2 Samuel 7:21 - সান্তালী বাইবেল

²¹ Amakʼ katha iạte ar amakʼ sana lekate niạ bhạlạiyakʼem kạmi akada ar amren gutiyem baḍae ocoakadea.

2 Samuel 7:21 Iomraidhean Croise

1 Bõsbudạ 17:19

E Probhu Isor, am do amren guti lạgitʼ amakʼ kusi sana leka niạ bhageyakʼem kạmi akada ar amren guti hõm baḍae ocoakadea.

Sereńko 115:1

Aleakʼ do baṅ, E Probhu Isor, aleakʼ do baṅ, menkhan amakʼ sarhaoge baṛe hoyokʼma; amakʼ asambheṛ dulạṛ ar pạtiạr lạgitʼge hoyokʼma.

Sereńko 138:2

Amakʼ sonot oṛakʼ secʼ samaṅkateń ḍoboga, ar amakʼ asambheṛ dulạṛ ar pạtiạrtetʼ iạte amiń gun manao joharama; ente amakʼ gokʼakʼ purạu lạgitʼ oka lekam sodorakan ona do amakʼ namḍak khon hõ maraṅgea.

Numeri 23:19

Isor do manwae baṅkana onate uni do eṛe kathae roṛa; uni do manwa khon hõ bae janam akana, onate moneye bodoltaea. Uni okae men ona do hoyokʼgea, ar acʼakʼ gokʼakʼ do jaogeye purạueda.

Mathae 11:26

Hẽ Baba, amakʼ sana lekage noa do hoyakana.

Mathae 24:35

Serma ar dhạrti do cabakʼa, menkhan ińakʼ katha do jaejug hạbicʼ tahena.

Luk 1:72

Uni do aboren hapṛamko mãyãwako lạgitʼ acʼakʼ sonot bondobos, metakʼme acʼakʼ gokʼakʼ purạu lạgitʼ, aboe rukhiyạ akatʼ bona.

Luk 10:21

Unre Jisu do sonot Jiu reakʼ rạskạte hulạsenteye menkeda, “E Baba, am do serma ar dhạrtiren Probhu Isor kanam. Sarhaoetʼme kạnạń, ente am do noako reaṅ ạkilan ar budanko khonem oko dohoakada menkhan albudạha lekanko ṭhen dom sodor akada. Hẽ Baba, amakʼ sana lekage noa do hoyakana.

Luk 12:32

“Alope botorokʼa, E huḍiń palrenko, ente aperen Baba do apege acʼakʼ rajosṭi emapeye menjoṅkana.

1 Korinthiko 1:1

Isorakʼ monejoṅ ar uniyakʼ hohote iń Pạul do Mạsi Jisuren mitʼṭen celań hoyakana. Iń ar boeha Sosthenes do Korinthi nagraha reakʼ Isorakʼ manḍerren hoṛko ṭhen, metakʼme ape ṭhen liń oletʼkana. Mạsi Jisu sãote jopoṛao hotete Isor do acʼakʼ monsubạ leka apeye bachao doho akatʼpea ar acʼren hoṛko hoyokʼ lạgitʼe hohoakatʼpea. Ape ṭhen ar eṭakʼ sanam jaegare okoe do aboren Probhu Jisu Mạsi Probhu Isor menteko aṅgocede onko ṭhen ạliń do noa ciṭhi liń oleda. Uni do aboren ar onkoren hõ Probhu Isor kanae.

Ephesiko lạgitʼ Pạul Apostolakʼ ciṭhi 1:9

Uni do okalekae khojletʼ ar Mạsi hotete okaleka laha khongeye ṭhik dohoakatʼ tahẽkan, onka lekage uni do acʼakʼ okoakʼ monsubạkoe baḍae ocoletʼ bon tahẽkana.

Ephesiko lạgitʼ Pạul Apostolakʼ ciṭhi 3:11

Ar noage uniyakʼ do jaejug reakʼ monsubạ tahẽkantaea, ar ona monsubạge aboren Probhu Jisu Mạsi hoteteye purạukeda.

Ephesiko lạgitʼ Pạul Apostolakʼ ciṭhi 4:32

Ape apere mãyãwanko baṛe hoyokʼpe, eṭakʼkoakʼ dukte dukokʼpe, cetʼleka Isor do Mạsi hoteteye ikạ akatʼpe onkage ape hõ ape apere ipikạkʼpe.

Dosar Biboron 9:5

Ar bindusạn se dhorom iạte onkoakʼ disạm ạidạri lạgitʼpe calakʼ kana ona do baṅa bickom aperen Probhu Isorge aperen hapṛam Abraham, Isahak ar Jakob ṭhen kiriạkate okaṭakʼe menletʼ ona purạu lạgitʼge uni do noko jạtrenkoakʼ dusṭạmi iạte ape samaṅ khone laga ńirkoa.