Aposkạmi 17:11 - সান্তালী বাইবেল

¹¹ Thessalonikiạren Jihudi khon Beroea nagraharen Jihudikoakʼ mon do bạ̃ṛti soṛage tahẽkantakoa. Onko do khaṛa monte Isorakʼ katha ańjomkateko ataṅkeda. Ar Pạul okae menakatʼ ona do sạri kana se baṅ ona ńel lạgitʼ dinạm hilokʼ sostorko ḍunḍhạuetʼkan tahẽkana.

Santali Common Language New Testament

¹¹ Thessalonikiạren Jihudi khon Beroea nagraharen Jihudikoakʼ mon do bạ̃ṛti soṛage tahẽkantakoa. Onko do khaṛa monte Isorakʼ katha ańjomkateko ataṅkeda. Ar Pạul okae menakatʼ ona do sạri kana se baṅ ona ńel lạgitʼ dinạm hilokʼ sostorko ḍunḍhạuetʼkan tahẽkana.

Aposkạmi 17:11 Iomraidhean Croise

Jobakʼ 23:12

Uniyakʼ hukum khon do bạń ocokʼ akana; Ińakʼ jạruṛ jomakʼ khon hõ uniyakʼ moca kathage iń ṭhen do bạ̃ṛti damanakʼ tahẽkana.

Sereńko 119:100

Umeran hoṛko khon hõ iń do bạ̃ṛtiń bujhạueda, ente iń do amakʼ ạn ạrikoń senakʼ kana.

Sereńko 119:148

Ńindạ ạuri cabakʼrege ińakʼ mẽtʼ do beṅgedokʼ kana, jemon amakʼ sanam gokʼakʼkoń ganḍon daṛeakʼa.

Sereńko 119:97

Iń do amakʼ hukum ạḍiń dulạṛeda! Ar goṭa dinge onań ganḍonjoṅ kana.

Kạhtukko 1:5

Ạkilan hoṛ do noa sopolhako ańjomma arko cetʼjoṅ ma. Ar budanko do ańjomkate calakʼ horreko gạkhuṛokʼma.

Kạhtukko 8:10

Rupạ khon ińakʼ sikhnạtge ataṅ lạgitʼ ahkaokʼme, ar damanakʼ sona khon ạkil ńam lạgitʼge ahkaokʼme;

Kạhtukko 9:9

Ạkilan hoṛ solha emaeme, inạkhan arhõ ạkilanicʼe hoyokʼa; Isor botorae hoṛ cetʼaeme, uni do arhõ cecetʼakʼe hameṭjoṅa.

Jesaea 34:16

Ape do Probhu Isorakʼ puthire ḍunḍhạupe ar paṛhaokate ńelpe. Onḍe ol menakʼa, noko do mitʼṭen hõ bako adokʼa; ar cele hõ bin juri do bae tahena; ente ińakʼ mocate Probhu Isor doe hukum akada, ar uniren Jiu doe mitʼ ṭhene jarwakoa.

Jesaea 8:20

Ape do Isorakʼ hukum ar gohako ṭhen calakʼ hoyokʼtapea. Ar Isorakʼ katha leka onko bako roṛ enḍekhan bujhạu hoyokʼa onko talare marsal do bạnukʼa.

Jirimiạ 2:21

Iń do bachao akatʼ itạ khon janamakʼ bhage darkha reakʼ cara lekań rohoeketʼmea; enḍekhan cekate am do bạṛicʼ bir darkha nạ̃ṛĩ dom hoyena?

Mathae 13:23

Ar bhage hasare ńuren itạ reakʼte do nonkanko lạgitʼ roṛ akana okoe do ona katha ańjomkateko bujhạuetʼkan ar joko emokʼkan. Adom do mitʼ sae doboṛ, adom do turui gel doboṛ, ar adom do pegel doboṛ.”

Luk 11:3

aleakʼ din hilokʼ reakʼ jạruṛ jomakʼ dinạmge emaleme baṛe;

Luk 16:29

“Menkhan Abrahame menkeda, ‘Mose ar nạbikoakʼ puthi ma coṅ menakʼge. Onko do onkoakʼ kathako luturakʼ ma.’

