2 Samuel 7:9 - সান্তালী বাইবেল

⁹ Ar okako jaegatem senlen onḍege iń hõ am sãoteń senlena ar am samaṅ khon sanam bạirikoń marao caba akatʼkoa. Ar dhạrtire iń do amakʼ ńutumiń maraṅ ocoya.

2 Samuel 7:9 Iomraidhean Croise

Genesis 12:2

Iń do am khon mitʼ maraṅ jạtiń benaokoa. Amiń bhorama ariń maraṅmea amakʼ ńutum do goṭa beṛhae pasnaokʼtama ar am hotete hoṛ do bhorko ńama.

2 Samuel 22:1

Probhu Isor do Sạul ar eṭakʼ bạirikoakʼ ti khon tinre Dạude rukhiyạkedea unre Probhu Isor ńutumte Dạud do niạ sereńe sereńkeda:

2 Samuel 22:30

Amakʼ goṛote lạṛhại phạdko cetanre iń do jhãpiń em daṛeakʼa, ińren Isorakʼ goṛote pạcrikoń don parom daṛeakʼa.

2 Samuel 22:43

Dhạrti reakʼ dhuṛi leka onko doń holoṅ ḍigirketʼkoa; ar ḍahar reakʼ losotʼ leka jaṅgateń lebetʼ gańjaoketʼkoa.

2 Samuel 23:1

Jisạiren hopon Dạudakʼ ses katha do noa kana: “Okoeye rakapʼ ocoakan, Jakobren Isor okoeye ojokʼ bahallede, Israelko talare liṭhur sekʼreńicʼ, hoṛ doe meneda,

2 Samuel 5:10

Uni do dinke dine daṛe idiyena, ente sanam daṛean Probhu Isor do uni sãoteye tahẽkana.

2 Samuel 8:13

Dạud do buluṅ lodamre gel irạl hajar Aramren hoṛko gocʼkateye ruạṛ hecʼen khan uniyakʼ sunam do goṭa beṛhaete pasnao idiyena.

2 Samuel 8:14

Edom disạm reakʼ sanam jaegakore uni do acʼren lạṛhại phạdkoe dohoketʼkoa ar onate Edomrenko hõ uni gobolreko tahẽyena. Ar Dạud do jãhãtegeye calakʼkan tahẽkan Probhu Isor do onḍegeye jitạu ocoyedekan tahẽkana.

2 Samuel 8:6

Dạud do Aramrenkoakʼ rajosṭi reakʼ Damesekre acʼren lạṛhại phạdkoe dohoketʼkoa. Onate Aramrenko do uni gobolre tahẽkate khajna emokʼko ehopʼena. Nonkate Dạud do jãhã ṭhạ̃igeye calakʼkan tahẽkan Probhu Isor do onḍegeye jitạu ocoyede tahẽkana.

1 Bõsbudạ 17:8

Ar jãhãtegem senlen iń hõ onḍe am sãoteń senlena ar am samaṅ khon amren sanam bạirikoń marao giḍi akatʼkoa. Iń do amakʼ ńutum dhạrtiren maraṅ maraṅ hoṛkoakʼ ńutum lekań hoyocoytama.

Sereńko 21:6

Am do jaejug hạbicʼem bhor akawadea; ar hạjirge menamte uni dom rạskạ ocoyede kana.

Sereńko 89:23

Uni samaṅrege iń do uni upạrtenkoń chirchạturkoa ar okoe uniko hirkhạwae onko doń maraokoa.

Luk 1:52

Uni do siṅghạson khon rajkoe ńurhạketʼkoa, menkhan nindhạnko doe tul rakapʼ ketʼkoa.

Josuạ 6:27

Probhu Isor do Josuạ sãoteye tahẽyena, ar uniyakʼ ńutum do goṭa disạmre pasnao idiyena.

1 Samuel 18:14

Probhu Isor do uni sãoteye tahẽkante jotowakʼrege bud salakʼ kạmikateye jo bahakʼkan tahẽkana.

1 Samuel 18:30

Inạ tayom Philisṭikoren subedarko do lạṛhại lạgitʼ oḍok hijukʼko ehopʼena. Ar tinạkʼ dhaoko oḍok hecʼen unạkʼ dhaoge Sạulren kạmiyạko khon Dạud do bud salakʼe kạmiketʼteye jo bahayena. Ar nonkate uniyakʼ ńutum do manot idiyena.

1 Samuel 2:8

Uni do dhuṛi khon nacaricʼe rakapʼedea, ar okulạnicʼ do torocʼ khone beretʼedea. Cetan hudạren hoṛko sãote uni do onkoe duṛupʼ ocokoa, ar manot reakʼ siṅghạsone emakoa; ente dhạrti reakʼ kham khunṭiko do Probhu Isorakʼge, uni do onako cetanre pirthimiye dohoakada.

1 Samuel 31:6

Nonkate enhilokʼ do Sạul, ar uniren pea hopon, ar uniren khanḍa bhanḍa akʼsenicʼ ar uni sãoten hoṛko mitʼ domteko gocʼena.

1 Samuel 5:10

Unre onko do Isorakʼ ona sinduk Ekron nagrahateko kolgotʼkada. Isorakʼ sinduk do Ekronte idiyen khan Ekronren hoṛko do ãṭ aṛaṅteko menkeda, “Onko do abo ar aboren hoṛko gocʼ bon lạgitʼge Israelkoren Isorakʼ sinduk do abo ṭhenko ạguakada.”