Aposkạmi 17:7 - সান্তালী বাইবেল

⁷ ar Jason do acʼakʼ oṛakʼre jaegae emakatʼkoa. Ar onko do sanamkoge Kạisạrakʼ hukum birudko kạmikana, arko meneda, uni chaḍa Jisu ńutumanicʼ ar mitʼṭen raj menaea.”

Santali Common Language New Testament

⁷ ar Jason do acʼakʼ oṛakʼre jaegae emakatʼkoa. Ar onko do sanamkoge Kạisạrakʼ hukum birudko kạmikana, arko meneda, uni chaḍa Jisu ńutumanicʼ ar mitʼṭen raj menaea.”

Aposkạmi 17:7 Iomraidhean Croise

Daniel 3:12

E maharaj, adom Jihudiko menakʼkoa okoe do Babel Prodes reakʼ rajkạmiyạrem dohoakatʼko; onko doko hoyokʼkana, Sedrok, Mesak ar Abed-nego. Onko do amakʼ hukum bako lutur akawada. Am okoeṭakʼ debotam sewawae kan onko do uni bako sewawae kana ar am okoeṭakʼ sonaren muhurtʼem benao akade uni hõ bako ḍobokʼae kana.”

Daniel 6:13

Unre onko do rajko metadea, “E maharaj, Daniel ńutuman Jihudạ disạmren bondiko modren mitʼṭecʼ hoṛ do amakʼ katha se am oka hukumem emakan ona bae luturakʼ kana. Uni do ńithõ dinre pe dhaogeye koejoṅ kana.”

Luk 10:38

Niạ tayom Jisu ar acʼren celakoko dãṛãnkan tahẽkanre mitʼṭecʼ atoteko boloyena. Ar Martha ńutuman mitʼṭen maejiu do rạskạte acʼakʼ oṛakʼte Jisui ataṅ aderkedea.

Luk 23:2

Onko do noa menkate Jisu upạrte lạlisaeko ehopʼena, “Alele ńelakadea, nui hoṛ do aleren hoṛko raj upạrteye bhiṅgṛạuetʼkoa. Uni do maharaj khajna emae lạgitʼe baronetʼkoa ar acʼge Mạsi ar mitʼṭen raje ńumogokʼ kana.”

Johan 19:12

Noa ańjomkate Pilạt do Jisu aṛage lạgitʼe kurumuṭukeda, menkhan Jihudi mukhiyạko do hohowateko menkeda, “Nuiyem aṛakʼ lekhan enḍekhan maharaj Kạisạrren gate dom baṅkana. Jãhãege acʼte raj menteye benaokʼ khan uni do Kạisạrren bạiri kanae.”

Aposkạmi 16:21

Nukin do nonkan ạri-cạli reaṅ kin cetʼako kana okaṭakʼ do Romiko hoykate abo lạgitʼ ataṅ se batao do ạn birud kạmikana.”

Aposkạmi 17:5

Menkhan Jihudiko do hiskạte bajar khon adom bạṛicʼ hoṛko ńam jarwaketʼkote nagrahare gulmalko ehopʼkeda. Ona tayom Pạul ar Silạs ńamkate hoṛko ṭhen ạgukin lạgitʼ onko do Jasonakʼ oṛakʼre jhãpko emkeda,

Aposkạmi 17:8

Noako menketʼte onko Jihudiko do nagraha cakʼlaoko ar hoṛkoko toras ocoketʼkoa.

Jakob 2:25

Rahab kusmbi do cekate dhorom menteye lekha ocolena? Uni do Jihudiren paṭhaonakine okoletʼkinạ ar eṭakʼ horteye kolgotʼkatʼkinạ, ar noa kạmi iạte dhorom menteye aṅgocena.

1 Patras 2:15

Isorakʼ sana do noage, ape do bhage kạmite lelha hoṛkoakʼ bebuj kathako jemonpe cabaetako.