Aposkạmi 1:9 - সান্তালী বাইবেল

⁹ Noa kathae lạiyatʼko khan celako samaṅrege Jisu doe rakapʼ ocoyena ar mitʼṭecʼ rimil reakʼ danaṅteye calaoena.

Santali Common Language New Testament

⁹ Noa kathae lạiatʼko khan celako samaṅrege Jisu doe rakapʼ ocoyena ar mitʼṭen rimil reakʼ danaṅteye calaoena.

Aposkạmi 1:9 Iomraidhean Croise

Sereńko 68:18

Tinre am do sermatem rakapʼena unre lạṛhại kạidikom idiketʼkoa. Ar hoṛko talare, teṅgo daramko talare tahen jokhecʼ am ṭhen do ạḍi utạr dan hecʼlena, jemon am do, E Probhu Isor, onko talarem tahẽ daṛeakʼ.

Exodus 19:9

Niạ tayom Probhu Isor do Moseye metadea, “Am sãote tinre kathań roṛa unre jemon hoṛko onako ańjom daṛeakʼ onate iń do mitʼṭen rimil tala khon ape ṭheniń hijukʼa. Enḍekhan hoṛko do jao ghuṛi am cetanre purạ biswạsko dohoya.” Ar hoṛko okako menketʼ Mose do ona Probhu Isore lạiyadea.

Exodus 34:5

Probhu Isor do rimil khunṭi khon pheḍ hecʼkate Mose ṭhene teṅgoyena ar acʼakʼ “Probhu Isor ” ńutume lại jạhirketʼtea.

Jesaea 19:1

Misor disạm babotre Probhu Isorakʼ katha do nonka kana: Ńelpe, Probhu Isor do mitʼṭecʼ coṭkar rimilte Misor disạmteye hijukʼkana. Uni samaṅre Misorren boṅga murhutʼko doko thar tharaokʼa, ar Misorren hoṛ doko hae nisạsokʼa.

Daniel 7:13

“Ńindạ jokhecʼ iń do dorsoniń ńelkeda, manwa hopon leka mitʼ hoṛ do coṭ khon rimil talate hijukʼkaniń ńelkedea. Uni do murubbi ṭhene laha idiyena ar uni samaṅreye idi ocoyena.

Mark 16:19

Ado joto kathae galmaraoatʼko tayom, Probhu Jisu do sermateye rakapʼ ocoyena. Ar uni do onḍe Isorakʼ jojomsa aṛereye duṛupʼena.

Luk 21:27

Unre Manwa Hopon do maraṅ daṛe ar ṭhonokante rimilte hijukʼkanko ńelea.

Johan 6:62

Enḍekhan Manwa Hopon pạhil okareye tahẽkan onḍe rakapʼ calakʼkanpe ńellere ape do cetʼpe mena?

Aposkạmi 1:11

E Gạlilren hoṛko nonḍe teṅgokate serma secʼ do cedakʼpe beṅgetʼ akada? Okoe ape ṭhen khone rakapʼ ocoyen ar cetʼleka sermate calakʼkanpe ńelkede onkage uni doe ruạṛ hijukʼa.”

1 Thessalonikikko 4:17

Ona tayom do okoeko jiwetʼ ar sarecʼ menakʼ bon, abo hõ sermare Probhu Isor sãote ńapamokʼ lạgitʼ onko tulucʼ rimilre bon rakapʼ ocokʼa. Ar nonkate abo do jaejug hạbicʼ Probhu Isor sãote bon tahena.

1Timothi 3:16

Isor bhokti reakʼ sạri okoakʼ je maraṅge ona do jotokogeko aṅgoca. Ona sạritetʼ do noage, Uni do manwa lekateye sodorena; ar Jiureye dhorom ocoyena; serma goḍet do uniko ńelledea; sanam jạtrenko ṭhen uni reaṅ porcarlena; dhạrtiren hoṛko do unireko pạtiạuena; ar serma ṭhonokre uni doe rakapʼ ocoyena.

Johan sodor 1:7

Ńelpe, uni do rimilteye hijukʼkana. Ar mitʼke mitʼ mẽtʼ do uniko ńelea; ar okoeko sobokʼ bhugạkʼlede onko hõ uniko ńelea ar dhạrtiren sanam jạtrenko do uni iạte koṛamko ceṭagokʼa. Ar onage hoyokʼ ma baṛe, Amen.

Johan sodor 11:12

Tayomte unkin gohakin do serma khon ãṭ aṛaṅte noa kathakin ańjomkeda, “Nonḍe rakapʼ hijukʼ ben.” Unre unkin do ạkinren bạirikoakʼ mẽtʼãhã samaṅrege mitʼṭecʼ rimilte sermatekin rakapʼ calaoena.

Johan sodor 14:4

Noko do onko hoṛ kanako, one okoe do maejiuko tulucʼ bako laṭghaṭ akatʼte saphage menakʼko. Ar jãhã secʼge Bheḍa Hopone calakʼ onko hõ uni tayomteko calakʼa. Isor ar Bheḍa Hopon ṭhen pạhil jo lekate dãṛẽ lạgitʼ hoṛko mod khon onko doko kiriń akan tahẽkana.