Aposkạmi 13:16 - সান্তালী বাইবেল

¹⁶ Unre Pạul doe teṅgoyena ar ti tulkateye menkeda, “E Israelko ar Isor botoraekan boṅgan hoṛ jạtrenko ańjompe baṛe.

Santali Common Language New Testament

¹⁶ Unre Pạul doe teṅgoyena ar ti tulkateye menkeda, “E Israelko ar Isor botoraekan boṅgan hoṛ jạtrenko ańjompe baṛe.

Aposkạmi 13:16 Iomraidhean Croise

1 Rapajko 8:40

Am dom onkaea jemon aleren hapṛamko okaṭakʼ disạmem emakatʼko onḍe amren hoṛko do piṛhike piṛhiko sewawam.

Sereńko 135:20

E Lewi bõsrenko, Probhu sarhao sereńaepe; E Probhu Isor botoraekanko, ape do uni sarhaoepe.

Sereńko 67:7

Isor do abone bhor akatʼ bona; ona ńelte dhạrtiren ḍher sạṅgiń disạmren hoṛko hõ uniko botoraea.

Sereńko 85:9

Okoe uniko botoraekan sạrige uniyakʼ bańcao reakʼ okte onko ṭhen do hecʼ akana; onate uniyakʼ ṭhonok do aboakʼ disạmre girobasokʼa.

Mathae 11:15

Ańjom lạgitʼ lutur menakʼtaeicʼ doe ańjomma.”

Luk 1:22

Ado Sakariại oḍok hecʼen khan hoṛko sãote katha bae roṛ daṛeada. Ar noateko bujhạukeda, uni do sonot jaegare jãhãn dorsone ńelakada. Uni do hoṛko sãote isạrate kathae roṛkeda ar guṅgạgeye tahẽyena.

Luk 1:50

Ar okoe uniko sewawaekan uni do onkoreye dayakʼ kana, piṛhi cetan piṛhige.

Luk 23:40

Unre eṭagicʼ doe menkeda, “Am do cetʼ Isor bam botoraekana? Am hõ coṅ onkan sạjạigem ńametʼkan.

Aposkạmi 10:2

Uni do Jihudi hoṛe baṅkanre hõ Isor bhokti hoṛe tahẽkana ar acʼ gharońjren sanamkoge Isorko sewawae kan tahẽkana. Uni do reṅgecʼ orecʼko ṭaka-poesakoe dan akokan tahẽkana ar Isor ṭhen jaogeye koejoṅkan tahẽkana.

Aposkạmi 10:35

Ar mimitʼ jạtrenko mod khon okoe do uniko botoraekan ar uniyakʼ mẽtʼãhã samaṅre dhoromko kạmikan uni do onkoe ataṅkoa.

Aposkạmi 12:17

Patras do thirokʼ lạgitʼ titeye isạrawatʼkoa ar hajot khon Probhu Isor cetʼlekateye oḍok ạgukede onae baḍae ocoketʼkoa. Ar mucạtʼreye metatʼkoa, “Noa khobor do Jakob ar eṭakʼ boehako hõ lạiyakope.” Noa katha menkate uni doe oḍokente eṭakʼ jaegateye calaoena.

Aposkạmi 13:26

“E boehako, Abrahamren hoponko ar Isor botoraekanko, kại khon bańcao reakʼ noa khobor do abon ṭhenge kolakana.

Aposkạmi 13:46

Unre Pạul ar Barnabas do dilkate kin roṛ ruạṛatʼkoa, “Pạhilre ape ṭhen Isorakʼ katha lạlại jạruṛ tahẽkan tạlińa, menkhan tinre ape do bape moneyada ar jaejug jion ńam lạgitʼ apete lek bape bujhạulena unre ạliń do boṅgan hoṛ jạtrenko secʼliń ạcurokʼkana.

Aposkạmi 19:33

Khange Jihudiko do Aleksander samaṅ secʼko ṭhelao idikede khan, cetʼe roṛa mente adom hoṛko lạiyadea. Unre Aleksander do katha roṛ lạgitʼ titeye isạrawatʼkote thirokʼ lạgitʼe kurumuṭukeda.

Aposkạmi 2:14

Unre Patras do onko gelmitʼ celako sãote teṅgokate ãṭ aṛaṅte hoṛkoe metatʼkoa, “E Jihudiren hoṛko ar okoe do Jerusalemrepe tahenkan, ape do baḍae dohokakʼpe ar monte ińakʼ kathako ańjompe.

Aposkạmi 2:22

“E Israelko, noa katha ańjompe. Nasaretren Jisu hotete Isor do ape talare bhage ar hahaṛa kạmikote ape ṭhene sạbud akada je, uni do Jisui kolledea; ar noa katha do ape hõpe baḍaegea.

Aposkạmi 21:40

Ado maraṅ subedarakʼ hukume ńamketʼ khan Pạul do siṛhi cetanreye teṅgoyena ar ti tulkate hoṛko thirokʼ lạgitʼe isạrawatʼkoa. Arko thiren khan Pạul do Ibri pạrsiteye metatʼkoa.

Aposkạmi 22:22

Hoṛko do unhạbicʼ Pạulakʼ kathako ańjomkan tahẽkana, menkhan boṅgan hoṛ jạtrenkoakʼ kathae roṛketʼ khan ãṭ aṛaṅte hohowate memenko ehopʼena, “Uni do dhạrti khon ocokʼ giḍikaepe; uni do jiwetʼ tahen lek doe baṅkana.”

Aposkạmi 3:12

Unre onko do Solomonakʼ pinḍạreko tahẽkana. Ar Patras do onae ńelketʼ khan hoṛkoe metatʼkoa, “E Israelko, noa iạte cedakʼpe hahaṛakʼ kana? Ạlińakʼ daṛete se Isorakʼ bhoktite nui liń taṛam daṛe ocokedete cedakʼpe beṅgetʼ uricʼ ạliń kana?

Johan sodor 2:11

Ańjom lạgitʼ lutur menakʼtae hoṛ doe ańjom ma, sonot Jiu do manḍerrenko cetʼe metakokana mente. “Jitạukʼicʼ do dosar gujukʼte ohogeye hạ̃nlena.

Johan sodor 2:17

Ańjom lạgitʼ lutur menakʼtae hoṛ doe ańjomma, sonot Jiu do manḍerrenko cetʼe metakokana. Ar okoeye jitạukʼ uni do okoakatʼ Manna khon thoṛa Manna ar mitʼṭecʼ ponḍ dhiriń emaea. Ona dhiri cetanre mitʼṭecʼ nãwã ńutum ol tahena one okoehõ ona do bako baḍaekan, eken okoe onae ńam unigeye baḍae daṛeakʼa.

Johan sodor 2:29

Ańjom lạgitʼ lutur menakʼtae hoṛ doe ańjom ma, sonot Jiu do manḍerrenko cetʼe metakokana mente.

Johan sodor 2:7

“Ańjom lạgitʼ lutur menakʼtae hoṛ doe ańjomma, sonot Jiu do manḍerrenko cetʼe metakokana mente! Jitạukʼicʼ do Isorakʼ Parades reakʼ jion dare reakʼ joyiń jom ocoyea.