Amos 3:2 - সান্তালী বাইবেল

² “Dhạrtiren sanam jạtrenko tala khon iń do eken apegeń bachao akatʼpea; ar onate apeakʼ sanam kại iạte apegeń sạjạipea.”

Amos 3:2 Iomraidhean Croise

Genesis 10:32

Nokoge bõs ar jạtrenko lekate Noharen hoponkoren eṭakʼ eṭakʼ gharońjrenko tahẽkana. Ar ḍubạ dakʼ tayom noko bõskoren hoṛge goṭa dhạrtiko pasnao idiyena.

Genesis 18:19

Iń Probhu Isor do noa lạgitʼge uniń bachao akadea jemon acʼren hoponko ar oṛakʼren eṭakʼ sanamko dhorom ar ińakʼ sanaleka calakʼ reakʼ solhae emako. Ar onko do uniyakʼko ańjomtaete onka lekako calakʼ, enḍekhan iń Probhu Isor do Abraham reaṅ okań menakatʼ onageń onkaea.”

Sereńko 147:19

Uni do Jakob ṭhen acʼakʼ kathae sodor akada, ar Israelko ṭhen hõ acʼakʼ ạn ạrikoe doho akada.

Exodus 32:34

Ańjomme, iń okaṭakʼ jaega reakʼ kathań roṛakatʼ ńitokʼ am do senkate hoṛko onḍe idikom. Ińren goḍet do hore udukʼ idiapea. Ar tinre sạjại reakʼ okte hijukʼa unre onkoń sạjạikoa.”

Jesaea 63:19

Okoe cetanre tishõ mạliki bam calao akatʼ, okoe tishõ amakʼ ńutumte bako hoho ocoakan, ńitokʼ ale do onko somanle hoyakana.

Jirimiạ 1:15

Iń do utạr reakʼ rajosṭiren sanam jạtrenkoń hohoako kana.” Ar rapajko do hecʼkate Jerusalem reakʼ phaṭok duạrko reakʼ bolokʼ horre akoakʼ siṅghạsonko bạisạua. Ar onko do ona beṛhaeteakʼ pạcri ar Jihudạ reakʼ sanam nagrahako esetʼ ạcura.

Jirimiạ 10:25

Okoe jạtrenko bako aṅgocme, ar okoe bako hohowam, onko cetanre amakʼ edre baṛe dulme. Onko do Jakobko jom akadea, ar uniyakʼ disạmko marao giḍiakada,

Jirimiạ 11:22

Iń phạdkoren Probhu Isorgeń meneda, iń do onkoń sạjạikoa. Onkoren juạnko do lạṛhạire ar onkoren gidrạko do akalteko gujukʼa.

Jirimiạ 13:21

Okoeko rapaj sãotem gatelen Probhu Isor do am cetare onko tinreye dohokoa unre am do cetʼem menkea? Bedonokʼ jokhecʼ maejiu cetʼ leka haso rakapʼae onkage amhõ cetʼ baṅ hasomea?

Jirimiạ 14:10

Probhu Isor do noko hoṛko reaṅgeye meneda, “Onko do ạcur baṛaeko kusiyakʼ kana; onko do jaṅga bako jirạuetʼtakoa. Onate iń do bạń ataṅetʼkoa; ar ńitokʼ do onkoakʼ dusṭạmi reaṅ iń disạ ruạṛa ar kại reakʼ sạjạiyiń emakoa.”

Jirimiạ 9:25

Probhu Isore meneda, “Nonkan dinko hijukʼkana tinre iń do Misorre, Jihudạre, Edomre, Amonre, Moabre ar hahaṅkarreko girobasokʼ kan, okoe do bohokʼ banarsa aṛe reakʼ upʼko kaṭopʼetʼtako onko sanamkogeń sạjạikoa. Onko do eken hoṛmo motoko khatna akana, ontor do baṅa; Israelko hõ ontor do bako khatna akana.”

Jeheskel 5:9

Amren hirkhạwan sanam boṅgako iạte am cetanre okań cekae ona do tishõ bạń onka akada ar tishõ bạń onkaea.

Jeheskel 9:6

Haṛamko, juạnko, juạniko, maejiuko, ar kạṭicʼ gidrạko jotope gocʼkoa, menkhan okoekoakʼ moloṅre cinhạ menakʼ onko do alope joṭetʼkoa. Mundil khonge ona do ehobpe.” Onate onko do mundil samaṅre okoe murubbiko tahẽkan onko hoteteko ehopʼkeda.

Daniel 9:12

Ale ar aleren disạm cakʼlaoko upạrte okaṭakʼ katham roṛakatʼ ona purạu lạgitʼ am do ale cetanre maraṅ muskilem ạguakada. Jerusalem cetanre oka hoyakan onka do dhạrti reakʼ ar okare hõ baṅ hoyakana.

Hosea 2:13

Tinạkʼ din Bakʼal debota ńutumte dhupkoe jered ar mundạm ar abhrankote sajkate acʼren dulạṛiạkoe pańjako ar ińe hiṛińiń unạkʼ dinge uniń sạjạiyea. Iń Probhu Isorge noa katha doń meneda.

