Aposkạmi 19:9 - সান্তালী বাইবেল

⁹ Menkhan onko modren adomkoakʼ mon do goṛdhoge tahẽkante bako pạtiạulena ar sanamko samaṅre Jisuakʼ hor reaṅ ạḍi leka opomanko ehopʼena. Unre Pạul do onko bạgiyatʼkoteye calaoena. Uni do celakoe soṅgeketʼkote Turanus ńutuman mitʼṭecʼ iskulre senkate dinạm hilokʼe lại bujhạuako kan tahẽkana.

Santali Common Language New Testament

⁹ Menkhan onko modren adomkoakʼ mon do goṛdhoge tahẽkante bako pạtiạulena ar sanamko samaṅre Jisuakʼ hor reaṅ ạḍi leka opomanko ehopʼena. Unre Pạul do onko bạgiatʼkoteye calaoena. Uni do celakoe soṅgeketʼkote Turanus ńutuman mitʼṭen iskulre senkate dinạm hilokʼe lại bujhạuako kan tahẽkana.

Aposkạmi 19:9 Iomraidhean Croise

2 Rapajko 17:14

Menkhan onko do ona katha bako luturada. Onkoren hapṛamko okoe do akoren Probhu Isor ṭhen bako ṭehãḍokʼkan tahẽkan, onko lekage monko keṭecʼketʼ takoa.

2 Bõsbudạ 30:8

“Aperen hapṛamko leka hoṭokʼ do alope keṭejtapea bickom Probhu Isorakʼ tire jimạkʼpe. Ar okaṭakʼ sonot oṛakʼ uni do jaejug lạgitʼ acʼ ńutumteye begar dohoakatʼ ape do ona oṛakʼte hijukʼpe ar aperen Probhu Isor sewawaepe jemon ape cetan khon uniyakʼ botoranakʼ edre ocogokʼtae.

2 Bõsbudạ 36:16

Menkhan onko do Isoren kol hoṛkoko landa-dhutʼako kan tahẽkana, ar onkoakʼ kathako chi baṅakʼ kan tahẽkana ar uniren nạbikoko ṭiṭkạriyetʼko tahẽkana. Mucạtʼre Probhu Isorakʼ edre do uniren hoṛko upạrte caṛhaoena; ar rukhiyạ ńam lạgitʼ jãhãn hor do ar baṅ tahẽlen takoa.

Nehemiạ 9:29

“Amakʼ ạn-ạri secʼ ruạṛ hijukʼ lạgitʼ onkom sontorletʼkoa menkhan onkoakʼ beohar do bạḍạite perecʼge tahẽkantakoa; onko do amakʼ sanam hukumko bebataoleda. Amakʼ okako hukum palonkate hoṛko bańcaokʼ ona upạrteko kạileda. Onko do hoṭokʼko keṭecʼ ketʼtakote amakʼ katha bako ańjomletʼa.

Sereńko 95:8

Uniye men akada, “Aperen hapṛamko leka apeakʼ ontor do alope keṭejtapea; onko do hahaṅkarre Meribare ar Massa ṭhen ińko biḍạuledińa. Aperen hapṛamko do ińko ńelakadeńre hõ enhõ onko do onḍeko biḍạu aṭkarledińa.

Kạhtukko 8:34

Okoe hoṛ ińakʼ kathako ańjom ar dinạm hilokʼ ińakʼ duạr ṭhen ebhen akane tahen ar ińakʼ silpińko ṭhene tạṅgi hataṛ uni doe bhạgangea.

Jesaea 8:14

Enḍekhan unige mitʼṭecʼ sonot asrayokʼ ṭhạ̃iye hoyokʼtapea, menkhan Israelkoakʼ banar disạm lạgitʼ do mitʼṭecʼ tạkʼkicʼakʼ dhirigeye hoyokʼa jemon hoṛkoko tohodokʼ. Jerusalemren hoṛko lạgitʼ uni do jhampa ar pạsi lekae hoyokʼa.

