Amos 8:3 - সান্তালী বাইবেল

³ Enhilokʼ mundil reakʼ sereńko do jare jare hoyokʼa, ar ‘mạ̃ṛĩko do aemage hoyokʼa; ar onako do hape hapete goṭa ṭạnḍi giḍi akan tahena.’ ”

Amos 8:3 Iomraidhean Croise

Sereńko 39:9

Iń do thir hapege minạńa, moca do ar bạń cahabtińạ, ente amge noako dom hoyocoakada.

Jesaea 37:36

Ona tayom Probhu Isorren goḍet do oḍok senkate Ạsurrenkoakʼ ḍeraren mitʼ lakh irạlgel mõṛẽ hajar hoṛe gocʼketʼkoa. Ar dosar hilokʼ setakʼre hoṛko to tinreko beretʼena unre sanam jaegare eken mạ̃ṛĩko ńelkeda.

Jirimiạ 22:18

Onatege Probhu Isor do Jihudạ raj Josiạren hopon Jehoyakim reaṅe meneda, “Uni lạgitʼ do okoehõ bae ‘hae haeyokʼa.’ Hoṛko do uni lạgitʼ ‘hae ińren kisạ̃ṛ! Hae uniyakʼ ṭhonok,’ onka do bako homor halaṅa.

Rak̕joṅ 2:10

Sion hoponeraren murubbiko do otreko duṛupʼ hapeakana. Onko do akoakʼ bohokʼre dhuṛiko ojokʼ akawana ar gõṛẽ kicricʼko horokʼ akada. Jerusalemren juạn kuṛiko do dukte ot secʼko kuḍbur hapeakana.

Joel 1:11

E cacasko, lajaokʼpe baṛe; ar okoe do darkha nạ̃ṛĩpe jotonetʼkan, ape do guhum ar jao lạgitʼ homor halaṅpe; ente khet reakʼ phosol do nosṭoakana.

Joel 1:13

E naekeko, ape do gõṛẽ kicricʼ horokʼkate homor halaṅpe; ar okoeko pinḍre sewa reakʼpe kạmikan ape do rakʼ homorpe. Okoe ińren Isorpe sewawae kan ape hõ hijukʼte gõṛẽ kicricʼ horokʼkate ńindạ tahẽ aṅgakʼpe, ente aperen Isorakʼ oṛakʼre jomakʼ samaṅokʼ ar coḍor samaṅokʼakʼ porob do akoṭakana.

Joel 1:5

E bul bhutạṛ hoṛko, ma cetaokʼpe ar rakʼjoṅpe. E sanam bubulakʼ hoṅgorko, ape do ṭaṭka darkha rasa reakʼ bubulakʼ lạgitʼ homorpe, ente apeakʼ moca khon ona do recʼ ocoakana.

Levitikus 10:3

Unre Mose do Arone metadea, “Probhu Isore meneda, ‘okoe iń ṭhenko hijukʼ onko do sonot mente jemonko manaoiń. Ar sanam hoṛko samaṅre jemon iń ṭhonokokʼ.’ ” Ar Aron do hapegeye tahẽyena.

Amos 4:10

Misorre cetʼlekań kolletʼ onkage ape talare iń do mahamạriń kolkeda. Ar lạṛhại hotete aperen juạnkoń gocʼketʼkoa ar aperen sadomkoń idiketʼkoa. Apeakʼ chạuni reakʼ bạṛicʼ so do mũreyiń jiyatʼpea; enhõ ape do iń ṭhen bape ruạṛ hecʼlena.

Amos 5:16

Phạdkoren Probhu Isor doe meneda, “Nagraha reakʼ mitʼke mitʼ phaelao ṭhạ̃ire hoṛko homor halaṅa ar mitʼke mitʼ horre doko hae haeyokʼa. Hẽ, dukokʼkanko sãote homor halaṅ lạgitʼ cacasko hõko hoho ocokʼa.

Amos 5:23

Apeakʼ sereń durạṅ do sạṅgiń giḍikakʼpe. Apeakʼ peṛesaṅ reakʼ mońj rãwãokʼ do bạń ańjomtapea.

Amos 6:4

Ape do hạti ḍaṭate benaoakʼ parkomrepe giticʼ akana ar apeakʼ palak parkomrepe tiyạr akana. Ape do aperen pal khonpe bachao akatʼko bhiḍi hopon ar goṛa tala khon mĩhũpe jometʼkoa.

Amos 6:5

Ape do peṛesaṅ banamatepe sereńetʼkana ar Dạudakʼ nana parkan bajnakope benaojoṅ kana.

Amos 6:8

Phạdkoren Probhu Isor do acʼakʼ ńutumte kiriạkateye meneda, “Iń do Jakobakʼ bạḍại ar uniyakʼ gaṛkoń hirkhạwakʼ kana; onate apeakʼ nagraha ar onare menakʼ jotowakʼ do eṭakʼ hoṛakʼ tireń jimạkakʼa.”

Amos 8:10

Apeakʼ sanam hulạs do dukte ar sanam sereń doń homor halaṅ ocoya. Sanamkoge gõṛẽ kicricʼ iń horokʼ ocopea ar bohokʼ doń hoyo ceḍeytapea. Ona okte do sadher hoponakʼ gujukʼ reakʼ homor lekań hoeocoya ar ona do mucạtʼ hạbicʼ ạḍi dukge hoyokʼa.”

Nạhum 3:3

ar aswariko doko ńir bhiṛạukʼkana, tarwaṛe do jhak jhakaokʼ kana, ar borlom do malkaokʼkana. Ńelpe, ḍher ghạl akan hoṛ ar mạ̃ṛĩko reakʼ ḍạṅge, alekha mạ̃ṛĩkoge, ar hoṛko do mạ̃ṛĩreko hãṛãgokʼ kana.

Sephaniạ 1:7

Ape do Probhu Isor samaṅre hape akan tahenpe, ente Probhu Isorakʼ din do hecʼ sor akana. Probhu Isor do mitʼṭecʼ samaṅokʼakʼ reakʼe nenḍa akada; ar uni okoeye neota akatʼko onko doe sapha akatʼkoa.