2 Samuel 7:22 - সান্তালী বাইবেল

²² E Probhu Isor, am dom maraṅgea! Am leka do ar celege bạnukʼkoa ar am chaḍa eṭakʼ jãhãn Isor hõ bạnukʼkoa; noa katha do aleakʼ luturtegele ańjomakada.

2 Samuel 7:22 Iomraidhean Croise

2 Samuel 22:32

Probhu eskar chaḍa ar okoe Isor menaea? Aboren Isor chaḍa cetʼ jãhãn aotan buru menakʼa?

1 Rapajko 8:23

Uni doe menkeda, “E Probhu Israelkoren Isor, coṭ sermare se latar otre am lekan cele Isorge bạnukʼkoa. Amren gutiko okoe do mon ar ontorte amakʼ horteko calakʼkan onko do amakʼ asambheṛ dulạṛem udukʼako kana ar bondobosem bandhao akada.

1 Bõsbudạ 16:25

Probhu Isorgeye maraṅa ar sanamko cetanre unige sarhaoanicʼ lek kanae; sanam debotako khon hõ uni doe botorangea.

2 Bõsbudạ 2:5

“Okaṭakʼ oṛakʼ benao iń menjoṅkan ona do maraṅakʼ hoyokʼa, ente aboren Isor do sanam debotako khon hõe maraṅgea.

Sereńko 135:5

Ińiń baḍaea Probhu Isor doe maraṅgea; aboren Probhu Isor do joto debotako khon hõe maraṅgea.

Sereńko 145:3

Probhu Isor doe maraṅgea ar joto khon sarhaoanicʼ lek kanae; okoe hõ uniyakʼ maraṅtetʼ do bako bhujhạu daṛeakʼa.

Sereńko 44:1

E Isor, sedaere aleren hapṛamko oktere okaṭakʼem cekaletʼ onko reaṅ katha ale do apnarakʼ luturtele ańjomleda.

Sereńko 48:1

Aboren Isorakʼ nagrahare, ar uniyakʼ sonot burure, Probhu Isor doe maraṅgea ar joto khon bạ̃ṛti sarhao lek kanae

Sereńko 86:10

Am dom maraṅgea ar hahaṛawakʼkom kạmikana; eken amkagem Isor do.

Sereńko 86:8

E Probhu Isor, debotako modre am lekan do cele hõ bạnukʼkoa; amakʼ kạmi sãote eṭakʼ jãhãn kạmi reakʼ hõ ohoge jurikokʼa.

Sereńko 89:6

Sermare nonkan cele menakʼkoa okoe do Probhu Isor sãoteye jurikokʼa? Serma goḍetko modre Probhu Isor soman do okoe menaea?

Sereńko 89:8

E Probhu, sanam daṛean Isor, okoe menaea am lekan daṛeanicʼ do, E Probhu? Amakʼ pạtiạrtetʼge am doe esetʼ ạcur akatʼmea.

Sereńko 96:4

Probhu Isorgeye maraṅa ar sanamko cetanre unige sarhaoanicʼ lek kanae; sanam debotako khon uni doe botorangea.

Exodus 15:11

“E Probhu Isor, Debko modre am leka do okoe menakʼkoa? Okoe menakʼkoa am leka sonot ar ṭhonokanicʼ ar sarhao sereńkore botoranicʼ do? Ar hahaṛawakʼ kạkʼmiyicʼ hõ okoeyakʼ menakʼtaea?

Exodus 8:10

Pharaoe roṛ ruạṛadea, “Enḍekhan ona do gapage hoyokʼma.” Moseye menkeda, “Onkage hoyokʼa. Ar onatem bujhạu daṛeakʼa, aleren Probhu leka do ar cele Isorge bạnukʼkoa.

Exodus 8:6

Unre Aron do Misor reakʼ sanam dakʼ cetanre acʼakʼ tiye tiạrkeda. Ar onate roṭeko rakapʼ hecʼente disạmko perecʼ cabakeda.

Exodus 9:14

ente noa tayom am ar amren kạmiyạko ar hoṛko cetanre iń do sanam lekan duk iń kola. Ar unrem bujhạu daṛeakʼa, goṭa dhạrtire iń leka ar celege bạnukʼkoa.

