Aposkạmi 18:6 - সান্তালী বাইবেল

⁶ Menkhan Jihudiko do tinre Pạul upạrte katha roṛ ar uni opomaneko ehopʼena unre Pạul do onko upạrte acʼakʼ kicricʼkoe koṭakeda are metatʼkoa, “Apeakʼ mãyãm do apeakʼ bohokʼrege paṛaokʼma. Noa babotre ińakʼ jãhãn dos do bạnukʼtińạ. Ńit khon iń do boṅgan hoṛ jạtrenko ṭhengeń calakʼa.”

Santali Common Language New Testament

⁶ Menkhan Jihudiko do tinre Pạul birudre katha roṛ ar uni opomaneko ehopʼena unre Pạul do onko birudre acʼakʼ kicricʼkoe koṭakeda are metatʼkoa, “Apeakʼ mãyãm do apeakʼ bohokʼrege paṛaokʼma. Noa babotre ińakʼ jãhãn dos do bạnukʼtińạ. Ńit khon iń do boṅgan hoṛ jạtrenko ṭheniń calakʼa.”

Aposkạmi 18:6 Iomraidhean Croise

2 Samuel 1:16

Dạud do unre uni koṛae metadea, “Amakʼ gujukʼ lạgitʼ dạyi dom amkangea, ente amakʼ moca kathage am upạrte gohae emeda, Probhu Isorren ojokʼ akade hoṛem gocʼ akadea mente.”

1 Rapajko 2:33

Unkinakʼ mãyãm reakʼ dos do Joab ar uniyakʼ bõsren hoṛkoakʼ bohokʼ cetanre jaejug hạbicʼ tahenma. Menkhan Dạud ar uni bõsren hoṛko cetanre ar uniyakʼ gharońj ar uniyakʼ siṅghạson cetanre Probhu Isorakʼ sạjại do jaejug hạbicʼ tahenma.”

Nehemiạ 5:13

Iń do ińakʼ samaṅ secʼ koṭaketʼteń menkeda, “Okoe noa gokʼakʼ bae rukhiyại Isor do onko mimitʼko onkoakʼ oṛakʼ-duạr ar sompotti khon nonkageye koṭa giḍikakoa. Nonkan hoṛko do nonkageko koṭa giḍi ocokʼa ar onkoakʼ do sanamakʼ cabakʼ takoa.” Niạ katha ańjomkate sanam hoṛko menkeda, “Amen,” ar onko do Probhu Isorko sarhaokedea. Manotan hoṛko do akoakʼ gokʼakʼ lekageko kạmikeda.

Jeheskel 18:13

uni do sudte ṭaka dhare emokʼkan ar bạ̃ṛti sude hataoetʼkan, enḍekhan uni hopon do cetʼ jiwetʼe tahena? Uni do jiwetʼ bae tahena. Uni do noa hirkhạwakʼe kạmi akatʼte khạṭigeye gujukʼa. Uni do acʼakʼ gujukʼ lạgitʼ apnarge dạyireye paṛaokʼa.

Jeheskel 33:4

ar jodi sakwa reakʼ saḍe ańjomkate hõ jãhãe bae sontorokʼ ar tarwaṛe hecʼkate uniye capoṭe enḍekhan uniyakʼ mãyãm do acʼrege paṛaokʼa.

Jeheskel 33:6

Menkhan, uni pahradar do tarwaṛe hijukʼkan ńelkaterehõ hoṛko sontorko lạgitʼ sakwa bae oroṅ, ar tarwaṛe hecʼkate jãhãe mitʼ hoṛe capoṭe, enḍekhan acʼakʼ ghạṭ iạte uni doe capoṭ ocokʼa, menkhan uni pahradarakʼ ti khon uniyakʼ mãyãm reakʼ iń hala hạliya.

Levitikus 20:9

“Jãhãeakʼ kathare gogo ar baba lạgitʼ bemanot tahen uni do khạṭigeye gocʼ ocokʼa. Ar ona bemanot iạte gujukʼ do apnargeye dạyikana.

Mathae 10:14

Jãhãe bako ataṅpe se apeakʼ kathako bako ańjom enḍekhan ona oṛakʼ se ato khonpe oḍokokʼre apeakʼ jaṅga reakʼ dhuṛi hõ koṭa giḍi oṭokakʼpe.

