2 Samuel 9:6 - সান্তালী বাইবেল

⁶ Sạulren goṛomtetʼ koṛa, metakʼme Jonathanren hopon Mephiboset do Dạud ṭhene hecʼena ar otre ombakʼkateye ḍobokʼadea. Dạude menkeda, “E Mephiboset.” Uni doe menkeda, “Ma roṛme, amren golam kangeạń.”

2 Samuel 9:6 Iomraidhean Croise

Genesis 18:2

Ar unreye beṅgetʼ rakapʼketʼ khan, acʼ khon thoṛa sạṅgiń ńokʼre pe hoṛ teṅgo akane ńel ńamketʼkoa. Uni do onko ṭhene ńir senente otre ombakʼkateye joharatʼkoa ar ona tayom doe metatʼkoa, “Ńelpe, jãhãn osubida bạnukʼtape khan dayakate aperen guti khon do alope sahaṛokʼa.

Genesis 33:3

Menkhan acʼ do onko laha lahateye sen idiyena. Ar sen idikʼ jokhecʼ uni do otre eae dhao ombakʼkate dadattetʼe ḍobokʼadea ar nonkate uni ṭhene seṭerena.

2 Samuel 1:7

Uni do tayom secʼe ạcuren khan ińe ńel ńamkedeńteye hohowạdińa. Ar iń doń metadea, ‘hẽ minạńgea.’

2 Samuel 16:4

Niạ katha ańjomkate Raj do Sibae metadea, “Mephibosetakʼ sanam sompotti do ńitokʼ amiń ematʼmea.” Sibae menkeda, “Iń do amakʼ jaṅga reakʼ dhuṛi lek geń baṅ kana; ińren mạlik maharaj do daya baṛeye udukʼạń ma.”

2 Samuel 21:7

Dạud do Sạulren goṛomtetʼ koṛa, metakʼme Jonathanren hopon Mephiboset do jiwetʼe dohokedea, ente Sạulren hopon Jonathan ṭhen uni do Probhu Isor samaṅreye kiriạlena.

2 Samuel 4:4

Sạulren hopon Jonathanren do mitʼṭen hopone tahẽkana. Uni do leḍhageye tahẽkana. Jisreyel khon tinre Sạul ar Jonathanakʼ gujukʼ khobor hecʼena unre uniyakʼ umer do mõṛẽ bochor tahẽkana. Ona khobor ańjomkate gidrạren dhại buḍhi do uni hoborkate usạrateye dạṛetʼkan tahẽkan jokhecʼ gidrại giḍiledete uniyakʼ jaṅga do leḍhayentaea. Ar uni gidrạwakʼ ńutum do Mephiboset tahẽkana.

2 Samuel 9:5

Unre Dạud do Lodebarte hoṛ kolkate Amielren hopon Makirakʼ oṛakʼ khon uniye ạgukedea.

1 Bõsbudạ 8:34

Jonathanren hopon do Meri-Bakʼal ar Meri-Bakʼalren hopon do Mika.

1 Bõsbudạ 9:40

Jonathanren hopon Meri-Bakʼal, Meri-Bakʼalren hopon do Mika ar Mikaren hoponko doko hoyokʼkana Pithon, Melek, Tarea ar Ahas.

1 Samuel 20:41

Uni koṛae calaoen khan Dạud do ona ḍạṅ akatʼ dhiri reakʼ dạkhin secʼ khone rakapʼ hecʼena. Uni do Jonathan samaṅre otreye ombakʼente pe dhaoe ḍobokʼadea. Ona tayom unkin dokin cokʼana ar rarakʼkin ehopʼena, tobe Dạud do ḍhergeye rakʼkeda.

1 Samuel 25:23

Abigael do Dạude ńelkede khan usạrate gadha khone pheḍena ar otre ombakʼkate Dạude ḍobokʼadea.