Aposkạmi 13:10 - সান্তালী বাইবেল

¹⁰ “Am do Soetanren hopon ar joto bhageakʼren bạiri kanam. Amre do joto lekan phạsiara ar bedhoromge menakʼa. Probhu Isorakʼ sojhe horko konḍeae do cetʼ bam bạgiya?

Santali Common Language New Testament

¹⁰ “Am do Soetanren hopon ar joto bhageakʼren bạiri kanam. Amre do joto lekan phạsiara ar bedhorom menakʼa. Probhuakʼ sojhe horko konḍeae do cetʼ bam bạgiya?

Aposkạmi 13:10 Iomraidhean Croise

Genesis 18:19

Iń Probhu Isor do noa lạgitʼge uniń bachao akadea jemon acʼren hoponko ar oṛakʼren eṭakʼ sanamko dhorom ar ińakʼ sanaleka calakʼ reakʼ solhae emako. Ar onko do uniyakʼko ańjomtaete onka lekako calakʼ, enḍekhan iń Probhu Isor do Abraham reaṅ okań menakatʼ onageń onkaea.”

Genesis 3:15

Iń do am ar maejiu talare ar amren bõsko ar maejiuko hotete hijukʼkan bõsko talare bạiriń janam ocoya. Ona bõsren mitʼ hoṛ do amakʼ bohokʼe gejer tama ar am do uniyakʼ iḍim sogagtaea.”

2 Bõsbudạ 17:6

Probhu Isorakʼ horte calakʼ do ạḍi ahkaokʼ mon tahẽkantaea. Ona chaḍa uni do Jihudạ disạm khon than boṭkocʼko ar Asera-muṭhạnkoe marao giḍi utạrletʼa.

Sosolhayic̕ 9:3

Siń cando latarre okako hoyokʼkan ona modre duk reakʼ do hoyokʼkana, sanamko inạ mitʼ dosage hoyokʼtakoa. Ona chaḍa manwa ontor do dukte perecʼgea ar jiwetʼe tahen bhor uniyakʼ ontorre do khepatetʼ tahena, ar ona tayom uni doe gujukʼa.

Jirimiạ 23:36

Menkhan ape do tishõ jemon alope men, ‘Probhu Isorakʼ katha do noa kana,’ ente mimitʼ hoṛ do akoakʼ kathage Isorakʼ katha menteko benaoeda. Nonkate ape do jiwetʼ Isorakʼ, aperen phạdkoren Probhu Isorakʼ kathape konḍeayetʼkana.”

Hosea 14:9

Ạkilan doe okoekana? Uni do noako reaṅe baḍaema. Probhu Isorakʼ hor do dhorom reakʼ hor kana; dhorom hoṛ do ona hortegeko taṛama, menkhan bedhoromicʼ doe tohotʼ gurokʼa.

Mathae 13:38

Goḍa do dhạrti kana ar bhage itạ do serma rajren hoṛ kanako. Ar Soetanren hoṛ doko sama ghãs kana.

Mathae 15:19

Ente ontor khonge bạṛicʼ cintạ, khũn, laṭghaṭ, kombṛo, eṛe goha, ar opomanko do oḍok hijukʼa.

Mathae 23:13

“Hae, ape sostor baḍaeko, Phạrusiko ar phạsiạrako do! Ente ape do hoṛko samaṅre serma raj reakʼ duạrpe siń esetʼkakʼ kana. Onare ape hõ bape bolokʼkana ar okoe bolokʼ lạgitʼko kurumuṭukan onko hõ bape bolo ocoakokana.

Mathae 3:7

Ar ạḍi utạr Phạrusiko ar Sạdukiko hõ bạptisokʼ lạgitʼ acʼ ṭhen hijukʼkane ńelketʼkoa. Uni doe metatʼkoa, “Eya kạrinạṅgin hoponko, Isorakʼ daraekan sạjại khon ńir pharakokʼ lạgitʼ do okoeye cetaoketʼpea?

Luk 11:39

Unre Probhu do uniye metadea, “Ape Phạrusiko do thạri ar bạṭi reakʼ bahre secʼgepe saphayetʼ kana, menkhan apeakʼ bhitritetʼ do laloc ar bạṛicʼte perecʼgetapea.

Luk 11:52

“Hae ape sostor baḍaeko do! Ape do akel reakʼ choṛanpe iditora akada. Ape hõ bape bolokʼkana ar bhitrite bolokʼko hõ bape bolo ocoako kana.”

Johan 1:23

Johane menkeda, “Ińge ona hohokạnicʼ reakʼ aṛaṅ do, one okoe reaṅ Jesaea nạbiye menakatʼ, hahaṅkarre mitʼṭen hohokạnicʼ reakʼ aṛaṅe baḍae ocoyetʼkana, Probhu Isorakʼ hor sojhe kataepe.”

Johan 8:44

Soetange aperen baba do, ar ape do uniren hoponko kanape; onate uniyakʼ sana purạupe menjoṅ kana. Soetan do pạhil khongeye khũniạhi kana. Uni do tisge sạriyakʼre bae teṅgo akana, ente unire do sạriyakʼtetʼge bạnukʼa. Uni do eṛe kathae roṛre acʼ khongeye roṛa, ente uni doe eṛeyicʼ kana ar sanam lekan eṛeakʼ do uni khonge janam akana.

Aposkạmi 20:30

Ape bhitriko khon hõ hoṛko teṅgonte Isorakʼ sạriyakʼtetʼ do eṛeteakʼ benaoko kurumuṭuya jemon pạtiạu akanko ako secʼko or idi daṛeako.

2 Korinthiko 11:3

Menkhaniń botorokʼ kana, uni biń do acʼakʼ bạṛicʼ phorphundite cetʼleka Hawae bulạulede onkage Mạsire menakʼtape soṛatetʼ ar napaetetʼ khon apehõkoe bulạu botecʼpea.

Galathiko lạgitʼ Pạul Apostolakʼ ciṭhi 1:7

Ona do jãhãn bhage sombatge baṅkana. Enrehõ adom hoṛ menakʼkoa one okoe do sulukte bako tahẽ ocowape kan, ar Mạsi reaṅ bhage sombat bodolko monejoṅkan.

Ephesiko lạgitʼ Pạul Apostolakʼ ciṭhi 4:14

Bạṛicʼ bulạuakʼte eṭakʼko bhul horte idiko lạgitʼ oka bhul sikhnạtko emakokan, ona bhul sikhnạt iạte abo do hoete sokojokʼkan ḍheoko leka hante nate alo bon sokojokʼma.

2 Patras 2:15

Onko do Beor hopon Biliamakʼ hor secʼko mohnḍa akana. Biliam do bạṛicʼ kạmi reakʼ kuṛại ńam lạgitʼe menleda,

1 Johan 3:8

Okoeye kại idiyetʼkan uni doe Soetanren kana, ente Soetan do etohopʼ khongeye kạiyeda. Ar Soetan kạmi marao giḍikakʼ lạgitʼge Isorren Hopon doe sodorakana.