Amos 7:4 - সান্তালী বাইবেল

⁴ Ona tayom Probhu Isor do ar mitʼṭecʼ dorsone udukʼạdińa. Probhu Isor do sạjại emokʼ lạgitʼ seṅgele hohowadea. Ar ona seṅgel do jalapuriye jomkeda ar ot hõ jojome ehopʼena.

Amos 7:4 Iomraidhean Croise

Jesaea 27:4

Ona upạrte ińakʼ edre do bạnukʼtińạ. Aha, jạnum ar rạṅgạini upạrte lạṛhại tahentiń khan! Onako upạrte jhãpiń emkea ar seṅgelreń atar giḍikea.

Jirimiạ 21:12

‘E Dạud bõsrenko, Iń Probhu Isorgeń meneda, ape do din hilokʼ setakʼ jokhecʼ hok reakʼ bicạrtakope. Luṭ ocoakanicʼ do uniren sasantaoicʼ khonpe rukhiyạyea; ar baṅkhan apeakʼ bạṛicʼ kạmiko khạṭirte ińakʼ edre do seṅgel leka oḍokokʼte jolokʼa, ona do okoehõ bako ĩṛĩcʼ daṛeakʼa.

Jirimiạ 4:4

E Jihudạ ar Jerusalemren hoṛko, Probhu Isorakʼ bataotae lạgitʼ apnartetʼ khatnakʼpe, metakʼme apeakʼ ontor reakʼ ghạṭko ocokʼ giḍikakʼpe; ar baṅ khan apeakʼ bạṛicʼ kạmi iạte ińakʼ edre do seṅgel leka salgaokʼa, ar ona do okoehõ bako ĩṛĩcʼ daṛeakʼa.

Jeheskel 21:3

Unim metaea, Probhu Isore meneda, ‘iń do am upạrte minạńa. Iń do khap khon ińakʼ tarwaṛeń oḍoka ar am tala khon dhorom hoṛ ar bedhorom hoṛ jotogeń gocʼkoa.

Joel 1:19

E Probhu Isor, iń do amgeń hohoam kana, ente ạtiń ṭạnḍiko do seṅgele jomakada ar seṅgel reakʼ lepʼ do ṭạnḍi reakʼ sanam darekoe lo roṅgo akada.

Joel 2:30

Iń do serma ar otre hahaṛawakʼ ghoṭnakoń uduga, metakʼme mãyãm, seṅgel ar ḍher dhũạgeń uduga.

Levitikus 10:2

Onate Probhu Isor ṭhen khon seṅgel oḍok hecʼente unkine atarketʼkinạ, ar unkin do Probhu Isor samaṅrekin gocʼena.

Amos 1:4

Ona iạte iń do Hasael reakʼ raj oṛakʼ cetanre seṅgeliń kola; ona do Benhadadakʼ gaṛkoe joma.

Amos 1:7

Ona iạte iń do Gasa reakʼ pạcri bhit upạrte seṅgeliń kola; ona do uniyakʼ gaṛkoe jomtaea.

Amos 2:5

Ar onatege iń do Jihudạ cetanre seṅgeliń kola; ona do Jerusalem reakʼ gaṛkoe joma.”

Amos 4:11

Ińge aperen Isor do cetʼleka Sodom ar Gomorań maraoletʼ onkage aperen ḍherkogeń maraoketʼkoa. Ape do seṅgel khon halaṅ rakapʼ akatʼ jolokʼkan ṭhuṭkutʼ leka kanape, enhõ ape do iń ṭhen bape ruạṛ hecʼlena.

Amos 5:6

Probhu Isor ṭhen calakʼpe enḍekhanpe bańcaokʼa; ar baṅkhan uni do seṅgel leka Josephren, metakʼme Israelren hoṛko talareye jol rakabokʼa. Ar seṅgel do onae joma ar Bethelren okoehõ ona do bako ĩṛĩcʼ daṛeakʼa.

Amos 7:1

Probhu Isor do noa dorsone ńel ocokedińạ: Dosarakʼ phosol jokhecʼ rajakʼ bhag reakʼ ghãs irketʼ tayom tinre ghãs do arhõ omon rakabokʼkan tahẽkana unre Probhu Isor do jhãke jhãk pohokoe ṭhik dohoketʼkoa.

Amos 7:7

Ona tayom Probhu Isor do ar mitʼṭecʼ dorsone ńel ocokedińa. Uni do sạhul baber hataokate sạhul baber jokhate benaoakʼ mitʼṭecʼ bhit aṛereye teṅgo akan tahẽkana.

Mikạ 1:4

Mom cetʼleka seṅgelre le cabakʼ, dharsãṛ ṭhạ̃ite cetʼleka dakʼ ạtukʼ pheḍokʼ onkage uniyakʼ jaṅga latar reakʼ buru-ḍuṅgriko do le cabakʼa, ar buru nalako do paṛagokʼa.

Nạhum 1:6

Uniyakʼ raṅgao samaṅre do okoeye ṭikạu tahẽdaṛekokʼa? Ar uniyakʼ botoranakʼ edre do okoeye sahao daṛeketaea? Uniyakʼ edre do seṅgel leka jolokʼkana; ar uni samaṅre lạṭu lạṭu dhiriko do gejerokʼ kana.

Numeri 16:35

Ar barsae mõṛẽgel hoṛ okoe do dhupko samaṅetʼ tahẽkan onko do Probhu ṭhen khon seṅgel oḍokente sanamkoe atar cabaketʼkoa.

Dosar Biboron 32:22

Ińakʼ edre do seṅgel leka salgao akana; ona seṅgel do khạndri Seol hạbicʼ jolokʼkana. Ona seṅgel do dhạrti ar ona reakʼ sanamakʼ phosolkoe joma ar buruko reakʼ rehetʼko hõe jeretʼakʼa.

Ibriko 1:7

Serma goḍetko reaṅ doe meneda, “Uni do hoe hõ acʼren goḍete hoyoco edekana; ar jolokʼkan seṅgel do acʼren golamge.”

Johan sodor 4:1

Noa tayom iń do serma reakʼ mitʼṭecʼ duạr jhicʼ akatʼiń ńelkeda. Ar siṅgạ reakʼ saḍe leka okoeyakʼ aṛaṅ coń ańjomkeda uni doe metadińạ, “Am do nonḍe rakapʼ hijukʼme. Ar noako tayom oka hoyokʼ lạgidokʼkan onań udukʼama.”