2 Samuel 8:3 - সান্তালী বাইবেল

³ Tayomte Sobaren raj Rehobren hopon Hadadeser do tinre phurạt gaḍa hạbicʼ arhõ ektiạri ńam ruạṛ lạgitʼe senena unre Dạud do uni sãoteye lạṛhạiyena.

2 Samuel 8:3 Iomraidhean Croise

Genesis 15:18

Probhu Isor do ona din Abram lạgitʼ noa menkate mitʼṭecʼ bondobose dohokeda, “Misor reakʼ gaḍa khon ehopʼkate maraṅ gaḍa phurạt hạbicʼ iń do goṭa disạmge amren bõskoń ematʼkoa.

2 Samuel 10:15

Aramrenko do Israel ṭhenko bhagao ocoyena menteko ńelketʼ khan onko do arhõko jarwa mitʼena.

2 Samuel 10:16

Ar Hadadeser raj do hoṛ kolkate Phurạt gaḍa hanasareko girobasokʼkan Aramrenkoe ạguketʼkoa. Ar onko do Helamteko hecʼena. Hadadeserren lạṛhại phạdkoren subedar Subak do onkoren ạyuricʼe tahẽkana.

2 Samuel 10:19

Hadadeser taberen rajko do tinreko ńelkeda, Israel ṭhenko bhagao ocokʼkana mente unre onko do Israelko sãote sulukokʼ lạgitʼ bondobosko bandhaokeda ar onko gobolreko tahẽyena. Ar unkhon Aramrenko do Israelko botorte Amonrenko ar bako goṛowatʼkoa.

2 Samuel 10:6

Amonrenko tinreko bujhạu daṛeada, onko do Dạud ṭhenko kurud ocoakana mente. Unre onko do Bethrehobren ar Sobaren bargel hajar otten lạṛhại phạdko, ar Makaren mitʼ hajar hoṛko ar Toabren gelbar hajar hoṛkoe bhaṛaketʼkoa.

2 Samuel 23:36

Sabaren Nathan hopon Igal, Gadren Bani,

1 Rapajko 4:21

Phurạt gaḍa khon ehopʼkate Misor ar Philisṭikoakʼ disạm reakʼ simạ hạbicʼ sanam rajosṭiko do Solomonakʼ gobolrege tahẽkana. Solomon tinạkʼ din jiwetʼe tahẽkan unạkʼ dinge niạko disạmren hoṛko do bhejako emaekan tahẽkana ar uni gobolreko tahẽkana.

1 Bõsbudạ 18:3

Ar Sobaren raj Hoddesor do Phurạt gaḍa hạbicʼ acʼakʼ jaegako arhõ ektiạriạ ńam dohṛae lạgitʼ tinreye calaoena unre Dạud hõ uni sãote lạṛhại lạgitʼ Homat hạbicʼe senena.

2 Bõsbudạ 8:3

Ona tayom Solomon do Homat-Sobatre senkate onae dokholkeda.

Sereńko 60:1

E Isor, am do alem dea giḍiakatʼlea, ar alem chiń chạtur akatʼlea; am do ạḍitetʼ bam kusi akana, menkhan am do lahate lekam teṅgo arolea.

Sereńko 72:8

Uniyakʼ rajosṭi reakʼ simạ do mitʼ jalapuri khon eṭakʼ jalapuri hạbicʼ, Uphreṭis gaḍa khon dhạrti reakʼ mucạtʼ hạbicʼ.

Exodus 23:31

“Arakʼ jalapuri khon Palestain disạm reakʼ doreão hạbicʼ ar eṭakʼ secʼ do hahaṅkar khon Uphreṭis gaḍa hạbicʼ apeakʼ disạm reakʼ simạń dohoapea. Ar ona disạmre okoeko girobasokʼkan onko do apeakʼ tireń jimakoa ar ape do onkope laga ńirkoa.

Dosar Biboron 11:24

Dạkhin reakʼ hahaṅkar khon Lebanon hạbicʼ ar Phurạt gaḍa khon jalapuri hạbicʼ jãhãrege jaṅga talkape dohoy onage apeakʼ hoyokʼa.

1 Samuel 14:47

Sạul do Israelkoren raj hoyen tayom disạm beṛhaeten sanam bạiriko sãote, metakʼme Moabrenko, Amonrenko, Edomrenko, Sobaren rajko ar Philisṭiko sãoteye lạṛhạilena. Ar jãhã secʼge uniye calakʼkan tahẽkan onḍege ạḍiye khutiketʼtakoa.