Aposkạmi 1:10 - সান্তালী বাইবেল

¹⁰ Ado Jisu coṭ secʼe rakapʼ calakʼkan tahẽkanre celako do serma secʼko koyokʼ uricʼ akatʼ tahẽkana. Ar unre ponḍ kicricʼ horokʼ akatʼ bar hoṛ do celako ṭhen teṅgoyentekin menkeda,

Santali Common Language New Testament

¹⁰ Ado Jisu coṭ secʼe rakapʼ calakʼkan tahẽkanre celako do serma secʼko koyokʼ uricʼ akatʼ tahẽkana. Ar unre ponḍ kicricʼ horokʼ akatʼ bar hoṛ do celako ṭhen teṅgoyentekin menkeda,

Aposkạmi 1:10 Iomraidhean Croise

2 Rapajko 2:10

Eliại menkeda, “Am do mitʼṭecʼ muskilakʼgem koe akadińạ. Enhõ am ṭhen khoniń idi ocokʼre ińem ńel ńameń khan am do onam ńama; ar bam ńel ńameń khan do bam ńama.”

Daniel 7:9

“Tayomteń ńelkeda adomakʼ siṅghạso doho ocoyena ar mitʼṭecʼ mare haṛam hoṛ do acʼakʼ siṅghạsonreye duṛupʼena. Uniyakʼ kicricʼko do him leka ponḍ ar uniyakʼ bohokʼ reakʼ upʼ do ponḍ il leka tahẽkana. Uniyakʼ siṅghạson ar siṅghạson reakʼ pạ̃ihạ̃kore do seṅgel jolokʼkan tahẽkana.

Mathae 17:2

Ar onko samaṅre uni doe eṭakʼ boronena. Uniyakʼ mẽtãhã do siń cando leka jhak jhak ar kicricʼko do marsal leka pĩṛĩtʼ pĩṛĩtʼ ponḍentaea. Onko do Mose ar Eliạ Jisu tulucʼ galmaraoko ńelketʼkinạ.

Mathae 28:3

Uniyakʼ muṭhạn do bijli leka ar uniyakʼ kicricʼko do him leka pĩṛĩtʼ pĩṛĩtʼ ponḍ tahẽkana.

Mark 16:5

Ado topa bhitriteko boloyen khan jojomsa aṛere ponḍ kicricʼ horokʼ akatʼ mitʼṭen juạn hoṛ duṛupʼ akanko ńelkedea, ar onate ạḍitetʼko tharbasaoena.

Luk 24:4

Ar hahaṛakʼ tulucʼ ona reaṅko hudisokʼkan tahẽkanre bijli leka pĩṛĩtʼ pĩṛĩtʼ kicricʼ horokʼ akatʼ bar hoṛ onko samaṅre hecʼkatekin teṅgoyena.

Johan 20:12

Jisuakʼ mạ̃ṛĩ okare dohoakan tahẽkan onḍe ponḍ kicricʼ horokʼ akatʼ barea serma goḍet duṛupʼ akane ńelketʼkinạ, mitʼṭen do bohokʼ secʼre ar eṭagicʼ do jaṅga secʼre.

Aposkạmi 10:3

Mitʼ din pe baja okte uni do mitʼṭecʼ dorsone ńelkeda. Uni do pusṭạuteye ńelkeda Isorren mitʼṭen goḍet do hecʼkateye metaekana, “E Kornelius.”

Aposkạmi 10:30

Unre Korneliuse menkeda, “Pon din lahare ṭhik niạ jokhecʼ pe baja okte iń do ińakʼ oṛakʼreń koejoṅkan tahẽkana. Unre ackage pĩṛĩtʼ pĩṛĩtʼ ponḍ kicricʼ horokʼ akatʼ mitʼṭen hoṛ do iń samaṅre hecʼenteye metadińạ,

Johan sodor 3:4

Menkhan Sạrdisre thoṛa nonkan hoṛ menakʼkotama one okoe do akoakʼ kicricʼ khạnḍwạkʼ, metakʼme cạl-colon bako mạilạ akatʼtako. Onko doko lekman hoṛ kante ponḍ kicricʼ horokʼkate iń sãoteko dãṛãbaṛaea.

Johan sodor 7:14

Adoń metadea, “Ńelme, ona do amgem baḍaea.” Uni doe metadińạ, “Ona maraṅ saset khon okoeko hecʼakan onko doko noko kangea. Onko do akoakʼ kicricʼko Bheḍa Hoponakʼ mãyãmte ạrupʼkateko ponḍ akatʼtakoa.