Hosea 5:3

Ephrayim reaṅ do jotogeń baḍaea; ar iń khon Israel do danaṅre bạnuiya. Ephrayim do ńitokʼe laṭghaṭetʼ kana; ar Israel doe bhonḍ akana.

Hosea 8:13

Iń ńutumte janwar samaṅkate onko do ona reakʼ jelko jojomkana menkhan iń Probhu Isor do onkore kusi bạnuńa. Ńitokʼ iń do onkoakʼ dusṭạmi reakʼ kathań disạite kại reakʼ sạjạiyiń emakoa; ar onko do Misorteko ruạṛ calakʼa.

Hosea 9:9

Gibea reakʼ dinkore okaleka tahẽkan onkage Israelko do bedhoromreko unum akana. Isor do onkoakʼ dusṭạmi reakʼ kathae disạitakoa ar onkoakʼ kại iạteye sạjạikoa.

Amos 2:4

Probhu Isore meneda, “Jihudạ reakʼ pea ghạṭ iạte, hẽ, ponea ghạṭ iạte iń do khạṭige uniń sạjạiyea, ente uniren hoṛko do Probhu Isorakʼ ạn-ạriko bebatao akada, ar uniyakʼ niạmko bako dohoakada. Onkoren hapṛamko okoe do eṛe debotako pańjaletʼko onkage onko hõ bạṛicʼ horteko senakana.

Amos 3:3

Laha khon jãhãe bạkin ṭhik dohole khan cetʼ mitʼ sãotekin calao daṛekokʼa?

Amos 6:1

Hae ape do! Ape do Sionre nicindpe tahenkana ar Samariạ buru do khạtirjomape hudisetʼkana. Ape do sanam khon maraṅ jạt Israelren namḍak hoṛ kanape ar ape ṭhenge Israelren hoṛ doko hijukʼkana.

Mikạ 2:3

Ona iạte Probhu Isore meneda, “Ape upạrte iń do bin bhạlạiyakʼ iń goṭa akada one ona khon apnarte ohope rukhiyạ daṛelen, ente okte do muhin reakʼge hoyokʼa.

Nạhum 3:4

Noako do uni kusmbiyakʼ aema utạr loṭghuṭi iạte hoyokʼkana; uni doe cemkecʼgea are bukʼlạuicʼ era kana. Uni do acʼakʼ loṭghuṭi iạte jạt jạtrenkoe ạkhrińetʼkoa; ar disạm disạmrenko do acʼakʼ muhnite.

Aposkạmi 17:26

Uni do mitʼṭen manwa khon sanam jạtren hoṛkoe sirjạu akatʼkoa jemon goṭa dhạrtireko girobasokʼ. Onko do tinre okakoreko girobasokʼa ona hõ acʼakʼ sana lekae goṭa dohoakada.

Romiko lạgitʼ Pạul Apostolakʼ ciṭhi 2:9

Okoe bạṛicʼakʼko kạmikan onko mimitʼko do duk saset ar santaoko ńama. Pạhilre Jihudiko, ar ona tayom do boṅgan hoṛ jạtrenko.

1 Korinthiko 8:3

Menkhan okoe Isore dulạṛede kan, Isor do eken unigeye baḍaeyede kana.

Dosar Biboron 10:15

Enhõ uni do aperen hapṛamkoe bạsutatʼkote apeye dulạṛketʼpea. Uni do sanam jạtrenko tala khon onkoren bõsko, metakʼme apeye dulạṛketʼpea ar teheń hõ uniren bachao akan jạtrenkoge menakʼpea.

Dosar Biboron 26:18

Probhu Isor hõ teheńgeye lại sodoretʼkana, acʼakʼ gokʼakʼ lekate ape do uniren kanape. Onate uniyakʼ hukum leka senokʼ hoyokʼtapea.

Dosar Biboron 32:9

Probhu Isorakʼ bakhra do acʼren hoṛkoge; ar Jakob doe Israel jạtena acʼakʼ ạidạri bakhra.

Dosar Biboron 4:32

“Isor do dhạrtire manwa sirjạukede tayom khon ar apeko bidạl reakʼ laha dinko khon khoj hataokate ńelpe; serma reakʼ mitʼ mucạtʼ khon eṭakʼ mucạtʼ hạbicʼ kulijoṅpe, okako hoyakan ona lekan maraṅ ar jãhãnakʼko hoyakana se baṅa, se ona lekan jãhãnakʼ ańjom akana se baṅa,

Dosar Biboron 7:6

Ente ape do nonkan mitʼṭen jạtrenko kanape aperen Isor ńutumtepe begar doho ocoakana. Ape do jemon Probhu Isorren hoṛ ar uniren sompottipe hoyokʼtae onate dhạrtiren sanam jạtrenko tala khone bachao akatʼpea.

1 Patras 4:17

Bicạr reakʼ okte do hoyakana ar ona do Isorakʼ gharońjren hoṛko khonge ehobokʼa. Ar ona bicạr do abo khonge ehopʼlen khan, enḍekhan okoe Isorakʼ bhage sombat bako manao akatʼ onko do cetʼ dosa hoyokʼtakoa?