Aposkạmi 13:43 - সান্তালী বাইবেল

⁴³ Ar sunạgog khonko calao baṛayen khan ạḍi utạr Jihudiko ar Jihudi dhoromre pạtiạu akan Isor botoraekanko do Pạul ar Barnabas tạkinko pańjaketʼkinạ. Unre Pạul ar Barnabas do onkokin galmaraoatʼkoa, ar Isorakʼ dayare jemon khạtirko tahen ona lạgitʼkin udgạuketʼkoa.

Santali Common Language New Testament

⁴³ Ar sunạgog khonko calao baṛayen khan ạḍi utạr Jihudiko ar Jihudi dhoromre pạtiạu akan Isor botoraekanko do Pạul ar Barnabas tạkinko pańjaketʼkinạ. Unre Pạul ar Barnabas do onkokin galmaraoatʼkoa, ar Isorakʼ dayare jemon khạtirko tahen ona lạgitʼ kin udgạuketʼkoa.

Aposkạmi 13:43 Iomraidhean Croise

Mathae 23:15

“Hae, ape sostor baḍaeko, Phạrusiko ar phạsiạrako do! Eken mitʼ hoṛ apeakʼ dhoromre ạguiye lạgitʼ dhạrti reakʼ oka jaegare bape dãṛãn kana. Ar aperen celae hoylenre uni do ape khon hõ bạ̃ṛti norokre khadlekʼ lekpe hoeocoyedea.

Aposkạmi 11:23

Ar Antiokiạren hoṛko Isorakʼ dayako ńamakada menteye ńelketʼ khan Barnabas do ạḍiye rạskạyena. Onko jemon goṭa ontorte Probhu Isorre biswạsko tahen onate uni do sanamkoe sikhạu paṛhaoketʼkoa.

Aposkạmi 13:50

Menkhan Jihudiko do Isor bhoktiae bhodro maejiuko ar nagraharen manotan hoṛkoko udgạuketʼkoa. Nonkate onko do Pạul ar Barnabas upạrte khedko calaoketʼte ona ṭoṭha khonko oḍok gotʼkatʼ kinạ.

Aposkạmi 14:3

Pạul ar Barnabas do ona nagrahare thoṛa dinkin tahẽyena ar dil salakʼ Probhu Isorakʼ kathakin galmaraoatʼkoa. Ar Probhu Isorakʼ daya reaṅ okakin porcaretʼ tahẽkan ona katha sạrikana mente sạbud lạgitʼ Probhu Isor do Pạul ar Barnabas hotete cinhạko ar hahaṛawakʼkoe hoyocokeda.

Aposkạmi 16:14

Ar okoekoko ańjometʼkan tahẽkan onko modre Thuạtirạ nagraharen Ludiạ ńutuman mitʼṭen maejiue tahẽkana. Uni do beguni roṅ reakʼ kicricʼe kiriń ạkhrińetʼ tahẽkana. Ar Jihudi bae tahẽkanre hõ uni do Isore sewawaekan tahẽkana. Probhu Isor do Ludiạwakʼ ontor nonkae jhicʼketʼtaea jemon uni do Pạulakʼ katha monteye ańjom are pạtiạukʼ.

Aposkạmi 17:17

Uni do sunạgogre Jihudiko ar Isor botoraekan Junạniko tulucʼ galmaraoe ehopʼena. Ona chaḍa bajarte okoekoko hijukʼkan tahẽkan, onko tulucʼ hõ din ke dine galmaraokan tahẽkana.

Aposkạmi 17:34

Ar unre adomko hoṛ doko Pạul secʼena arko pạtiạuena. Onko biswạsiko modre Areaopagosren Dionusios ar Damaris ńutuman mitʼṭen maejiu hõe tahẽkana, ar unkin sãote arhõko tahẽkana.

Aposkạmi 17:4

Noa katha ańjomkate adom Jihudiko doko pạtiạuente Pạul ar Silạs tạkin sãoteko mitʼena. Ona chaḍa Isor botorae aema Junạniko ar bhodro maejiuko hõ unkin sãoteko mitʼena.

