Aposkạmi 13:6 - সান্তালী বাইবেল

⁶ Ado goṭa dipkin dãṛã mucạtʼketʼ khan unkin do Paphos hạbicʼkin hecʼena ar onḍe do Bar-Jisu ńutuman mitʼṭen Jihudi jạdu udukʼicʼ eṛe nạbikin ńamkedea.

Santali Common Language New Testament

⁶ Ado goṭa dipkin dãṛã mucạtʼketʼ khan unkin do Paphos hạbicʼkin hecʼena ar onḍe do Bar-Jisu ńutuman mitʼṭen Jihudi jạdu udukʼicʼ eṛe nạbikin ńamkedea.

Aposkạmi 13:6 Iomraidhean Croise

1 Rapajko 22:22

Probhu Isor do uniye kulikedea, ‘cetʼ lekatem bulạuea?’ Uni doe menkeda, ‘iń do senkate uniren sanam nạbikoakʼ mocare eṛe roroṛ jiu iń hoyokʼa.’ Probhu Isore menkeda, ‘amge uni dom bulạu idi daṛeaea. Amge senkate onkaeme.’

1 Bõsbudạ 10:13

Probhu Isor cetanre pạtiạr bae tahẽkante Sạul doe gocʼena. Uni do Probhu Isorakʼ katha bae bataoetʼ tahẽkana; ar Probhu Isor ṭhen khon sopolha baṅ hataokate okoe do bạṛicʼ jiuko tulucʼ helmel menakʼtako onkanko hoṛ ṭhen khon sopolhae hataoetʼ tahẽkana. Onate Probhu Isor do uniye gocʼ ocokedea ar raj do Jisạiren hopon Dạud ṭhene jimạkada.

Exodus 22:18

“Jãhãe gunidar maejiu do jiwetʼ alope dohokoa.

Levitikus 20:6

“Okoe hoṛ ińre pạtiạu doho baṅkate bhutko tulucʼ se bạṛicʼ jiuko tulucʼ jopoṛao menakʼtae nonkan hoṛko ṭhene ạkhrińokʼ enḍekhan uni do mẽtʼ ar mẽtʼteń ńeleya ar uniyakʼ jạtrenko khoniń meṭao giḍikaea.

Sakariạ 13:3

Enhõ jãhãe nạbi lekate kathako roṛ enḍekhan acʼren eṅgat-apat do unikin metaea, ‘am do gujukʼ hoyokʼtama, ente am do Probhu Isor ńutumte eṛe katham roṛeda.’ Ar nạbi lekate kathae roṛetʼkante uniren eṅgat-apat do unikin sobokʼ gojea.

Mathae 16:17

Jisui roṛ ruạṛadea, “Jona hopon Simon, am dom bhạgangea, ente okoe manwa hõ am ṭhen noa do bae sodor akada; menkhan ińren sermaren Babageye sodor akatʼmea.

Mathae 24:24

ente aema eṛe Mạsi ar eṛe nạbikoko upelokʼa ar maraṅ maraṅ hahaṛa kạmi ar cinhạkoko uduga jemon Isorren bachao akan hoṛkoko bulạu daṛeako.

Mathae 7:15

“Eṛe nạbiko khon sontor akae tahenpe. Onko do bhiḍi chinte ape ṭhenko hijukʼa, menkhan bhitri bhitrite onko do jojom hunḍạr kanako.

Mark 10:46

Ado Jisu ar uniren celako do Jerikho nagrahateko calaoena. Ar celako ar gadel hoṛko sãote nagraha khone oḍok calakʼkan tahẽkanre Timạiren hopon Bạrtimại ńutuman mitʼṭen kãṛã kokoe hoṛ do hor aṛereye duṛupʼ akan tahẽkana.

Aposkạmi 13:13

Noa tayom Pạul ar uniren sãotenko do jahajte Paphos khon Pamphuliạ disạm reakʼ Perga nagrahateko calaoena. Unre Johan do onko bạgikate Jerusalemteye ruạṛ senena.

Aposkạmi 13:8

Menkhan Eluma do Barnabas ar Sạul tạkicʼkine ehopʼkeda ar disạm cakʼlaoyicʼ hõ Jisure pạtiạukʼ khon ruạṛe lạgitʼe kurumuṭukeda.

2 Korinthiko 11:13

Ente onkanko hoṛ do eṛe apostol ar phạsiara kạmiyạko kanako. Ar Mạsiren apostolko mente udugokʼ lạgitʼ onko do apnartetʼko bodolokʼ kana.

2Timothi 3:8

Cetʼleka Jannes ar Jambres do Mose upạrtekin teṅgolen onkage noko hoṛko hõ ona sạriyakʼ upạrteko teṅgon kana. Nokoakʼ mon do bạricʼgetakoa ar Mạsiyakʼ dhorom biswạs reakʼ jãhãn cinhạge onkore do baṅ ńamokʼ kana.

1 Johan 4:1

E dulạṛiạ gidrạkotiń, joto Jiu do alope pạtiạu akoa, bickom biḍạu aṭkarkope onko do Isor khonko hecʼakana se baṅa, ente dhạrtire aema eṛe nạbikoko oḍok akana.

Johan sodor 19:20

Ar uni janwar doe sapʼ ocoyena ar okoeṭakʼ bhonḍ nạbi uni ńutumte hahaṛa kạmikoe kạmiyetʼkan tahẽkan uni hõe sapʼ ocoyena. Ar okoe uni janwarakʼ cinhạko hatao akatʼ tahẽkan ar uniyakʼ muṭhạnko sewawakʼkan tahẽkan, uni eṛe nạbi do hahaṛa kạmikote onkoe bulạu akatʼko tahẽkana. Unkin do jolokʼkan gondhokʼ seṅgel reakʼ doreãore jiwetʼtekin khadle ocoyena.