2 Samuel 7:2 - সান্তালী বাইবেল

² Mitʼ do raj do Nathan nạbiye metadea, “Ńelme, iń do debdạru kaṭ reakʼ oṛakʼreń girobasokʼ kana menkhan Isorakʼ sinduk do tạmbure menakʼa.”

2 Samuel 7:2 Iomraidhean Croise

2 Samuel 11:11

Uriạ do Dạude metadea, “Israel ar Jihudạren lạṛhại phạdko do goha sindukante tạmbure menakʼkoa, ar ińren subedar Joab hõ ṭạnḍire menaea. Ar iń do cekate ińakʼ oṛakʼte senkateń jom-ńũiya ar ińren bạhu tulucʼ iń giticʼ midokʼa? Amreń kiriạkʼ kana, nonkan kạmi do tishõ ohogeń kạmi daṛelea.”

2 Samuel 12:1

Probhu Isor do unre Dạud ṭhen Nathan nạbiye kolkedea. Uni do Dạud ṭhen senkateye metadea, “Mitʼ nagrahare bar hoṛkin tahẽkana. Unkin modre mitʼ hoṛ do kisạ̃ṛ ar eṭakʼicʼ do ạḍitetʼ reṅgecʼe tahẽkana.

2 Samuel 5:11

Turren raj Hiram do Dạud ṭhen adom hoṛe kolketʼkoa ar onko sãote debdạru kaṭko, chutạr mistriko ar raj mistriko hõe kolketʼkoa. Onko do Dạud lạgitʼ mitʼṭen raj oṛakʼko benaokeda.

2 Samuel 6:17

Probhu Isorakʼ sinduk ạgukate onko do Dạude beretʼakatