Amos 1:11 - সান্তালী বাইবেল

¹¹ Probhu Isore meneda, “Edom reakʼ pea ghạṭ iạte, hẽ, ponea ghạṭ iạte iń do khạṭige onkoń sạjạikoa, ente sanam daya mãyã bạgikate uni do tarwaṛeante acʼren boehako khudạu akadea. Ona chaḍa botoranakʼ edre do onkore ńelokʼkangea ar onako dohoakada.

Amos 1:11 Iomraidhean Croise

2 Bõsbudạ 20:10

“Ńitokʼ do Amonrenko, Moabrenko ar Seyir bururen hoṛko nonḍeko hecʼakana. Israelko tinre Misor khonko oḍok hecʼlena unre am do onkoakʼ disạmte bam bolo ocowatʼko tahẽkana. Ar onatege onko bako marao cabako baṅkate onko ṭhen khonko calaolena.

2 Bõsbudạ 20:11

Ạidạri lekate okaṭakʼ sompotti alem emakatʼle, ńitokʼ ńelme onko do ona bodolte nonḍe khon laga oḍokle lạgitʼko hijukʼkana.

2 Bõsbudạ 28:17

Niạ reakʼ karon do hoyokʼkana, Edomrenko do arhõ hecʼkate Jihudạ cetanre jhãpko emketʼte hoṛkoko bondi idiketʼkoa.

Sereńko 137:7

E Probhu Isor, Jerusalem ḍahao maraokʼ dinre Edomrenko cetʼko cekaleda ona baṛe disạime; onkoko menleda, “Lạnduṛpe, ona reakʼ rehetʼ hạbicʼ lạnduṛpe.”

Sereńko 85:5

Jaejugge cetʼ ale cetanre am do edre akanem tahena? Piṛhike piṛhi am do cetʼ alere bekusi akangem tahena?

Sosolhayic̕ 7:9

Amakʼ mon do alom kạhĩs ocoytama, ente kạhĩs do bebujkoakʼ koṛamre gạḍiạu akan tahena.

Jesaea 57:16

Iń do jaejug hạbicʼ manwa do bạń dusiyea se ińakʼ edre unre bạń dohoya. Ente iń khonge jiu do oḍokokʼ kana ar ińge jiu reakʼ sahẽtʼ doń benao akada.

Hosea 8:3

Menkhan okaṭakʼ bhageakʼ kan Israel do onae nihạ̃t giḍi akada, onate bạiri do uniko khudạu baṛayea.

Joel 3:19

Menkhan Misor do dhaṅdhaserakʼ ṭhạ̃ige hoyokʼa ar Edom do jarkharakʼ hahaṅkar hoyokʼa, ente Jihudạren hoṛko cetanre santao hoyakana ar onkoakʼ disạmre bin dusạnkoakʼ mãyãm joro ocoakana.

Mikạ 7:18

Am lekan Isor do ar celehõ bạnuiya okoe do jiwetʼ tahen hoṛkoakʼ kại ar behokakʼe ikạyetʼtako. Am do jaejug edre bam sapʼ dohoya bickom amakʼ asambheṛ dulạṛem udugte rạskạm bujhạueda.

Sakariạ 1:15

Ar nirdạndiko tahenkan onko sanam jạtrenko cetanre ạḍitetʼ iń raṅgao akana, ente iń do tinre ińren hoṛko cetanre thoṛa ghạṛicʼ iń raṅgaolena unre onko jạtrenko do ińren hoṛkoakʼ dosa sãote arhõ bạṛicʼ dosako juṭucʼatʼko tahẽkana.

Malaki 1:2

Probhu Isore meneda, “Iń do apeń dulạṛ akatʼpea, ” Menkhan apepe meneda, “Am do oka lekam dulạṛketʼlea” Probhu Isor doe roṛ ruạṛakeda, “Esao do cetʼ Jakobren boeha bae tahẽkana? Enhõ Jakob iń dulạṛkedea menkhan Esao do bạń moneyadea. Ińge uniyakʼ burukoń jarkharketʼtaea ar uniyakʼ ṭhạ̃i do hahaṅkarren toyokoakʼ iń hoyoco akada.”

Malaki 1:4

Edom doe men boteja, “Alele chakachun akanre hõ jarkharakʼko do arhõle benao rakaba.” Menkhan phạdkoren Probhu Isore meneda, “Onkoko beretʼ daṛeakʼa menkhan iń do onań rạputʼ giḍikatakoa. Onko do ‘bedhorom’ reakʼ disạmko menocokʼa one onko jạtrenko do jao okte Probhu Isorakʼ edre latarre menakʼko.

Ephesiko lạgitʼ Pạul Apostolakʼ ciṭhi 5:1

Isorren dulạṛiạ hoponko lekate ape do Isorakʼ lek leka hoyokʼpe.

Dosar Biboron 23:7

“Menkhan Edomrenko do alope hirkhạwakoa, ente onko do aperen boeha kanako. Misorrenko hõ alope hirkhạwakoa, ente onkoakʼ disạmre ape do porjạtrenko lekatepe tahekana.