Amos 1:2 - সান্তালী বাইবেল

² Amose menkeda, “Probhu Isor do Sion khone hạnḍrạukʼkana ar Jerusalem khon do acʼakʼ ãṭ aṛaṅe ańjom ocoyeda. Onate gukʼpikoakʼ ạtiń ṭạnḍiko do ṭonḍaṅokʼ kana ar Karmel buru muthni reakʼ dareko do gujukʼkana.”

Amos 1:2 Iomraidhean Croise

Sereńko 29:4

Probhu Isorakʼ aṛaṅ do daṛete perecʼgea, ar ṭhonokte hõ purungea.

Sereńko 46:6

Porjạtrenko doko kạumạueda, ar rajosṭiko do rạputʼena; Uni doe aṛaṅkeda, ar dhạrti do leyena.

Kạhtukko 20:2

Rajakʼ raṅgao do dhạcri kulakʼ gondrao leka; uni okoeye raṅgao ocoye uni do acʼakʼ jiwi muskilreye paṛao ocoytaea.

Jesaea 33:9

Disạm do hińjrạukʼ kana ar loraokʼ kana, Lebanon doe lajao ocokʼkana ar tolmojokʼ kana, Saron do hahaṅkar leka hoyakana ar Basan ar Karmel reakʼ dare sakamko do ńur caba akana.

Jesaea 42:13

Mitʼṭen birbão hoṛ leka Probhu Isor doe oḍok hijukʼa; uni do lạṛhại bir leka acʼakʼ tạpise uskurtaea; uni do lạṛhại lạgitʼ ãṭ aṛaṅteye hohoea ar bạiriko cetanreye jitạukʼa.

Jirimiạ 12:4

Disạm do tinạkʼ dine homor halaṅa ar ṭạnḍi reakʼ ghãs hõ tinạkʼ din tolmocʼ akae tahena? Okoe onḍeko girobasokʼ kan onkoko bạṛicʼgete janwar ar cẽṛẽko hõko marao akana. Onko hoṛko meneda, “Abo cetʼ bon cekayetʼ do bae ńeńelkana.”

Jirimiạ 14:2

“Jihudạ doe homor halaṅeda, ente uniyakʼ nagrahako do nijor akantaea; onḍenko hoṛ do otre duṛupʼkateko homor halaṅeda, ar Jerusalem khon do rakʼ ańjomokʼkana.

Jirimiạ 25:30

“Ńitokʼ am do onko upạrte nạbi lekate noako katha roṛme, ‘Probhu Isor do cetan khone hạnḍrạua; ar acʼakʼ sonot ṭhạ̃i khon acʼakʼ aṛaṅe ańjom ocoytaea ar uniyakʼ disạm upạrte ãṭteye hạnḍrạua. Ar darkha joko len leka uni do dhạrtireko girobasokʼkan sanamko upạrteye hohoea.

Jirimiạ 28:8

Am ar iń lahate sedaeren okoe nạbikoko tahẽkan, onko do aema disạm ar maraṅ maraṅ rajosṭi upạrte lạṛhại, akal ar mahamạri reaṅko nạbileda.

Jirimiạ 50:19

Menkhan Israel do acʼakʼ ạtiń ṭạnḍiteń ruạṛ ạguiyea uni do Karmel ar Basanreye ạtińa; Ephrayim ar Gilead reakʼ burukore acʼakʼ jiwiye tirpit ocoytaea.

Hosea 11:10

Amren hoṛ do ińko pańjayińạ, ente iń do dhạcri kul lekań hạnḍrạukʼa. Ar ińiń hạnḍrạu tayom ińren hoponko do pạchim secʼ khon thar tharaokʼ tulucʼko hijukʼa.

Hosea 13:8

Hoponko recʼakade bana eṅga leka iń do onko cetanre jhãpiń ema ar koṛamiń or cirạitakoa. Kul eṅga lekań utʼgotʼkakoa; ar bir janwarko lekań khanḍa khunḍi cabakoa.

Joel 1:19

E Probhu Isor, iń do amgeń hohoam kana, ente ạtiń ṭạnḍiko do seṅgele jomakada ar seṅgel reakʼ lepʼ do ṭạnḍi reakʼ sanam darekoe lo roṅgo akada.

Joel 2:11

Probhu Isor do acʼren lạṛhại phạdko laha lahate acʼakʼ ãṭ aṛaṅe ańjom ocoytaea; uniren lạṛhại phạdko do lekhate ohoko caba daṛelena ar okoe uniyakʼ hukumko senakʼkan onko doko daṛeanko kana. Probhu Isorakʼ din do maraṅ ar ạḍi botorangea; okoe ona doe sahao daṛekea?

Joel 3:16

Probhu Isor do Sion khone hạnḍrạukʼa, ar Jerusalem khon acʼakʼ aṛaṅe ańjom ocoytaea; serma ar ot do dal dalaokʼa. Menkhan Probhu Isor do acʼren hoṛkoren hirlại hoyokʼa.

Amos 9:3

Karmel buru muthnire apnartetʼko okolenre hõ iń do onḍe khoniń sendra oḍokkoa ariń sapʼạgukoa. Onko do jalapuri latarreko okolenre hõ onko gerko lạgitʼ bińiń hukumakoa.

Nạhum 1:4

Uni do jalapuriye dhomkaoetʼte onae ańjetʼ ocoyeda; ar gaḍako doe rohoṛ ocoyeda. Bason ar Karmel do gosokʼkana ar Lebanon reakʼ bahako do tolmojokʼkana.

1 Samuel 25:2

Unre Maon atore mitʼṭen maraṅ kisạ̃ṛ hoṛe tahẽkana. Uniyakʼ kạmiko do Karmelre tahẽkantaea. Uniren do pe hajar bhiḍi ar mitʼ hajar meromko tahẽkana. Ar un jokhecʼ uni do Karmelre bhiḍiko upʼe kạpciyetʼtako tahẽkana.