Luk 24:44

Ar ona tayome metatʼkoa, “Iń do ape sãote tahẽkanreń menleda, Mose reakʼ ạnre, nạbikoakʼ olakʼre ar sereńkore iń reakʼ okako katha olakan ona sanamakʼ do purạukʼtehõ purạukʼgea.”

Johan 3:21

Menkhan okoe sạri horteye calakʼkan uni do marsal ṭhene hijukʼkana jemon uniyakʼ kạmiko Isorakʼ sanaleka hoyakana mente sodorokʼtae.”

Johan 5:39

Ape do sonot sostorkope ḍunḍhạueda, entepe hudiseda ona hotetege jaejug jionpe ńama. Menkhan ona sostor ma coṅ iń reaṅge gohae emetʼkan;

Aposkạmi 10:33

Onate iń do am hoho ạgume lạgitʼ unrege hoṛiń kolketʼkoa, ar amem hecʼente dom bhageakatʼgea. Nonḍe ale do ńitokʼ sanamkoge Isor samaṅre menakʼlea. Ar Probhu Isor okaṭakʼ ale ṭhen galmarao lạgitʼe hukum akatʼme ona jotowakʼgele ańjoma.”

Aposkạmi 11:1

Boṅgan hoṛ jạtrenko hõ Isorakʼ kathareko pạtiạu akana mente ona katha do apostolko ar goṭa Jihudạren biswạsi boehako hõko ańjomkeda.

Aposkạmi 17:1

Pạul ar Silạs do Amphipolis ar Appoloniạ nagraha talate Thessalonikiạ nagrahatekin calaoena. Onḍe do Jihudikoakʼ mitʼṭen sunạgog tahẽkana.

Aposkạmi 2:41

Ado uniyakʼ kathare okoeko pạtiạuen onko doko bạptisena ar enhilokʼ onko sãote pe hajar hoṛko juṭucʼena.

Dosar Biboron 29:29

“Danaṅakʼ reakʼ jotowakʼko do aboren Probhu Isorakʼ bisoe kana, menkhan sodorakʼ jotowakʼ do jaejug lạgitʼ abo ar abokoren hopon ar hoponerako lạgitʼkana, jemon noa ạn-ạri reakʼ sanamakʼ kathako bon senakʼte ona bon purạu.

1 Thessalonikikko 1:6

Ạḍi lekan santao talate hõ sonot Jiuakʼ rạskạ salakʼ ona bhage sombat ataṅkate ape do ale ar Probhu Isorren lekape coloneda.

1 Thessalonikikko 2:13

Ale do siń sạṭupʼ Isorle gun manao joharae kana, ente Isorakʼ katha ańjomkate tinrepe pạtiạulena unre manwawakʼ katha mente do baṅ, menkhan Isorakʼ katha mentegepe ataṅkeda. Ar sạrige ona do Isorakʼ katha kangea. Ape okoepe pạtiạu akan, apeakʼ ontorrege ona katha doe kạmiyeda.

2 Thessalonikiko 2:10

Ar nosṭokʼkan horte laha akan hoṛko bulạuko reakʼ joto lekan bulạuakʼ hotete, noko hoṛ doko maraokʼa, ente kại khon bańcao ńam lạgitʼ sạriyakʼtetʼ do bako dulạṛ akada ar ataṅ hõ bako ataṅ akada.

Jakob 1:21

Onate joto lekan bedhorom ar bạṛicʼakʼko ńit hõ apeakʼ jionre menakʼ khan ona do bạgiyakʼpe. Isorakʼ katha reakʼ itạ one oka do apeakʼ ontorre rohoe akan ona baṛe mạ̃hir salakʼ ataṅpe. Ar kại khon bańcaope reakʼ ektiạri do noa katharege menakʼa.

1 Patras 2:2

Nãwã janam bale gidrạ leka apeakʼ jiure hara rakabokʼ lạgitʼ khạṭi toa ńam reakʼ gagojokʼpe, jemon onatepe hara rakabokʼte purạpuri bańcaokʼ secʼpe laha idikʼ.