Aposkạmi 16:13 - সান্তালী বাইবেল

¹³ Ado jirạukʼ mãhãre ale do nagraha reakʼ phaṭok bahre gaḍa aṛe ṭhenle calaoena; entele hudisetʼ tahẽkana onḍe do Jihudikoakʼ sunạgog menakʼtakoa mente. Ar onḍe okoeko maejiuko jarwa akan tahẽkan onko ṭhen duṛupʼkate galmaraole ehopʼena.

Santali Common Language New Testament

¹³ Ado jirạukʼ mãhãre ale do nagraha reakʼ phaṭok bahre gaḍa aṛe ṭhenle calaoena; entele hudisetʼ tahẽkana onḍe do Jihudikoakʼ sunạgog menakʼtakoa mente. Ar onḍe okoeko maejiuko jarwa akan tahẽkan onko ṭhen duṛupʼkate galmaraole ehopʼena.

Aposkạmi 16:13 Iomraidhean Croise

Mathae 13:2

Ar acʼ ṭhen ạḍi utạr hoṛko jarwayen khan, uni do mitʼṭen lạukạre decʼkateye duṛupʼena, ar sanam hoṛ do ḍhipreko teṅgo tahẽyena.

Mark 16:15

Jisui metatʼkoa, “Ape do dhạrti reakʼ sanam jaegate calakʼpe ar sanam hoṛko ṭhen Isorakʼ bhage sombat porcarpe.

Luk 13:10

Ado mitʼ jirạukʼ mãhãre Jisu do mitʼṭecʼ sunạgogreye cetʼakokan tahẽkana.

Johan 8:2

Dosar hilokʼ Jisu do ạḍi setakʼre arhõ mundilteye hecʼen khan sanam hoṛ uni ṭhenko hecʼena. Unre Jisu do duṛupʼkate onko cetʼakoe ehopʼena.

Aposkạmi 13:14

Tayomte onko do Perga khon Pisidiạ disạm reakʼ Antiokiạ nagrahateko senena ar jirạukʼ mãhãre sunạgogre bolokateko duṛupʼena.

Aposkạmi 13:42

Ado Pạul ar Barnabas sunạgog khonkin oḍok calakʼkan tahẽkan jokhecʼ hoṛkoko nehõratʼkinạ jemon hijukʼkan jirạukʼ mãhãre noako reaṅ arhõkin galmaraoako.

Aposkạmi 16:16

Mitʼ din ona koejoṅ jaegatele calakʼkan tahẽkanre mitʼṭen kạ̃ṛmĩ sãotele ńapamena. Uni do mitʼṭen bạṛicʼ jiue ńamakawan tahẽkante darakan dinko reakʼ sanamakʼe lại daṛeakʼkan tahẽkana. Onate acʼren kisạ̃ṛakʼ do ạḍi lab hoyokʼkantae tahẽkana.

Aposkạmi 16:6

Pạul ar uni sãotenko do sonot Jiu hoteteko mana ocoyente Asiạre do bako porcarleda. Unre onko do Phrugiạ ar Galatiạ Prodes reakʼ sanam jaegateko calaoena.

Aposkạmi 17:2

Pạul do acʼakʼ cạli leka ona sunạgogteye boloyena ar pe jirạukʼ mãhãre sonot sostor khon hoṛkoe galmaraoatʼkoa.

Aposkạmi 18:4

Ar jao jirạukʼ mãhãre Pạul do sunạgogre bolokate Jisu reaṅe galmarao akokan tahẽkana ar Junạni ar Jihudiko Jisuakʼ horte ạguko lạgitʼe kurumuṭuyetʼ tahẽkana.

Aposkạmi 20:7

Ado hapta reakʼ pạhil din Probhu Isorakʼ bhoj ataṅ lạgitʼ ale do mitʼ ṭhenle jarwayena. Unre Pạul do hoṛko porcarakoe ehopʼena. Uni do dosar hilokʼ calakʼ reakʼ katha tahẽkantaete tala ńindạ hạbicʼe galmarao idikeda.

Aposkạmi 21:5

Onako din paromen khan ale do onkole bạgiyatʼkote aleakʼ hortele mohnḍayena. Unre sanam celako ar onkoren bạhuko ar gidrạko do ale sãote nagraha bahre hạbicʼko oḍok hecʼena. Ar jalapuri ḍhipre ikhṛumentele koejoṅana.

Aposkạmi 9:20

Ona tayom uni do bin bilomte eṭakʼ eṭakʼ sunạgogkore noa menkate porcare ehopʼena je, Jisu kangea Isorren Hopon do.

Galathiko lạgitʼ Pạul Apostolakʼ ciṭhi 3:28

Jihudi ar boṅgan hoṛ jạtrenko talare, golam ar sạdhin hoṛko talare, maejiu ar herel talare jãhãn begar do bạnukʼa, ente Mạsi Jisu tulucʼpe joṛao mitʼ akante jotoko Mạsirepe mitʼgea.

Kolossiko lạgitʼ Pạul Apostolakʼ ciṭhi 1:23

Onate Mạsi reaṅ bhage sombat khon oka sạri aspe ńamakatʼ ona khon alo pharakokʼte pạtiạure teṅgo ṭarhao akae tahenpe. Ona bhage sombat do goṭa dhạrtire lại jạhir akana ar ape do onape ańjom akada. Ar iń Pạul do noa bhage sombatren porcaricʼ iń hoyakana.