Amos 4:8 - সান্তালী বাইবেল

⁸ Dakʼ lạgitʼ ape do ḍhoya ḍhape mitʼ ato khon eṭakʼ atope senlena menkhan tirpitokʼ leka dakʼ do bape ńamleda; enhõ ape do iń ṭhen bape ruạṛ hecʼlena.

Amos 4:8 Iomraidhean Croise

1 Rapajko 18:5

Obediại hecʼen khan Ahab do uniye metadea, “Am do disạm reakʼ sanam dakʼ jharna ar soḍokʼko ṭhen calakʼme. Hoedaṛeakʼa sadomko ar khaccorkoakʼ jiwi bańcaotako lạgitʼ thoṛa ghãskom ńam botecʼke. Onate aboren janwarko do gocʼ giḍikako baṅ lagao abona.”

Jesaea 9:12

Aramrenko do purub secʼ khon ar Philisṭiko do pạchim secʼ khon moca cahapʼkateko utʼ gotʼkaea. Niạko hoylenre hõ uniyakʼ edre do baṅ thirokʼtaea. Ńit hõ uniyakʼ ti do tul akaege menakʼtaea.

Jirimiạ 23:14

Ona chaḍa Jerusalemren nạbiko talare do noa botoranakʼ jinisgeń ńelakada, onko do laṭghaṭ ar eṛeyakʼre jionko khemaokana. Onko do sasantaokoakʼ tiko keṭecʼetʼtakoa jemon dusṭạmi khon okoe hõ aloko ruạṛ daṛeakʼ. Onko sanamkoge iń ṭhen do Sodom ar Gomoraren hoṛ lekako hoyakana.

Jirimiạ 3:3

Ona iạte achaṛ dakʼko akoṭokʼ kana ar niron din reakʼ dakʼ hõ baṅ hijukʼkana. Am do kusumbi ạimại lekagem ńelokʼkana; ar lajao hõ bam lajaokʼ kana.

Jirimiạ 3:7

Iń doń hudisetʼ tahẽkana niạko tayom do iń ṭhene ruạṛ hijukʼa, menkhan bae ruạṛ hecʼlena ar uniren bepạtiạricʼ misera Jihudạ hõ onae ńelkeda.

Jirimiạ 5:3

E Probhu Isor, am do cetʼ sạriyakʼ bam beṅgetʼakʼ kana? Onkom hạ̃nletʼkore onko do cetʼ baṅ hasoletʼkoa; ar onkom sumạrletʼkore hõ onko do bako sudhrạulena. Onkoakʼ mẽtʼãhã do dhiri khon hõ bạ̃ṛtiko keṭecʼketʼtakote kastaokʼ hõ bako aṅgocleda.

Hosea 11:5

Israelko mon ạcur bako rebenlente Misorte do bako ruạṛ calakʼa, bickom Ạsurrenko do onko cetanreko rajokʼa.

Hosea 7:10

Israelakʼ bạḍại do uni upạrte gohae emetʼkana, menkhan noako hoykate hõ uni do acʼren Probhu Isor ṭhen bae ruạṛ hijukʼkana.

Amos 4:6

“Iń do arhõń menetʼkana, mimitʼ nagrahare reṅgecʼteń dohoketʼpea ar mimitʼ atorenko do piṭhạ reakʼ ṭonṭateń dohoketʼkoa; enhõ ape do iń ṭhen bape ruạṛlena.

Mikạ 6:14

Ape dope jomgea menkhan bape bikʼa; lacʼre reṅgecʼ do tahengetapea. Apeakʼ jinisko mitʼ ṭhạ̃i khon eṭakʼ ṭhạ̃itepe idiygea menkhan cetʼge bape rukhiyạ daṛeakʼa, ar thoṛape rukhiyạ daṛeakʼ khan hõ ona do lạṛhạiteń marao giḍikatapea.

Hagae 1:6

Ape do ḍhergepe eretʼkana, menkhan thoṛagepe ireda. Jom dope jometʼgea, menkhan bape bikʼ kana. Darkha rasape ńũiyetʼkangea, menkhan ḍher do bape ńameda. Kicricʼpe horokʼetʼgea, menkhan bape lolokʼ kana. Ar beton ńamkate do bhugạkʼ thạilạkʼrepe dohoyetʼkana.

Hagae 2:17

Apeakʼ tite upcạuakʼ phosol do copate, jhãorate ar arelteń ńẽtʼletʼtapea menkhan enhõ iń secʼ do bape ruạṛlena.