Aposkạmi 11:3 - সান্তালী বাইবেল

³ “Am do begor khatna akan hoṛkoakʼ oṛakʼte senkate onko soṅgem jom-ńũiyetʼ kana.”

Santali Common Language New Testament

³ “Am do begor khatna akan hoṛkoakʼ oṛakʼte senkate onko soṅgem jom-ńũyetʼ kana.”

Aposkạmi 11:3 Iomraidhean Croise

Mathae 9:11

Ona ńelte Phạrusiko do Jisuren celakoko metatʼkoa, “Aperen Guru do mạsul uṭhạuko ar bạṛicʼ hoṛko tulucʼ cedakʼe jom ńũiyeda?”

Luk 15:2

Onate Phạrusiko ar sostor baḍaeko do noa menkate karacʼ kurujokʼko ehopʼena, “Nui hoṛ do kại hoṛko sãoteye gatekʼkana are jom ńũiyeda.”

Johan 18:28

Jihudi mukhiyạko do ạḍi setakʼre Kaeapha ṭhen khon Romren disạm cakʼlaoyicʼ Pilạtakʼ doṅgolte Jisuko idikedea. Menkhan onko do ona doṅgol bhitrite bako bololena jemon saphako tahente bańcaokʼ porob reakʼ bhojko jom daṛeakʼ.

Aposkạmi 10:23

Unre Patras do oṛakʼ bhitrite onko hoṛe hoho aderketʼkoa ar onkoakʼ tahen jaega ar jom-ńũ reakʼe bebostawatʼkoa. Ado dosar hilokʼ Patras do onko tulucʼe senena. Ar Joppa nagraharen adom biswạsi boehako hõ uni sãoteko sen torayena.

Aposkạmi 10:28

Uni doe metatʼkoa, “Ape mape baḍaege je, mitʼṭen Jihudi hoṛ do mitʼṭen boṅgan hoṛ sãote gatekʼ se uni sãote ńapamokʼ hõ aleakʼ dhorom reakʼ ạn-ạri birudkana. Menkhan Isor do ińe udukʼ akawạdińạ, okoe hõ besapha se chut mente metako do lek baṅkantińạ.

Aposkạmi 10:32

Ado ńitokʼ Joppate hoṛ kolkom, ar Simon, okoe do Patrasko metaekan uni hoho ạguyem. Uni do jalapuri aṛere Simon camarakʼ oṛakʼreye ḍera akana.’

Aposkạmi 10:48

Unre uni do onko hoṛko Jisu Mạsi ńutumte bạptisokʼ lạgitʼe hukumatʼkoa. Ar ona tayom onko do ako ṭhen thoṛa din tahen lạgitʼ Patrasko nehõradea.

1 Korinthiko 5:11

Menkhan iń do okań olatʼpe tahẽkan ona do noage, okoe acʼte biswạsi boehae ńumogokʼ kan, menkhan uni do loṭghuṭiyicʼ se dhon lalocicʼ, se boṅga sewayicʼ se oktayicʼ se ńu bulokʼicʼ seye luluṭicʼkan enḍekhan uni tulucʼ do gate hõ alope gatekʼa ar jom hõ alope jom-ńũiya.

Galathiko lạgitʼ Pạul Apostolakʼ ciṭhi 2:12

Jihudikoren biswạsi okoeko dol do be Jihudiko khatna ocoko cetanre jorko emetʼ tahekan, onkoren adom hoṛ Jakob ṭhen khon ạuriko hijukʼre Patras do be-Jihudiko tulucʼe jom-ńũiyetʼ tahẽkana. Menkhan tinre onko dolren hoṛko hecʼena unre uni do onko botorte be-Jihudiko sãote gatekʼe bạgiketʼte apnar do onko khone begarena.

2 Johan 1:10

Ar jãhãe hoṛ ape ṭhen hecʼkate ona sikhnạt bae emokʼ enḍekhan apeakʼ oṛakʼre uni do alope ataṅ daramea ar johar hõ alope joharaea.