko hijukʼa;

Sakariạ 8:23

Ona jokhecʼ aema pạrsi ar jạtkoren gel goṭen hoṛ do mitʼṭen Jihudi hoṛakʼ kicricʼ ańcar sapʼkateko mena, ‘ale hõ ape sãotele calakʼa, ente alele ańjom akada, Isor do ape sãorege menaea.’ Iń phạdkoren Probhu Isorge noa katha doń meneda.”

Mathae 23:15

“Hae, ape sostor baḍaeko, Phạrusiko ar phạsiạrako do! Eken mitʼ hoṛ apeakʼ dhoromre ạguiye lạgitʼ dhạrti reakʼ oka jaegare bape dãṛãn kana. Ar aperen celae hoylenre uni do ape khon hõ bạ̃ṛti norokre khadlekʼ lekpe hoeocoyedea.

Mathae 27:32

Ado onḍe khonko oḍok hijukʼkan tahẽkanre palṭonko do Kureni nagraharen Simon ńutuman mitʼṭen hoṛko ńamkedea. Ar Jisuakʼ kurus gokʼ iditae lạgitʼko sapʼ paṭetʼkedea.

Mark 15:21

Ado ona jokhecʼ Kurene nagraharen Simon ńutuman mitʼṭen hoṛ do ato secʼ khon ona horteye calakʼkan tahẽkana. Uni do Aleksander ar Ruphustekinren apate tahẽkana. Palṭonko do Jisuakʼ kurus gokʼiditae lạgitʼ uniko sapʼ paṭetʼkedea.

Aposkạmi 11:20

Menkhan onko modre adomko do Antiokiạte senkate Junạni pạrsiren hoṛko ṭhen hõ Probhu Jisu reaṅ bhage sombat porcarko dhurạuena. Noko do Kupros dip ar Kurene nagraharen hoṛko tahẽkana.

Aposkạmi 13:1

Antiokiạ manḍerre do thoṛa nạbi ar cecetʼkoko tahẽkana. Onkoakʼ ńutum do Barnabas, Nigerko metaekan Simeon, Kurene nagraharen Lukius, disạm cakʼlaoyicʼ Herod sãoteye ạsul haralen Manaen ar Sạul.

Aposkạmi 13:13

Noa tayom Pạul ar uniren sãotenko do jahajte Paphos khon Pamphuliạ disạm reakʼ Perga nagrahateko calaoena. Unre Johan do onko bạgikate Jerusalemteye ruạṛ senena.

Aposkạmi 13:43

Ar sunạgog khonko calao baṛayen khan ạḍi utạr Jihudiko ar Jihudi dhoromre pạtiạu akan Isor botoraekanko do Pạul ar Barnabas tạkinko pańjaketʼkinạ. Unre Pạul ar Barnabas do onkokin galmaraoatʼkoa, ar Isorakʼ dayare jemon khạtirko tahen ona lạgitʼkin udgạuketʼkoa.

Aposkạmi 14:24

Tayomte Pạul ar Barnabas do Pisidiạ Prodes talatekin parom calaoente Pamphuliạ Prodeste kin seṭerena.

Aposkạmi 15:38

Menkhan Pạul do uni soṅgete iditoraye bhage do bae metatʼa, ente Mark do Pamphuliạreye bạgi oṭowatʼkin tahẽkana ar unkin sãote ar bae kạmileda.

Aposkạmi 16:6

Pạul ar uni sãotenko do sonot Jiu hoteteko mana ocoyente Asiạre do bako porcarleda. Unre onko do Phrugiạ ar Galatiạ Prodes reakʼ sanam jaegateko calaoena.

Aposkạmi 17:21

Onko do noa iạtegeko menkeda, ente Athensren sanam hoṛko ar ona nagrahare okoe upriạko tahẽkan onko do nãwã nãwãnakʼ babotre katha roṛ ar ańjomte okteko khemaoetʼ tahẽkana.