Jirimiạ 19:15

“Israelren Isor phạdkoren Probhu Isore meneda, ‘ańjompe, iń do niạ nagraha ar ona aḍepase reakʼ atoko cetanre oka ghoṭna paṛao ocoe reakʼ kathań menakatʼ ona do onko cetanreń paṛao ocoya, ente onko do hoṭokʼko keṭecʼ akatʼtakoa ar ińakʼ katha hõ bako ańjomleda.’ ”

Jirimiạ 7:26

Menkhan ińakʼ katha do bape ańjomleda se mone hõ bape moneyada. Ape do hoṭokʼpe keṭecʼketʼtapete aperen hapṛamko khon hõ ḍher bạṛicʼakʼpe kạmi akada.

Mathae 15:14

Onko do apnartetʼko kãṛãgere hõ kãṛã ạyurko kanako. Ar kãṛã do kãṛãye ạyure khan banarge ghaḍlakʼrekin ńurokʼa.”

Mathae 16:4

Niạ bạṛicʼ ar laṭghaṭ piṛhiren hoṛge cinhạ doko ńam bakʼṛakana, menkhan Jona reakʼ chaḍa ar okaṭakʼ hõ onko do baṅ udukʼakoa.” Inạ tayom Jisu do onko bạgiyatʼkoteye calaoena.

Mathae 26:55

Uni do gadel hoṛkoe metatʼkoa, “Iń do cetʼ ḍạku kạnạń, onate tarwaṛe ar ṭheṅgawante iń sasapʼpe hecʼakana? Iń ma coṅ jaoge mundilre duṛupʼkateń cetʼako kan tahẽkan, ar unrema bacope sapʼlediń.

Johan 12:40

“Isor do onkoakʼ mẽtʼe kãṛã akatʼtakoa ar ontor doe goṛdho akatʼtakoa, jemon onko do mẽtʼte aloko ńeńel ar ontorte aloko bujhạu, ar bogekʼ lạgitʼ uni ṭhen aloko ruạṛ hijukʼ.”

Aposkạmi 11:26

ar uniye ńamkede khan Antiokiạteye ạgukedea. Barnabas ar Sạul do goṭa bochor manḍerren hoṛko sãotekin tahẽyena ar ạḍi utạr hoṛkin cetʼatʼkoa. Ar noa Antiokiạrege celako do pạhil Khristanko ńumocoyena.

Aposkạmi 14:4

Onate nagraharen hoṛko doko begarena; adomko do Jihudiko secʼ ar adomko do apostol secʼko calaoena.

Aposkạmi 17:4

Noa katha ańjomkate adom Jihudiko doko pạtiạuente Pạul ar Silạs tạkin sãoteko mitʼena. Ona chaḍa Isor botorae aema Junạniko ar bhodro maejiuko hõ unkin sãoteko mitʼena.

Aposkạmi 19:23

Ona jokhecʼ Jisuakʼ hortetʼ babotre ạḍi gulmal ehopʼena.

Aposkạmi 19:30

Pạul do ṭhạurạ akan hoṛko ṭhen senokʼe menleda, menkhan celako do bako sen ocoadea.

Aposkạmi 20:31

Onate ape do sontor akae tahenpe. Disạipe, iń do pe bochor khon siń ńindạ mẽtʼ dakʼ joro joroteń sontor akatʼpea, ar tisge bạń thirakana.

Aposkạmi 22:4

Jisuakʼ horte okoeko calakʼkan tahẽkan onko doń santaoetʼko tahẽkana ariń gocʼetʼko tahẽkana ar herel ar maejiuko sapʼ ạgukate hajotreń bhoraoetʼko tahẽkana.

Aposkạmi 24:21

Eken noa mitʼṭecʼ reaṅko dusi daṛeạńạ, iń do onko samaṅre teṅgokate ãṭ aṛaṅteń roṛletʼ tahẽkana, ‘gocʼko do arhõko jiwetʼ beredokʼa ar noa reaṅge teheń ape samaṅre bicạr hoyokʼ kantińạ.’ ”

Aposkạmi 28:22

Menkhan ale do amakʼ mon reakʼ kathakole ańjomtama, ente alele baḍaea joto jaegarege hoṛko do ona dol reakʼ upạrte kathako roṛeda.”

