Aposkạmi 19:1 - সান্তালী বাইবেল

^1-2 Apollos Korinthreye tahẽkanre Pạul do Asiạ Prodes talate Ephesusteye hecʼena. Onḍe adom celakoe ńapamketʼkote onkoe kuliketʼkoa, “Probhu Jisurepe pạtiạulenre cetʼ sonot Jiupe ńamledea?” Metadeako, “Sonot Jiu je menae ona reakʼ katha do bale ańjomakada.”

Santali Common Language New Testament

^1-2 Apollos Korinthreye tahẽkanre Pạul do Asiạ Prodes talate Ephesusteye hecʼena. Onḍe adom celakoe ńapamketʼkote onkoe kuliketʼkoa, “Probhu Jisurepe pạtiạulenre cetʼ sonot Jiupe ńamledea?” Metadeako, “Sonot Jiu je menae ona reakʼ katha do bale ańjomakada.”

Aposkạmi 19:1 Iomraidhean Croise

Aposkạmi 18:1

Niạ tayom Pạul do Athens khone oḍok senente Korinth nagrahateye calaoena.

Aposkạmi 18:8

Sunạgogren mukhiyạ Krispus ar acʼ gharońjren sanamko do Probhu Isorreko pạtiạuena. Ona chaḍa Korinthiko modren ḍher hoṛge Pạulakʼ katha ańjomkateko pạtiạuena arko bạptisena.

Aposkạmi 19:17

Ado noa khobor Ephesusre girobas akan Jihudi ar Junạnikoko baḍaeketʼ khan sanamkoge ạḍiko botorena ar Probhu Jisuakʼ ńutum do maraṅentaea.

Aposkạmi 19:26

Menkhan ar hõpe ńeletʼkana arpe ańjometʼgea, Pạul ńutuman uni hoṛ do aboakʼ noa Ephesusre ar goṭa Asiạ Prodesren ḍher hoṛkoe biswạs ocoyetʼkote bhul horteye idiyetʼkoa. Uni doe metako kana tite benaoetʼko debota do cele hõko baṅkana.

Aposkạmi 20:16

Asiạ Prodesre Pạul jemon aloe bilomokʼ onate uni do Ephesusre teṅgo baṅkate ona aṛete parom calakʼe goṭa akatʼ tahẽkana. Uni do Jerusalemte seṭerokʼ lạgitʼe usạrayetʼ tahẽkana jemon hoedaṛeakʼ khan penṭekosṭ hilokʼ do onḍeye tahẽdaṛeakʼ.

Aposkạmi 20:18

Ado onko onḍeko seṭeren khan Pạul do onkoe metatʼkoa, “Asiạ disạmreń hecʼen pạhil din khon ape sãote jaoge cetʼ lekań khemaoletʼ ona dope baḍaegea.

Aposkạmi 21:29

Onko do noa iạtegeko menkeda, ente noa lahare Ephesusren Trophimus hõ Pạul sãote nagrahareko ńelledea. Onateko hudiskeda, Pạul do Trophimus hõ mundilteye ạguakadea.

1 Korinthiko 1:12

Iń do noań meneda, apeko modren adomkoko meneda, “Iń doń Pạulren kana” ar adomko doko meneda, “Apollosren kạnạń” ar adomko doko meneda, “Kephasren kạnạń” ar adomko doko meneda, “Iń doń Mạsiren kana.”

1 Korinthiko 15:32

Ephesusre bir janwarko tulucʼ okań lạṛhạilen, ona jodi manwako lekań onka lekhan enḍekhan cetʼ porho hoyokʼtińạ? Ar gocʼko bako jiwetʼ beredokʼ khan enḍekhan, “delabon jom ńũite okteko bon khemaoma; ente gapa dobon gujukʼa.”

1 Korinthiko 16:12

Ar boeha Apolloss reaṅ iń meneda. Iń do ạḍiń nehõrade tahẽkana jemon boehako sãote ape ṭhene calakʼ, menkhan ńitokʼ uni do calakʼ reakʼ mon bạnukʼtaea. Ar tayomteye opsorlen khan uni doe calakʼa.

1 Korinthiko 16:8

Menkhan pentekosṭ hạbicʼ iń do Ephesusregeń tahena,

1 Korinthiko 4:6

E boehako, apeakʼ porho lạgitʼge iń do ińakʼ ar Apollossakʼ kathakoń roṛeda, jemon ạliń ṭhen khonpe cetʼ daṛeakʼ baṅma, oka olakan ona bahre calakʼ do baṅ ṭhika mente. Enḍekhan ape do mitʼ hoṛ bạgikate eṭagicʼ upạrte bape gorbokʼa.

Ephesiko lạgitʼ Pạul Apostolakʼ ciṭhi 1:1

Iń Pạul do Isorakʼ sanate Mạsi Jisuren mitʼṭen apostoliń hoyakana. Ephesus nagrahare okoe doko Isorren hoṛkan ar okoe do Jisu Mạsireko pạtiạu akan onko ṭhen noa ciṭhiń oletʼkana.