Amos 4:1 - সান্তালী বাইবেল

¹ E Samariạ buru cetan reakʼ Basonren mãṛ bitkilko, ańjompe baṛe. Ape do reṅgecʼ hoṛpe santaoetʼkoa ar nandanko dope lebetʼ jạuetʼkoa ar aperen jãwãe dope metakokana, “Bubulakʼ ạgualepe.”

Amos 4:1 Iomraidhean Croise

1 Rapajko 16:24

Uni do eaegel irạl keji rupạte Semer ṭhen khon Samariạ buruye kirińkeda ar buru coṭre mitʼṭecʼ nagrahae benaokeda ar bururen lahaten mạlik Semerakʼ ńutum lekage nagraha reakʼ ńutume dohokeda.

Jobakʼ 20:19

ente uni do nandankoe santaoletʼkoa are bạgiyatʼko tahẽkana, ar okaṭakʼ oṛakʼ-duạr acʼte bae benao akatʼ onae recʼ akawana.

Jobakʼ 24:4

Reṅgecʼ orecʼko do hor khonko laga ńiretʼkoa; onko iạte disạmren sanam reṅgecʼko doko okokokʼkana.

Sereńko 12:5

Probhu Isore meneda, “Nacarkoakʼ ujạṛokʼ ar reṅgecʼ orecʼkoakʼ rakʼjoṅte iń do ńitgeń beredokʼa, ar bańcao tahen lạgitʼ okoeyakʼ ontorre monejoṅakʼ menakʼ onko doń bańcao dohokoa.”

Sereńko 140:12

Ińiń baḍaea Probhu Isor do dukokʼko secʼ menaea ar nacarkoakʼ do hok reakʼe bicạra.

Sereńko 22:12

Iń beṛhaete sanḍ ḍaṅgra menakʼkoa; onko do Bashan disạmren daṛean bayarko lekako esetʼ ạcur akadińạ.

Kạhtukko 22:7

Kisạ̃ṛ hoṛ do nacarko cetanre mạlikiye calaoeda, ar rin jom hoṛ do emokʼicʼren golame hoyokʼa.

Sosolhayic̕ 4:1

Siń cando latarre oka santaoko hoyokʼkan ona secʼ mitʼ dhao beṅgetʼkateń ńelkeda santao ocokʼko doko rakʼeda, menkhan onko jiwi raṛecʼ emako lạgitʼ do celege bạnukʼkoa. Sasantaoko ṭhen do ektiạri menakʼa, menkhan santao ocokʼko jiwi raṛecʼ emako lạgitʼ do celege bạnukʼkoa.

Sosolhayic̕ 5:8

Amakʼ elakaren jãhãe reṅgecʼ hoṛ santao ocokʼem ńellere se jãhãe hoṛakʼ hok reakʼ bicạr ar hok reakʼ ạidạri bae ńametʼkanem ńellere alom botorokʼa, ente mitʼ kạmiạyicʼ cetanre maraṅ ar mitʼ kạmiạyicʼ menaea ar unkin banahoṛ cetanre arhõ maraṅ kạmiạyicʼ menaea.

Jesaea 28:1

Hae, Ephrayimren bul hoṛkoakʼ mukuṭ lekan nagraha, one oka iạte onko doko bạḍạiyetʼ tahẽkan! Hae, ona Ephrayim reakʼ bạḍạite perecʼ ṭhonok reakʼ mosotʼ akan mala, one oka do buru-nala otet reakʼ muthnire menakʼakʼ! Ona buru-nalaren hoṛko do darkha rasateko ńũ oborakana.

Jesaea 5:8

Hae ape do, one okoe do oṛakʼ sãote oṛakʼ ar khet sãote khetpe toṅge idiyetʼkan; sesre eṭakʼko lạgitʼ jãhãn ṭhạ̃ige baṅ tahena, ar ape eskarge disạmrepe girobasokʼa.

Jesaea 56:12

Onkoko meneda, “Dela hijukʼpe, darkha rasa bo ạgujoṅa; dela, bubulakʼkote bon ńũ turedokʼa. Teheń khon gapa do arhõ mońj hoyokʼa.”

Jesaea 58:6

“Iń do nonkan upạsgeń khojkana; ape do apeakʼ bedhorom reakʼ sikṛi ar arãṛ reakʼ baber raṛaetape, jorjulumko chaḍaokope ar mitʼke mitʼ arãṛ rạputʼ giḍikakʼpe,

Jirimiạ 50:11

“E Babelrenko, ape do ińakʼ ạidạripe luṭ akawana ar onatepe rạskạkʼ kana, arpe kusikʼ kana. Ape do phosol enokʼkan mĩhũ lekape don baṛaekana ar khacaṛ sadom lekape hinhạukʼ kana;

Jirimiạ 50:27

Uniren sanam ḍaṅgrako gocʼkope; onko do gocʼko lạgitʼko idi ocokʼma. Hae, onko do sạjạiyokʼ reakʼ dinge paṛao akatʼkoa.”

Jirimiạ 51:34

Jerusalemren hoṛko meneda, “Babelren raj Nebukadnesar do aboe utʼ akatʼbona, abo doe chaka chun akatʼbona, ar eken kanḍa lekae hoyocoakatʼ bona. Danob leka uni doe utʼ akatʼbona ar aboakʼ bhage bhage jomakʼ do lacʼ bicʼe jomakada, ar tayomte do haḍapʼ siṭhạ akatʼ jaṅ lekae giḍi sạṅgiń akatʼ bona.”

Jirimiạ 6:6

Phạdkoren Probhu Isor do noa kathae meneda, “Dareko makʼ bhindạṛpe ar Jerusalem upạrte ghekʼrao pinḍhạ benaope. Niạ nagraha do sạjạite hõ sạjạiyokʼgea; ona do jor-julumte perecʼ akana.