Aposkạmi 18:7

Inạ tayom Pạul do sunạgogre bạgikate Titus Jusṭu ńutuman mitʼṭen hoṛakʼ oṛakʼteye boloyena. Uni hoṛakʼ oṛakʼ do sunạgog sorrege tahẽkana ar boṅgan hoṛ jạtrene tahẽkanre hõ uni do Isore sewawaekan tahẽkana.

Aposkạmi 2:10

Phrugiạ ar Pamphuliạren, Misor ar Kurene senakʼ Lubiạ reakʼ adom jaegaren hoṛko, ar Rom nagrahare upriạ Jihudiko ar Jihudi dhoromreko pạtiạu akan boṅgan hoṛ jạtrenko,

Aposkạmi 28:23

Onko do Pạul são ńapamokʼ lạgitʼ mitʼṭecʼ dinko goṭakeda. Ar Pạul okareye tahẽkan onḍe do onko chaḍa arhõ aema hoṛko hecʼena. Unre Pạul do setakʼ khon ạyupʼ hạbicʼ Isorakʼ raj reaṅe galmaraoatʼkoa are bujhạuatʼkoa. Uni do Moseyakʼ ạn-ạri ar nạbikoakʼ puthi khon hõ Jisu reaṅe bujhạu akokan tahẽkana.

Aposkạmi 6:5

Ado dolren sanamkoge noa katha do mońjko metatʼa. Onko do biswạs ar sonot Jiute perecʼ akan Stephanko bachaokedea. Ona chaḍa Philip, Prokhorus, Nikanor, Timon, Parmenas ar Antiokiạren Nikolasko bachaokedea. Nui Nikolas do boṅgan hoṛ jạtrene tahẽkanre hõ Jihudi dhorome pańjayetʼkan tahẽkana.

Romiko lạgitʼ Pạul Apostolakʼ ciṭhi 11:6

Isor do dayategeye bachao dohoakatʼko khan, enḍekhan ona do jãhãn kạmi reakʼ jo do baṅkana. Ar onkage hoylen khan daya do daya mente baṅ tahẽkokʼa.

Romiko lạgitʼ Pạul Apostolakʼ ciṭhi 3:24

Menkhan Jisu Mạsi do manwako kại khon chaḍaoko reakʼe bondobos akada ar ona chaḍaokʼ hotete pạtiạukʼko do daya dan lekate dhorom menteye ataṅetʼkoa.

Romiko lạgitʼ Pạul Apostolakʼ ciṭhi 5:2

Ńitokʼ Isorakʼ daya reakʼ oka horte bon calakʼkan onḍe do Mạsire pạtiạu iạte bon seṭerakana. Ar Isorakʼ ṭhonok ńam reakʼ aste bon rạskạkʼ kana.

Romiko lạgitʼ Pạul Apostolakʼ ciṭhi 5:21

Ona daya do noa iạtege ḍherena jemon gujukʼ talate cetʼleka kại do raje calaoetʼ tahẽkan, onkage manwa hõ dhorom menteye aṅgocokʼte ńitokʼ uniyakʼ daya do rajokʼa: ar ona reakʼ jo do hoyokʼ kana aboren Probhu Jisu Mạsi hotete jaejug jion hameṭjoṅ.

2 Korinthiko 5:11

Probhu Isor bon botoraekante abo do apnar reaṅ manwakoakʼ monre biswạs janam ocoy lạgitʼ bon kurumuṭuyeda. Ar abo bon oka lekanko kan, ona do Probhu Isor ṭhen sodorgea ar asiń dohoya apeakʼ bibek ṭhen hõ ona do pusṭạugea.

2 Korinthiko 6:1

Isorren são kạmiyạko lekate noale nehõrapekana, Isorakʼ okaṭakʼ dayape ńamakatʼ ona do alope ạuṛiyakʼ ocoya.

Galathiko lạgitʼ Pạul Apostolakʼ ciṭhi 5:1

Mạsi do aboe sạdhinketʼ bona jemon sạdhin bon tahẽdaṛeakʼ. Onate teṅgo keṭecʼ akan tahenpe, jemon okoe hõ golam ar aloko benao daṛeape.

