2 Samuel 7:6 - সান্তালী বাইবেল

⁶ Misor disạm khon Israelkoń oḍok ạguko hilokʼ khon teheń hạbicʼ jãhã oṛakʼre hõ bạń tahẽkana. Iń do tạmburege tahẽkate mitʼ tahen jaega khon eṭakʼ tahen jaegateń senlena.

2 Samuel 7:6 Iomraidhean Croise

2 Samuel 11:11

Uriạ do Dạude metadea, “Israel ar Jihudạren lạṛhại phạdko do goha sindukante tạmbure menakʼkoa, ar ińren subedar Joab hõ ṭạnḍire menaea. Ar iń do cekate ińakʼ oṛakʼte senkateń jom-ńũiya ar ińren bạhu tulucʼ iń giticʼ midokʼa? Amreń kiriạkʼ kana, nonkan kạmi do tishõ ohogeń kạmi daṛelea.”

1 Rapajko 8:16

‘ińren hoṛko Misor disạm khoniń oḍok ạguletʼko tayom Israelkoakʼ jãhãn nagraha do bạń bachaoana one onḍe apnar sodorokʼ lạgitʼ mitʼṭecʼ tahen oṛakʼ benaokʼ. Menkhan ińren Israelko ḍanṭaoko lạgitʼ do Dạudgeń bachaoan tahẽkana.’

Aposkạmi 7:44

“Goha reakʼ tạmbu do hahaṅkarre aboren hapṛamko sãote tahẽkana. Isor do Mose cetʼlekae hukumade tahẽkan ar Mose okaṭakʼ nạmunae ńelletʼ onkage noa tạmbu hõ tear akan tahẽkana.

2 Korinthiko 6:16

Isorakʼ mundilre boṅga muṭhạnkoakʼ jaega do okare? Aboge coṅ jiwetʼ Isorakʼ tahen oṛakʼkan bon. Sonot sostore meneda, “Iń do ińren hoṛko talareń girobasokʼa, ar onko tulucʼ iń dãṛãna. Iń do onkoren Isorriń hoyokʼa, ar onko do ińren hoṛko hoyokʼa.”

Dosar Biboron 23:14

Ape rukhiyạpe lạgitʼ ar aperen bạiriko apeakʼ tire soprotko lạgitʼ aperen Probhu Isor do apeakʼ ḍera talareye dãṛãna. Onate apeakʼ ḍera do sonotpe dohoya jemon ape talare hirkhạwakʼ jãhãnakʼ ńelte aloe dea giḍipe.

Josuạ 18:1

“Ar Israel hoponko do Silote senkateko jarwayena ar ńapamokʼ tạmbuko beretʼkeda. Goṭa disạmge Israelko tabere hecʼenre hõ onkoren eae gusṭiren hoṛko do unhõ sompotti bako ńamakatʼ tahẽkana.”

Johan sodor 2:1

“Ephesus nagraha reakʼ manḍerren goḍet ṭhen noa katha do olme: “Okoe acʼakʼ jojomtire eae goṭecʼ ipil sapʼkate sona reakʼ eae goṭecʼ diuhe dohowakʼ talareye dãṛãbaṛae kan uni do noae meneda.

Bikʼcạrko 20:27

Onako dinre Isorakʼ bebosta sinduk do Bethelrege tahẽkana, ar Aronren goṛomtetʼ koṛa, metakʼme Eliaser hopon Pinhas do ona samaṅre teṅgokateye sewayetʼ tahẽkana. Ona iạte Israelko do onḍe Probhu Isorakʼ sana baḍae lạgitʼko kuliyana, “Ale do aleren boeha Benjamin gusṭiren upạrte arhõ lạṛhại lạgitʼle calakʼa se baṅa?” Probhu Isore roṛ ruạṛatʼkoa, “Do calakʼpe, ente gapage apeakʼ tire onkoń jimạkoa.”