Aposkạmi 10:22 - সান্তালী বাইবেল

²² Onko hoṛko menkeda, “Subedar Korneliusge ale doe kolakatʼlea. Uni do mitʼṭen dhorom ar Isor bhokti hoṛ kanae. Ar sanam Jihudikoge uniko sarhaoede kana. Isorren mitʼṭen goḍet do uniye hukumade tahẽkana jemon acʼakʼ oṛakʼte ame hoho idi ocomete amakʼ kathakoe ańjomtam.”

Santali Common Language New Testament

²² Onko hoṛko menkeda, “Subedar Korneliusge ale doe kolakatʼlea. Uni do mitʼṭen dhorom ar Isor bhokti hoṛ kanae. Ar sanam Jihudikoge uniko sarhaoede kana. Isorren mitʼṭen goḍet do uniye hukumade tahẽkana jemon acʼakʼ oṛakʼte ame hoho idi ocomete amakʼ kathakoe ańjomtam.”

Aposkạmi 10:22 Iomraidhean Croise

Hosea 14:9

Ạkilan doe okoekana? Uni do noako reaṅe baḍaema. Probhu Isorakʼ hor do dhorom reakʼ hor kana; dhorom hoṛ do ona hortegeko taṛama, menkhan bedhoromicʼ doe tohotʼ gurokʼa.

Habakkuk 2:4

“Bạḍạite perecʼ Babel do dhoromicʼ doe baṅkana, menkhan okoe miridos menteye ataṅ ocokʼkan uni do acʼakʼ biswạs khạtirtege jiwetʼe tahena.

Mathae 1:19

Mạriạmren jãwãe Joseph do dhorom hoṛe tahẽkante hoṛko samaṅre Mạriạm lajaore paṛao ocoye do bae khojlakʼa; onate uni do mone monete Mạriạm bạgiye reakʼe goṭakeda.

Mathae 2:12

Ar Isor do Herod ṭhen aloko ruạṛ calakʼa mente kukmũte onkoe sontorkatʼkoa. Unre onko do eṭakʼ horte akoakʼ disạmteko ruạṛ calaoena.

Mark 6:20

menkhan Herod do Johane botoraekan tahẽkana. Ente Johan do mitʼṭen dhorom ar sonot hoṛ menteye baḍae akade tahẽkana, ar onate uni do muskilakʼko khone rukhiyạyede tahẽkana. Herod do Johanakʼ kathako ańjomkate monre jut bae ạikạuetʼ tahẽkanre hõ uniyakʼ kathako ańjom doe kusikʼkan tahẽkangea.

Mark 8:38

Niạ piṛhiren bepạtiạr ar kại hoṛko talare iń ar ińakʼ kathako iạte jãhãegeye lajaokʼ, enḍekhan Manwa Hopon hõ sonot goḍetko soṅgekate acʼren Apatakʼ ṭhonokanteye hijukʼre uni hoṛ iạteye lajaokʼa.”

Luk 2:25

Unre Jerusalemre Simon ńutuman mitʼṭen dhorom ar Isor bhukti hoṛe tahẽkana. Uni do Israelkoakʼ jiwi raṛecʼe ńel hohorkan tahẽkana.

Luk 23:50

Joseph ńutuman mitʼṭen bhage ar dhorom hoṛ do maraṅ bạisiren sosolhaicʼe tahẽkana. Uni do Arimạthiạko metakʼ Jihudikoakʼ mitʼṭecʼ atoren hoṛe tahẽkana.

Luk 9:26

Jãhãege iń ar ińakʼ katha iạteye lajaokʼ khan, Manwa Hopon hõ tinre acʼ ar acʼren Apatakʼ ar sonot goḍetkoakʼ ṭhonokanteye hijukʼa unre acʼ hõ uni hoṛ iạteye lajaokʼa.

Johan 13:20

Sạrigeń metapekana, iń okoeyin kole, ar uni okoeye ataṅe, uni do ińgeye ataṅedińạ ar iń okoeye ataṅiń uni do kol akadińicʼgeye ataṅedekana.”

Johan 17:20

“Eken onko lạgitʼ iń nehõrokʼ kana ona do baṅ, menkhan okoe nokoakʼ kathate ińreko pạtiạukʼkan onko lạgitʼ hõń nehõrokʼkana, jemon onko sanamko mitʼko hoyokʼ.

Johan 17:8

Ente okako katha lạiyakom metadiń tahẽkan iń do onakoń lại akawatʼkoa. Ar onko do onako ataṅketʼte sạrigeko baḍaekeda, iń do am ṭhen khoniń hecʼakana, arko pạtiạu akana, amge ińem kol akadińa.

Johan 5:24

“Sạrigeń metapekana, Ińakʼ katha okoeye ańjom ar kol akadińicʼreye pạtiạukʼ uni do jaejug jion menakʼtaea. Uni do dusi mente bae lekhakʼa, ente uni do moron khon jionteye parom akana.

Johan 6:63

Manwa hoṛmo do oka kaj reakʼ hõ baṅkana; sonot Jiuge jione emokʼkana. Okako katha ape ṭheniń roṛakatʼ ona do jiu ar jion kana.

Johan 6:68

Simon Patras do Jisui metadea, “E Probhu Isor, ale do okoe ṭhenle calakʼa? Jaejug jion reakʼ katha ma coṅ am ṭhenge.

Aposkạmi 10:2

Uni do Jihudi hoṛe baṅkanre hõ Isor bhokti hoṛe tahẽkana ar acʼ gharońjren sanamkoge Isorko sewawae kan tahẽkana. Uni do reṅgecʼ orecʼko ṭaka-poesakoe dan akokan tahẽkana ar Isor ṭhen jaogeye koejoṅkan tahẽkana.