Aposkạmi 18:2

Onḍe do Akuilạ ńutuman mitʼṭen Jihudi sãoteye ńapamena. Nui Akuilạ do Pontus disạmreye janamlena. Maharaj Klạudius do sanam Jihudiko Rom khon oḍok calakʼ lạgitʼe hukumatʼko tahẽkana. Onate thoṛa din lahare Akuilạ do acʼren bạhu Priskillạ soṅgekate Itạliạ khon Korinth nagrahateye hecʼakan tahẽkana. Ar Pạul do unkin ṭhene calaoena.

Aposkạmi 18:23

Antiokiạre thoṛa din khemaokate onḍe khone mohnḍayente Galatiạ ar Phorugiạ Prodes reakʼ mitʼ jaega khon eṭakʼ jaegae dãṛãketʼte celakoakʼ pạtiạue kajakketʼtakoa.

Aposkạmi 2:11

Kret dipren hoṛko ar Arobrenko; abo sanamkoge coṅ aboakʼ nij nij pạrsite Isorakʼ maraṅ kạmiko reakʼ katha roroṛkan bon ańjometʼko.”

Aposkạmi 23:11

Dosar hilokʼ ńindạ Probhu Isor do Pạul ṭhen teṅgoyenteye metadea, “Dil joṅme, Jerusalemre cetʼleka iń reaṅ goham emakatʼ onkage Romre hõ ińakʼ goha emokʼ hoyokʼtama.”

Aposkạmi 27:5

Tayomte Kilikiạ ar Pamphuliạ aṛe aṛete senkate jalapuri paromkate Lukiạ Prodes reakʼ Murạ nagrahatele seṭerena.

Aposkạmi 28:15

Onḍenko biswạsi boehako do aleakʼ hijukʼ reaṅko ańjom akatʼ tahẽkana. Ar horte ale sãote soṅgekʼ lạgitʼ onkoren adomko do Appius Haṭ, ar adomko do Pe Sạrại ato hạbicʼ ale daramko oḍok hecʼena. Khan noko hoṛko ńelte Pạul do Isore sarhaokedea ar acʼ hõ monre udgạue ńamkeda.

Aposkạmi 6:5

Ado dolren sanamkoge noa katha do mońjko metatʼa. Onko do biswạs ar sonot Jiute perecʼ akan Stephanko bachaokedea. Ona chaḍa Philip, Prokhorus, Nikanor, Timon, Parmenas ar Antiokiạren Nikolasko bachaokedea. Nui Nikolas do boṅgan hoṛ jạtrene tahẽkanre hõ Jihudi dhorome pańjayetʼkan tahẽkana.

Aposkạmi 6:9

Ar okaṭakʼ sunạgog do sạdhin hoṛkoakʼ sunạgogko metakʼkan tahẽkan ona sunạgogren adomko hoṛ do Stephan upạrteko teṅgoyena. Onko do Kureni ar Aleksandriạ nagraharen ar Kilikiạ ar Asiạ disạmren Jihudikoko tahẽkana.

Romiko lạgitʼ Pạul Apostolakʼ ciṭhi 1:15

Onate okoe Romre menakʼpe ape ṭhen hõ Jisu Mạsi reaṅ bhage sombat jạhirape lạgitʼ doń khaṛagea.

Romiko lạgitʼ Pạul Apostolakʼ ciṭhi 1:7

Rom nagraharen okoeko hoṛ do Isore dulạṛetʼko ar acʼren hoṛ hoyokʼ lạgitʼe hohoakatʼko, onko sanamko ṭhen, metakʼme ape ṭhenge iń do noa ciṭhiń oletʼkana. Aboren Isor Baba ar Probhu Jisu Mạsi doe mãyã apema ar suluke dan apema.

2Timothi 1:17

Romreye tahẽkanre uni do jidkateye sendra ńamledińạ.

Johan sodor 11:8

Unkinren Probhu Isor oka nagrahareye kurus ocolen ona maraṅ nagraha reakʼ horre unkinakʼ mạ̃ṛĩ do giḍi akan tahena. Ona nagraha reakʼ asol ńutum do Sodom ar Misor baṅkanre hõ, enhõ mitʼ lekangete ona nagraha do Sodom ar Misorko metakʼa.