Galathiko lạgitʼ Pạul Apostolakʼ ciṭhi 5:4

Ạn-ạriko pańjaete okoe do Isor ṭhen dhorom ocokʼpe menjoṅkan ape do Mạsi khonpe getʼ begar akana, ar Isorakʼ daya khonpe ocokʼ akana.

Ephesiko lạgitʼ Pạul Apostolakʼ ciṭhi 2:8

Ente dayatepe bańcao akana biswạste. Ar ona do ape khonakʼ do baṅ, ona do Isorakʼ dan kana.

Philipiko lạgitʼ Pạul apostolakʼ ciṭhi 3:16

Metakʼme, abo do dhoromokʼ lạgitʼ tinạkʼ hạbicʼ bon laha idiakan inạ dharatege taṛam idi lek tabona.

Philipiko lạgitʼ Pạul apostolakʼ ciṭhi 4:1

E boehako, iń do apeń dulạṛetʼpea ariń uihạretʼpea. Apege ińakʼ rạskạ do, ar apege ińakʼ jitạukʼ reakʼ mala do. E dulạṛiạko ape do Probhu Isorre teṅgo ṭak akae tahenpe.

Kolossiko lạgitʼ Pạul Apostolakʼ ciṭhi 1:23

Onate Mạsi reaṅ bhage sombat khon oka sạri aspe ńamakatʼ ona khon alo pharakokʼte pạtiạure teṅgo ṭarhao akae tahenpe. Ona bhage sombat do goṭa dhạrtire lại jạhir akana ar ape do onape ańjom akada. Ar iń Pạul do noa bhage sombatren porcaricʼ iń hoyakana.

Kolossiko lạgitʼ Pạul Apostolakʼ ciṭhi 1:28

Ale do uni Mạsi reaṅle porcareda, metakʼme Isorakʼ asambheṛ akel salakʼ mimitʼ hoṛle sontoretʼkoa arle cetʼako kana, jemon Mạsi hotetele purun daṛeako.

Titus lạgitʼ Pạul Apostolakʼ ciṭhi 2:11

Isorakʼ oka daya hotete kại khon bańcao ńamokʼ ona do sanam manwako ṭhenge sodor akana.

Ibriko 12:15

Ńelpe, okoe hõ jemon Isorakʼ daya khon aloko eṛanokʼ. Ar hewer haṛhatʼ dare reakʼ rehetʼ leka omon rakabokʼte okoe hõ jemon duk janam ocoyte ḍher hoṛ aloko bhonḍko.

Ibriko 13:9

Aema lekan nãwã nãwã cecetʼakʼte bhul horte jemon aloko bulạu idipe. Aboakʼ mon do dãṛẽ samaṅ akatʼ jomakʼre tahẽ baṅkate Isorakʼ dayare jemon kajakte ṭarhao akae tahen. Okoe ona jomakʼreko ṭehãḍokʼkan tahẽkan, onko do ona jomakʼ khon jãhãn porho baṅ hoylentakoa.

1 Patras 5:12

Siluạnus, okoe do ińren pạtiạrạnicʼ boehań metaekan, uni hotete noa ciṭhi do thoṛa kathate ape ṭheniń olkeda, jemon iń do apeń udgạu daṛeape ar Isorakʼ sạriạkʼ reakʼ dayaren gohań em daṛeakʼ. Ape do Isorakʼ noa dayare ṭarhao akan tahenpe.

2 Patras 3:14

E dulạṛiạ boehako, ape do ńitokʼ noako lạgitʼpe koyokʼ horetʼkante murukte kurumuṭuipe jemon uni do niphuṭ ar dhoromre sulukte tahẽakane hecʼńampe.

1 Johan 2:28

E hoponińko, onateń metapekana, ape do Mạsirege tahenpe jemon uniye sodorokʼre dil akae bon tahen are hijukʼre uni samaṅre lajaore alo bon paṛaokʼ.

2 Johan 1:9

Okoe Mạsiyakʼ sikhnạtko taṛam parom ar ona sikhnạtre ṭarhao akae bako tahen, onkoakʼ ontorre Isor do bạnugicʼan. Menkhan okoe ona sikhnạtre ṭarhao akane tahenkan uniyakʼ ontorre do Baba ar Hopon bana hoṛge menakʼkinạ.