Aposkạmi 10:21

Unre Patras doe pheḍ hecʼente onko hoṛkoe metatʼkoa, “Ape okoepe ńam baṛayede uni hoṛ doń ińkangea. Ape do cetʼ lạgitʼpe hecʼakana?”

Aposkạmi 10:30

Unre Korneliuse menkeda, “Pon din lahare ṭhik niạ jokhecʼ pe baja okte iń do ińakʼ oṛakʼreń koejoṅkan tahẽkana. Unre ackage pĩṛĩtʼ pĩṛĩtʼ ponḍ kicricʼ horokʼ akatʼ mitʼṭen hoṛ do iń samaṅre hecʼenteye metadińạ,

Aposkạmi 10:33

Onate iń do am hoho ạgume lạgitʼ unrege hoṛiń kolketʼkoa, ar amem hecʼente dom bhageakatʼgea. Nonḍe ale do ńitokʼ sanamkoge Isor samaṅre menakʼlea. Ar Probhu Isor okaṭakʼ ale ṭhen galmarao lạgitʼe hukum akatʼme ona jotowakʼgele ańjoma.”

Aposkạmi 10:6

Uni do harta reakʼe kạmiya. Patras do uni Simonakʼ oṛakʼrege menaea.”

Aposkạmi 11:14

Ar uni okako kathae lạiyam, ona kathatege am ar am gharońjren sanam hoṛ kại khon bańcaope ńama.’

Aposkạmi 22:12

“Ado Ananiạs ńutuman mitʼṭen hoṛ iń ṭhene hecʼena. Uni do Moseyakʼ ạn-ạriko manot salakʼe pańjayetʼ tahẽkana, ar onḍenko sanam Jihudiko ạḍiko manotedekan tahẽkana.

Aposkạmi 24:15

Onko cetʼlekako asokʼkan onkage iń hõ Isorre noa as menakʼtińạ je, dhorom ar bedhorom sanamkoge arhõko jiwetʼ beretʼ ocokʼa.

Aposkạmi 6:3

E boehako, ape modkhon Jiu ar akelte perecʼ akan ar sanam hoṛko manotko nonkan eae goṭen hoṛ bachao joṅpe. Ale do onkoge noa sapʼdapʼ kạmi reakʼ bharle emakoa ar ale do koejoṅ ar Isorakʼ katha porcar lạgitʼ jamaṛ akanle tahena.”

Romiko lạgitʼ Pạul Apostolakʼ ciṭhi 1:17

Isor manwako cetʼlekate dhorom menteye ataṅko ona do bhage sombat hotete sodor akana. Etohopʼ khon mucạtʼ hạbicʼ pạtiạu hotetege manwa do eken dhorom menteye ataṅ ocokʼa. Sonot sostorre olakana; “Dhoromicʼ do pạtiạu hotetege jione ńama.”

2 Korinthiko 5:18

Noako do Isor secʼ khonge hoyakana. Uni do Mạsi hotete apnar tulucʼe samgeketʼ bona, ar acʼ tulucʼ eṭakʼ sanamko lạgitʼ dạyike emakatʼbona.

Dosar Biboron 30:13

Noa do jalapuri cetan reakʼ jãhãn jinis hõ baṅkana, onepe menke, ‘jalapuri paromkate do okoe bhala onae ańjom ocolea jemon onale manao ar ona lekale sen daṛekokʼ?’

1Timothi 3:7

Bahre hoṛko ṭhen uniyakʼ do bhage goha tahen jạruṛtaea, jemon durnamre ar Soetanakʼ jhạlire aloe ńurokʼ.

Ibriko 10:38

Okoe hoṛ dhorom menteń ataṅ akade uni do pạtiạu hotetege jione ńama; menkhan jãhãegeye ruạṛ calakʼ enḍekhan unire do kusi bạń tahena.”

Ibriko 11:2

Biswạs iạtege aboren hapṛamko do Isorakʼ sarhaoko ńamleda.

Ibriko 12:23

pạhil janam hopon reakʼ ạidạriko ńamakatʼ hoṛ lekate okoekoakʼ ńutum sermare ol akan, onko hotete benaoakʼ manḍer ṭhenpe hecʼakana; okoe doe sanamkoren bicạricʼkan uni Isor ṭhenpe hecʼakana; ar okoekoko sạbit ocoakan onko sanam dhorom hoṛkoakʼ jiu ṭhenpe hecʼakana;

2 Patras 3:2

Sonot nạbiko okako katha lahateko menakatʼ onako ar aperen apostolko hotete aboren Probhu Isor ar babańcaoicʼ okaṭakʼ hukume emakatʼ, ińakʼ monejonakʼ do jemon onape disạ dohoy.

3 Johan 1:12

Sanamkoge Demetriusko sarhaoede kana, ar Isorakʼ sạriyakʼtetʼ hõe onkawae kana. Ale hõ unile sarhaoede kana. Am dom baḍaegea ale okaṭakʼle lại ona do sạrigea mente.

Johan sodor 14:10

enḍekhan uni do Isorakʼ edre reakʼ bubulakʼ ńũńũi hoyokʼtaea. Ar noa bubulakʼ sãote dakʼ baṅ mesal akatʼ Isorakʼ edre reakʼ bạṭire dul akana. Sonot sermaren goḍetko ar Bheḍa Hopon samaṅre seṅgel ar gondhokte uni hoṛ doe saset ocokʼa.