Mathae 21:41

Sostor baḍaekoko menkeda, “Uni do onko bạṛicʼ hoṛkoe maraokoa ar okoe cacasako okte nạpitre acʼakʼ jo reakʼ bhagko emae onko ṭhene bạisạu oṭokakʼa.”

Mathae 21:43

Onateń metapekana, Isorakʼ raj do ape ṭhen khon rejogokʼa ar nonkan hoṛko ṭhen emogokʼa, one okoeyakʼ jionre ona rajosṭi reakʼ jo ńelokʼkan.

Mathae 22:10

Unre onko gutiko do horkore oḍok senkate boge bạṛicʼ tinạkʼko ńamketʼko, jotogeko hoho ạguketʼkoa. Ar nonkate bapla oṛakʼ do onko peṛakote perecʼena.

Mathae 27:25

Sanamkoko roṛ ruạṛadea, “Ale ar aleren gidrạkoge uniyakʼ mãyãm reakʼ dạyikle hoyokʼa.”

Mathae 8:11

Ińiń metapekana, purub ar pạchim khon aema hoṛko hijukʼa ar Abraham, Isahak, ar Jakob sãote serma rajre jojomko duṛupʼa.

Luk 22:65

Nonkate onko do arhõ ạḍi utạr kathakote uniko henostawadea.

Luk 9:5

Ar hoṛko bako ataṅpe khan, enḍekhan onkoakʼ ato khonpe oḍokʼ hijukʼre apeakʼ jaṅga reakʼ dhuṛi hõ koṭa giḍi oṭokakʼpe, jemon onage onko upạrte gohae teṅgokʼ.”

Aposkạmi 13:51

Unre Pạul ar Barnabas do onko hoṛko upạrte ạkinakʼ jaṅga reakʼ dhuṛikin koṭa giḍi oṭokatʼte Ikonium nagrahatekin calaoena.

Aposkạmi 26:11

Onko sạjạiko lạgitʼ mitʼ sunạgog khon eṭakʼ sunạgog hạbicʼ iń calakʼkan tahẽkana ar Jisu birudre katha roṛ lạgitʼ iń jormoṭetʼko tahẽkana. Onko cetanre nunạkʼ ãṭ raṅgao tahẽkantińạ je, onko khedko lạgitʼ bides reakʼ nagrahako hạbicʼ hõń calakʼkan tahẽkana.

Aposkạmi 26:20

Damesekre okoe menakʼko pạhilre onko ṭhen, ar ona tayom do Jerusalemrenko ar goṭa Jihudirenko ar boṅgan hoṛ jạtrenko ṭhen hõń porcar akada je, onko do kại khon mon ạcurkate Isor secʼ ruạṛokʼ lek takoa, ar nonkan kạmi lek takoa one okaṭakʼte sạbudokʼ baṅma onko do monko ạcur akada mente.

Aposkạmi 28:28

“Onate baḍae joṅpe, Isorakʼ noa bańcao do boṅgan hoṛ jạtrenko ṭhen kol akana; onkoge ańjom hõko ańjoma.”

Romiko lạgitʼ Pạul Apostolakʼ ciṭhi 3:29

Isor do cetʼ eken Jihudikoren kangeae, boṅgan hoṛ jạtrenko doe baṅkana? Hẽ, uni do boṅgan hoṛ jạtkoren hõ Isor kanae,

1Timothi 5:22

Usạrate okoe cetanre hõ ti capokate jãhãn hudạre alom bahalea, ar eṭakʼkoakʼ kạire hõ alom bhạgiạrikʼa, ar napaete tahenme.

2Timothi 2:25

Okoe uni upạrteko teṅgokʼ onko do mạ̃hir salakʼe cetʼako ma. Ona cecetʼakʼ do noa asteye emakoma, Isor do mon ạcur reakʼ ạte emakote onko do Isorakʼ sạriyakʼtetʼ reakʼ khạndritetʼ jemonko baḍae daṛeakʼ.

1 Patras 4:14

Mạsi iạtepe henosta ocokʼkan khan enḍekhan ape dope bhạgangea, ente Isorakʼ mạhimate perecʼ akan Jiu do apere menaea.

1 Patras 4:4

Menkhan ńitokʼ do onko hoṛge ape ńelteko hahaṛakʼkana, ape do onkoakʼ bạṛicʼ lucạ lamoṭkore ar bape seledokʼkana, onate onko do apeko dusạuetʼpea.