Aposkạmi 14:5 - সান্তালী বাইবেল

⁵ Unre boṅgan hoṛ jạtrenko ar Jihudikoren mukhiyạko do jarwa mitʼkate Pạul ar Barnabas santaokin ar dhirite tińkin lạgitʼko solhawana.

Santali Common Language New Testament

⁵ Unre boṅgan hoṛ jạtrenko ar Jihudikoren mukhiyạko do jarwa mitʼkate Pạul ar Barnabas santaokin ar dhirite tińkin lạgitʼko solhawana.

Aposkạmi 14:5 Iomraidhean Croise

Sereńko 83:5

Onko doko mitʼakana arko soṛojontro kana; ar am upạrte bondobosko bandhaoetʼ kana

Mathae 5:44

Menkhan ińiń metape kana, aperen bạiriko dulạṛkope. Ar okoe apeko santaoetʼpe onko do koeakope.

Luk 6:28

Ar okoeko sarap apekan onko bhorakope. Ar okoe ape tulucʼ bạṛicʼko beoharetʼ onko lạgitʼ koepe.

Aposkạmi 13:45

Ar nunạkʼ hoṛakʼ bhiṛ ńelte Jihudiko do hiskạteko perecʼena ar Pạul okae menetʼkan tahẽkan ona upạrte aema lekan kathakote nisṛạueko ehopʼena.

Aposkạmi 13:50

Menkhan Jihudiko do Isor bhoktiae bhodro maejiuko ar nagraharen manotan hoṛkoko udgạuketʼkoa. Nonkate onko do Pạul ar Barnabas upạrte khedko calaoketʼte ona ṭoṭha khonko oḍok gotʼkatʼ kinạ.

Aposkạmi 14:19

Ado Antiokiạ ar Ikonium khon adom Jihudiko hecʼkate Pạul ar Barnabas upạrte hoṛkoko bhiṅgṛạuketʼkoa. Unre Pạul do dhiriteko tińkedea ar gocʼenae hudiskate nagraha bahreteko or idikadea.

Aposkạmi 14:2

Menkhan okoeko Jihudi bako pạtiạulen onko do boṅgan hoṛ jạtrenkoko uskurketʼkote biswạsi boehako upạrte onkoakʼ monko bạṛicʼketʼtakoa.

Aposkạmi 14:4

Onate nagraharen hoṛko doko begarena; adomko do Jihudiko secʼ ar adomko do apostol secʼko calaoena.

Aposkạmi 17:5

Menkhan Jihudiko do hiskạte bajar khon adom bạṛicʼ hoṛko ńam jarwaketʼkote nagrahare gulmalko ehopʼkeda. Ona tayom Pạul ar Silạs ńamkate hoṛko ṭhen ạgukin lạgitʼ onko do Jasonakʼ oṛakʼre jhãpko emkeda,

2 Korinthiko 11:26

Aema disạmiń dãṛã akada. Ḍubạ dakʼ, ḍạkuko hotete, apnar jạtren hoṛ ar boṅgan hoṛ jạtrenko hotete muhinreń paṛaolena. Ona chaḍa iń do nagrahakore, hahaṅkar jaegare, doreãore ar phạsiạra boehako talarehõ muhinreń paṛaolena.

1 Thessalonikikko 2:14

E boehako, Jihudạ Prodesre Mạsi Jisure kolom mitʼakan Isorakʼ oka manḍerko menakʼ, onkage ape hõpe hoyakana. Jihudikoakʼ tite onko do oka duk ar kosṭoko jomakatʼ, onkage ape hõ apnar disạmren hoṛkoakʼ tite duk ar kosṭope jomakada.

1 Thessalonikikko 2:16

Onko do aleko tạkicʼ darametʼlea jemon boṅgan hoṛ jạtrenko kại khon bańcaoko lạgitʼ jãhãn kathako alole lại daṛeako. Nonkate onko Jihudiko do siń sạṭupʼ kại cetan kạiko bojha joṅkana, ar Isorakʼ edre do purạte onkore hecʼ paṛaokʼ kana.

1 Thessalonikikko 2:2

Ar noa katha hõpe baḍaegea, noa lahare ale do Philipi nagraharele khed ocolena ar bemanot hõle bemanot ocolena. Menkhan noa tạkicʼakʼko tahẽkanre hõ aboren Isor ṭhen khon dil ńamkate uniyakʼ bhage sombat reakʼ katha ale do khulạsategele lạiyatʼpe tahẽkana.

2Timothi 3:11

Ona chaḍa Antiokiạre, Ikoniumre ar Lustrạre paṛao ạdiń tahẽkan santaokoń sahao akatʼ reakʼ katha hõm baḍaegea, menkhan Probhu Isor do onako khone rukhiyạ akadińạ.