Amos 7:3 - সান্তালী বাইবেল

³ Unre Probhu Isor do mone ạcurketʼteye menkeda, “Onka do ar baṅ hoyokʼa.”

Amos 7:3 Iomraidhean Croise

1 Bõsbudạ 21:15

Jerusalem nagraha ḍahao marao lạgitʼ Isor do mitʼṭen goḍete kolkedea. Menkhan uni goḍet do tinre ona kạmi lạgitʼe calakʼkan tahẽkana unre Probhu Isor do ona bebạṛicʼ sạjại khon mone ạcurketʼtaea. Uni do ḍahao maraoicʼ goḍete metadea, “Tahẽ ocoakʼme, ḍherge hoyakana, ńitokʼ do ti or ruạṛ tam.” Probhu Isorren goḍet do unre Jebusiạ Arownakʼ khạrại ṭhene teṅgo akan tahẽkana.

Sereńko 106:45

Onko lạgitʼ acʼe dohoakatʼ bondobos reakʼ kathae disạkeda; ar acʼakʼ asambheṛ dulạṛ lekate onkoreye mãyãyena.

Sereńko 78:38

Enhõ uni do mãyãteye perecʼgete onkoakʼ bedhoromakʼkoe ikạketʼtakoa, onko do bae marao giḍiletʼkoa; acʼakʼ edre do ghane ghạṛicʼe dobnaoketʼtaea, uniyakʼ edre do baṅ sarsao rakapʼlena.

Sereńko 90:13

E Probhu Isor, ar tinạkʼ din? Ma ruạṛokʼme, amren golamkore mãyãkʼme.

Exodus 32:14

Niạ katha ańjomkate Probhu Isor do daya hecʼadea. Uniren hoṛko cetanre oka muhin ạgui reakʼ kathae menletʼ ona do ar bae ạguleda.

Jirimiạ 26:19

Jihudạren raj Hiskiạ se Jihudạren eṭakʼ jãhãe do cetʼ Mikại gocʼledea? Hiskiạ do cetʼ Probhu Isor bae botorae kan tahẽkana ar uniyakʼ daya do cetʼ bae khojletʼa? Onate Probhu Isor do hoṛko cetanre oka muhin paṛao ocoy reakʼ kathae roṛletʼ ona do ar bae kolleda. Menkhan abo do apnarte mitʼṭecʼ maraṅ botor bon ạgujoṅkana. ”

Jirimiạ 42:10

‘disạmrepe tahẽlen khan doń benao rakapʼ pea, ar bạń rạputʼ giḍipea; iń doń rohoepea, ar bạń totʼ giḍikapea, ente ape cetanre oka muhiniń ạguakatʼ ona iạte iń do monre dukiń ńamakada.

Hosea 11:8

“E Ephrayim, am do cekateń bạgimea? E Israel, cekate am do eṭakʼ hoṛakʼ tireń jimạmea? Cekate iń do Adma ar Seboyim lekań marao utạrmea? Am lạgitʼ ińakʼ ontor do ahkaokʼkantińa; ińakʼ daya do amre rakabokʼkana.

Joel 2:13

Apeakʼ kicricʼ do baṅ menkhan ontor oṛejtape. Aperen Probhu Isor ṭhen ruạṛ hijukʼpe, ente uni do daya ar mãyãteye perecʼgea; uni do bae edre hodokʼa, uniyakʼ daya do asambheṛgetaea ar bạṛicʼakʼko iạteye kastaokʼkana.

Joel 2:14

Okoeye baḍaea, hoedaṛeakʼa uni do arhõ mone ạcur ruạṛtaea ar bhore em oṭokakʼa, jemon aperen Probhu Isor ńutumte jomakʼ samaṅokʼakʼ ar coḍor porobpe porob daṛeakʼ.

Amos 5:15

Bạṛicʼakʼ hirkhạwakʼpe, ar bhageakʼ dulạṛpe; nagraha reakʼ phaṭok duạrkore hok reakʼ bicạr rukhiyạitape. Israelren sarecʼ jiwetʼ tahen hoṛko cetanre sanam daṛeante perecʼ Probhu Isor doe daya botecʼkokʼge coṅ cetʼ coṅ.

Amos 7:6

Unre Probhu Isor do ona ńutumte kastaoenteye menkeda, “Onka do ar baṅ hoyokʼa.”

Jona 3:10

Ar Isor do onkoakʼ kạmikoe ńelketʼtakoa, cetʼleka onko do akoakʼ bạṛicʼ hor khonko ạcurena, ar Isor do ona bạṛicʼ ńutumteye kastaoena one oka onko cetanre kạmi lạgitʼe roṛletʼ ona do ar bae onkaleda.

Dosar Biboron 32:36

Probhu Isor tinreye ńela, acʼren hoṛkoakʼ daṛe do caba akana, guti se sạdhin okoeyakʼ daṛege bạnukʼa, unre uni doe acʼren hoṛko sejokʼa, ar acʼren gutiko cetanreye mãyãkʼa.

Jakob 5:16

Onate ape apere kạiko aṅgocpe ar ape ape lạgitʼ koejoṅpe, jemonpe bogekʼ. Isorakʼ sana leka okoeye calakʼkan uni do koejoṅ reakʼ daṛe menakʼtaete onae hoeocoya.