Amos 7:9 - সান্তালী বাইবেল

⁹ Isahak bõsren hoṛkoakʼ than boṭkocʼko ar Israelakʼ koejoṅ reakʼ eṭakʼ ṭhạ̃iko do maraokʼ giḍikʼa. Iń do tarwaṛete Jerobiam bõsrenko upạrteń teṅgona.”

Amos 7:9 Iomraidhean Croise

Genesis 46:1

Israel do acʼakʼ sanamakʼ hataokateye oḍokena. Ar Ber-sebare hecʼkate uni do acʼ apat Isạhakren Isor ńutumte dãṛẽye samaṅkeda.

2 Rapajko 14:24

Uni do Probhu Isorakʼ mẽtʼre oka bạṛicʼakʼ kan onageye kạmikan tahẽkana ar Nabatren hopon Jerobiam Israelko cetʼlekae kại ocoyetʼko tahẽkan uni hõ onkageye kạmikeda.

Jesaea 63:18

Amakʼ sonot ṭhạ̃i do thoṛa din lạgitʼ amren begar akan hoṛkoakʼ tire tahẽkana, menkhan ńitokʼ aleren bạiri do ona sonot ṭhạ̃iko lebetʼ gasmanḍaoetʼ kana.

Jirimiạ 51:51

“Apepe meneda, ‘ale babotre henosta kathale ańjom akatʼte ale dole lajao ocoakana. Lajao do aleakʼ mẽtʼãhãe betʼ akatʼtalea, ente Probhu Isorakʼ oṛakʼ reakʼ sonot ṭhạ̃ikore bidisiạkoko bololena.’

Hosea 10:8

Beth-Aben reakʼ than boṭkocʼko, metakʼme Israelakʼ kại reakʼ ṭhạ̃iko do maraokʼ ocokʼa. Onḍe do rạṅgạini jạnumko janam rakabokʼte onkoakʼ pinḍkoe danaṅ esedtakoa. Unre onko do maraṅ maraṅ buruko metawakʼa, “De danaṅ esetʼlepe” ar huḍiń buruko doko metawakʼa, “De ale cetanre ńurokʼpe.”

Amos 3:14

Kại iạte oka hilokʼ Israeliń sạjạiye enhilokʼ do Bethel reakʼ pinḍko hõń rạputʼ giḍikakʼa; unre pinḍ reakʼ dereńko do otre rạputʼ ńurokʼa.

Amos 5:5

Ape do Bethel se Gilgal se Ber-sebate alope calakʼa, ente Gilgalren hoṛ do khạṭige bondikate eṭakʼ disạmteko idi ocokʼa ar Bethel do ạuṛiyakʼge hoyokʼa.”

Amos 7:11

Amose meneda, ‘Jerobiam do tarwaṛeteye gocʼ ocokʼa ar Israel do khạṭige acʼakʼ disạm khon eṭakʼ disạmteye bondi idi ocokʼa.’ ”

Amos 7:13

Bethelre do ar alom nạbiya, ente noa do rajakʼ sonot ṭhạ̃ikana ar rajosṭi reakʼ mundil kana.”

Amos 8:14

Onko okoe Samariạren boṅga ńutumte kiriạkateko men, ‘E Dan, amren jiwetʼicʼ debota ńutumtele kiriạkʼkana se, ‘Ber-sebaren jiwetʼicʼ debota ńutumtele kiriạkʼkana,’ onko doko bhindạṛokʼa, ar tishõ bako beretʼa.”

Amos 9:1

Probhu Isor do pinḍ aṛere teṅgo akaniń ńelkedea. Uniye metadińa, “Khunṭi chatnako kuṭạmme jemon duạr saṅgako daldalaokʼte sanam hoṛkoakʼ bohokʼ cetanre rạputʼ ńurokʼ. Okoe jiwetʼko tahen onko do tarwaṛeteń gocʼkoa. Onko do celege bako ńir phoṛokʼa ar celege bako dạṛ paskaokʼa.

Mikạ 1:5

Jakobakʼ kại lạgitʼ, metakʼme Israel bõsrenkoakʼ behok lạgitʼge noako do hoyokʼa. Jakobakʼ ghạṭ reakʼ dusi doe okoekana? Samariạ do cetʼ baṅa Jihudạwakʼ than boṭkocʼko lạgitʼ dusi doe okoekana? Jerusalem do cetʼ baṅa?