Jesaea 40:18

Enḍekhan okoe tulucʼ Isor dope jurikea? Ar cetʼ sãotepe jurikea?

Jesaea 40:25

Uni sonoticʼe meneda, “Okoe tulucʼpe juriyińa? Ar okoe iń soman doe hoyokʼa?”

Jesaea 45:18

Probhu Isor, okoe do sermae sirjạu akatʼ, uni kangeae Isor do; one uni dhạrti do muṭhạne emakawatʼ are benao akatʼ, unige onae bandhoakada. Ar dhạrti do ạlmạl bae benaoleda, bickom girobasokʼ lạgitʼgeye benaokeda. Uni doe meneda, “Iń kangeạń Probhu Isor do, iń chaḍa eṭagicʼ do ar cele hõ bạnuiya.

Jesaea 45:22

“E dhạrti reakʼ ses simạnarenko, iń secʼ ruạṛokʼpe ar bańcaokʼpe, ente iń kangeạń Isor do, iń chaḍa ar cele hõ Isor doko baṅkana.

Jesaea 45:5

Iń kangeạń Probhu Isor do, eṭakʼ ar cele hõ bạnukʼkoa; iń chaḍa eṭakʼ Isor do ar bạnuiya. Am bam baḍae akadińre hõ iń doń paṭhe keṭecʼetʼmea,

Jeheskel 36:22

“Onatege am do Israelkom metakoa, Probhu Isore menetʼkana, ‘E Israelko, ape khạtirte noakoń kạmi lạgidokʼkan ona do baṅa, menkhan ińakʼ ona sonot ńutum khạtirtege onań onkaea. Ape okoe do jạt jạtrenko talarepe senlen onḍege ińakʼ ńutumpe besonot akada.

Jeheskel 36:32

Ape do baḍaekakʼpe, ape khạtirte noa kạmi do bạń kạmi lạgidokʼkana. E Israel jạtrenko, apeakʼ colon iạte lajao ar dukokʼpe.

Daniel 2:45

Ente am dom ńel akada, buru khon mitʼṭen dhiri do begor manwa titege chaḍao ńurena ar ona dhiri do, pitạl, jaṭaṅ hasa, rupạ ar sonae gejerkeda; maraṅ Isor do noako hoyokʼ lạgidokʼ ghoṭnakoge am doe baḍae ocoakatʼmea; kukmũ do khạṭigea ar ona reakʼ bhedtetʼ hõ sạrigea.

Mikạ 7:18

Am lekan Isor do ar celehõ bạnuiya okoe do jiwetʼ tahen hoṛkoakʼ kại ar behokakʼe ikạyetʼtako. Am do jaejug edre bam sapʼ dohoya bickom amakʼ asambheṛ dulạṛem udugte rạskạm bujhạueda.

Dosar Biboron 3:24

‘E Probhu Isor, am do maraṅ arem daṛeangea ar amren guti onam udukʼae kana. Serma ar dhạrtire okoe debota menakʼkoa, amem kạmikanakʼkoe kạmi daṛeke ar amem udukʼ akatʼ daṛekoe udukʼ daṛeke?

Dosar Biboron 32:39

Ńitokʼ hudisokʼpe ar ńelpe ińkangeạń uni do; iń chaḍa ar cele Isorge bạnukʼkoa. Ińge gogocʼicʼ ar ińge jiwetʼicʼ, ińge ghạghạlicʼ, ińge bokʼgeyicʼ; ińakʼ ti khone bańcao daṛeakʼ nonkan celege bạnukʼkoa.

Dosar Biboron 4:35

“Ape jemonpe baḍae daṛeakʼ, Probhu kangeae Isor do ar uni chaḍa cele Isorge bạnukʼkoa, ona iạtege noako dope ńel ocolena.

Dosar Biboron 4:39

“Teheń ape do niạ katha baḍaekakʼpe ar ontorre rebetʼ dohokakʼpe, Probhu Isorge coṭ sermaren ar latar otren Isor kanae, uni chaḍa ar cele Isorge bạnukʼkoa.

1 Samuel 2:2

Probhu Isor leka sonoticʼ do okoe hõ bạnugicʼan, ente am chaḍa ar cele Isorge bạnukʼkoa; aboren Isor leka asrae buru do ar cetʼge bạnukʼa.