2 Samuel 9:1 - সান্তালী বাইবেল

¹ Mitʼdin Dạud doe kuliyana, “Ńit hạbicʼ cetʼ Sạul gharońjren jãhãe jiwetʼ menakʼkoa, one onko lạgitʼ Jonathan khạtirte dayań udukʼ daṛeke?”

2 Samuel 9:1 Iomraidhean Croise

2 Samuel 1:26

Hae, Jonathan, ińren boeha! Am lạgitʼ ińakʼ do maraṅ duktiń. Ińren do tinạkʼ dulạṛiạ; iń lạgitʼ amakʼ dulạṛ do kuṛikoakʼ dulạṛ khon hõ ḍherge tahẽkana.

2 Samuel 21:7

Dạud do Sạulren goṛomtetʼ koṛa, metakʼme Jonathanren hopon Mephiboset do jiwetʼe dohokedea, ente Sạulren hopon Jonathan ṭhen uni do Probhu Isor samaṅreye kiriạlena.

2 Samuel 9:7

Dạud do uniye metadea, “Alom botorokʼa. Iń do amren ạpum Jonathan khạtirte khạṭige dayań udukʼama. Amren goṛomme haṛam Sạulakʼ sanamakʼ jaega jumiń ruạṛama, ar am do jao ghuṛi ińakʼ ṭebilrem jom ńũiya.”

1 Rapajko 2:7

Menkhan Geliad Barsilairen hoponko cetanre do pạtiạr baṛe tahenme. Ar am sãote amakʼ ṭebilre okoeko jom-ńũiyetʼkan onko talare onko hõ jaegam emakoa. Amren boeha Absalom ṭhen khoniń ńir paskaolen jokhecʼ onko do ạḍiko goṛowạdiń tahẽkana.

Kạhtukko 27:10

Apnarren se babaren gate do alom bạgi giḍiyea; Muhinre boehawakʼ oṛakʼte alom calakʼa; sạṅgińre tahen boeha khon do aḍepaseren boehageko bhagea.

Mathae 10:42

Jãhãege noko kạṭicʼko modre mitʼ hoṛ ińren cela mente mitʼ bạṭi reaṛ dakʼe ńũ ocoye; sạrigeń metapekana, uni do oka lekate hõ acʼakʼ kuṛại do ohoe atʼletaea.”

Mathae 25:40

“Ado raje roṛ ruạṛakoa, ‘sạrigeń metapekana, ińren noko huḍiń utạr boehako modre jãhãe mitʼ hoṛpe nonkawade enḍekhan unre ińgepe onkawạdiń tahẽkana.’

Mark 9:41

Sạrigeń metapekana, Mạsiren hoṛpe hoyakante jãhãege iń ńutumte mitʼ bạṭi dakʼe ńũ ocope, enḍekhan uni do oka lekate hõ acʼakʼ kuṛại do ohoe atʼletaea.

1 Patras 3:8

Mucạtʼre katha do nõkʼõe, ape sanamkoakʼ mon jemon mitʼ lekage hoyokʼ. Ape do mimitʼkoakʼ dukre dukokʼpe, boeha leka dupulạṛpe, daya ar nindhạnko hoyokʼpe.

1 Samuel 20:42

Jonathan do Dạude metadea, “Aben do nirạite calakʼben, ente alaṅ do Probhu Isor ńutumte kiriạkate laṅ men akada, ‘Aben ar ạliń talare ar aben ar ạlińren bõsko talare jaejugren goha do Probhu Isorgeye tahẽyena.’ ” Inạ tayom Dạud do bidại hataokeda ar Jonathan do nagrahateye ruạṛ calaoena.