Aposkạmi 7:51

E keṭecʼ hoṭokʼanko! Be-Jihudiko lekage apeakʼ lutur ar ontor do, ar apehõ ṭhik aperen hapṛamko leka kanape. Ape do jaoge sonot Jiupe tạkicʼ daramedekana.

Romiko lạgitʼ Pạul Apostolakʼ ciṭhi 11:7

Enḍekhan bujhạukʼ kana, Israelko okaṭakʼ ńam reakʼko kurumuṭuyetʼ tahẽkan ona do bako ńamleda, menkhan Isor okoekoe bachao doho akawan tahẽkan onkoge ona doko ńamakada, ar eṭakʼkoakʼ mon do dhiri leka keṭecʼ akantakoa.

Romiko lạgitʼ Pạul Apostolakʼ ciṭhi 9:18

Onate Isor do acʼakʼ kusi leka okoeye daya akokan onkogeye daya akokana ar okoe keṭejeye menjoṅkan uni doe keṭecʼ edekana.

1 Korinthiko 16:9

ente oka kạmire ḍher jo ńamokʼ onkan kạmi lạgitʼge mitʼṭecʼ maraṅ bhạg reakʼ duạr do iń lạgitʼ jhicʼ akana; menkhan noare ḍher hoṛgeko tạkicʼ daramedińkana.

1Timothi 6:5

ar mon baṅgla bhat akantako hoṛko talare mitʼ talao gulmal. Ar noko hoṛkore Isorakʼ sạritetʼ do bạnukʼa; Mạsiyakʼ dhorom pạtiạu onko do dhạrti secʼte mitʼṭecʼ lab reakʼ upại menteko bujhạueda.

2Timothi 1:15

Noa dom baḍaegea, Ạsiạ disạmren sanamkoge ińko dea giḍiakadińa. Onko modre Phugelus ar Hermogenes hõ menakʼkinạ.

2Timothi 3:5

Onkoakʼ bahretetʼem ńelle khan Isor bhokti menakʼtakoa mentem bujhạukea, menkhan Isor bhokti reakʼ daṛe do bako aṅgoceda. Nonkan hoṛko khon do pharak akae tahenme.

2Timothi 4:2

Isorakʼ katha lại jạhirme; batarre ar bin batarre, am do jao okte lại jạhir lạgitʼ sapṛao akae tahenme; ạḍi sobori salakʼ cetʼakote hoṛkoakʼ dosko udukʼakome, onko sontorkom ar sopolha emakom.

Ibriko 3:13

Ona khon tinạkʼ din sonot sostorre “Teheń” katha menogokʼkan, ona reakʼ din hilokʼge ape do apekore udgạu emokʼpe, jemon ape modre okoeyakʼ mon hõ kại reakʼ lilkạrte alo keṭejokʼtape.

2 Patras 2:12

Menkhan bin buj janwarko leka okoe do sobhabtege sapʼocokʼ ar gocʼ ocokʼ lạgitʼko janam akan, noko eṛe cecetʼko hõ onko lekage. Onko do okaṭakʼ bako bujhạu akatʼ ona reaṅ bạṛicʼ kathako roṛa. Ar akoakʼ bạṛicʼakʼrege onko doko ḍahao maraokʼa.

2 Patras 2:2

Ar ḍher hoṛge onko ńelte lucạ lamoṭkoko hoyokʼa. Onko iạtege sạriyakʼ reakʼ hor do nindạu ocokʼa.

Jihudạwakʼ ciṭhi 1:10

Menkhan noko bhonḍ cecetʼko do oka bako bujhạu akatʼ ona reaṅ bạṛicʼ kathako roṛa ar bebuj janwarko leka akote okaṭakʼko bujhạuakatʼ onategeko marao utạrokʼa.