Jirimiạ 7:6

ar bidisiạko, ṭũạr amarko se rạnḍiko bape santaoko ar niạ disạmre miridoskoakʼ mãyãm bape joro ocoy ar eṭakʼ debotako bape pańjako,

Jeheskel 18:12

uni do reṅgecʼ ar laṅgaṭkoe santaoetʼko are kombṛoyetʼkan ar bondhok jinisko bae ruạṛkatako kan, uni do boṅgakoe sewawakokante hirkhạwakʼe kạmikan;

Jeheskel 22:12

Am talare mãyãm joro ocoy lạgitʼ hoṛko do ghusko hataoeda; ona chaḍa am hõ ḍher sudkom hataoeda ar jor julumkate aḍepaseren hoṛkom recʼetʼkoa. Ar iń dom hiṛiń akadińạ. Iń Probhu Isorge noa katha doń meneda.

Jeheskel 22:27

Hunḍạr cetʼleka sikạrko sapʼko onkage onḍenko rajkạmiyạko do mãyãmko joro ocoyeda ar behok lekate lab iạte manwako khũnetʼkoa.

Jeheskel 22:29

Disạmren hoṛ doko jor jukʼlum kana arko rerecʼkana; reṅgecʼ orecʼko cetanreko behoketʼ kana ar dhorom bicạr baṅkate bidisiạko cetanreko sasantao kana.

Jeheskel 22:7

Am talarege hoṛko do eṅga-apako nihạ̃tetʼkoa, bidisiạkoko santaoetʼkoa ar ṭũạr amar ar rạnḍi maejiuko tulucʼ hõko jor julumeda.

Jeheskel 34:16

Ar okoeko atʼakan onkoń sendra ạgukoa ar okoe do eṭakʼ hor secʼko ghańjeṛ akan onko doń ruạṛ ạgukoa. Ar hạn akanko do ghaokoń bedhaokatakoa ar nijorko do jorankoń hoyocokoa, menkhan lodgopʼ ar daṛeanko doń marao giḍikoa, ente iń do dhorom reakʼ bicạr talate ińren palrenkoń ńel jutkoa.

Jeheskel 39:18

Ape do daṛean hoṛkoakʼ jelpe joma ar dhạrtiren disạm cakʼlaokoakʼ mãyãmpe ńũiya; noko hoṛko do Bason disạmren moṭa soṭa bheḍa, bheḍa hopon, merom boda ar ḍaṅgra leka kanako.

Joel 3:3

Onko do ińren hoṛko hạṭińko reakʼko gulibãṭleda ar kusumbi ńamko lạgitʼ Israelren hoponkoko ạkhrińletʼkoa; ar darkha rasa lạgitʼ hõ Israelren hoponerako ạkhrińletʼkoa jemon darkha rasako ńũ daṛeakʼ.

Amos 3:1

E Israelren hoṛko, ape upạrte, metakʼme Probhu Isor okoe do Misor disạm khone oḍok ạgu akatʼko onko jạtren sanamko upạrte uni okae menakatʼ ona ańjompe:

Amos 3:3

Laha khon jãhãe bạkin ṭhik dohole khan cetʼ mitʼ sãotekin calao daṛekokʼa?

Amos 5:11

Ape do reṅgecʼ hoṛpe santaoetʼkoa ar jor julumkate onko ṭhen khon guhumpe ạdạiyetʼkana. Ape do dhiri reakʼ maraṅ maraṅ oṛakʼkope benaojoṅ kangea menkhan onare do bape girobas daṛeakʼa. Ape do mońj darkha bagwanpe benao joṅkangea enhõ ona reakʼ darkha rasa do bape ńũ ńama.

Amos 6:1

Hae ape do! Ape do Sionre nicindpe tahenkana ar Samariạ buru do khạtirjomape hudisetʼkana. Ape do sanam khon maraṅ jạt Israelren namḍak hoṛ kanape ar ape ṭhenge Israelren hoṛ doko hijukʼkana.

Amos 6:6

Ape do bạṭi perecʼ darkha rasape ńũiyeda ar joto khon bhage so sunumpe ojokʼeda, menkhan Josephren, metakʼme Israelakʼ maraokʼ iạte do bape dukokʼ kana.

Malaki 3:5

Phạdkoren Probhu Isore meneda, “Unre bicạrme lạgitʼ iń do am ṭheniń hijukʼa; ar unre jạdu udukʼko, kusumbiko, eṛe goha emokʼko ar okoe do din ṭakʼlaokoe ṭhokayetʼko, okoe do rạnḍi maejiu ar ṭũạr amarkoe santaoetʼko ar bidisiạko hok reakʼ bae bicạretʼtako kan, metakʼme okoe iń bako botorạń onko sanamko upạrte goha emokʼ do bạń biloma.

Numeri 21:33

Ona tayom onko doko ạcurente Bason disạm reakʼ ḍaharteko laha idiyena. Unre Basonren raj Og ar uniren lạṛhại phạdko oḍok hecʼente onko sãote lạṛhại lạgitʼ Edrei nagrahareko seṭerena.

Dosar Biboron 24:14

“Paona babotre reṅgecʼ orecʼ ar din mạjuriko cetanre alope behoka baṅ doe aperen Israel boehakan ar baṅ doe apeakʼ disạmren upriạ hoṛkan.

Dosar Biboron 28:33

Bin oprom jạtren hoṛko do apeakʼ jumi reakʼ phosol ar apeakʼ khaṭaoakʼ reakʼ kuṛạiko joma ar ape do jiwetʼ jonompe santao ocokʼa.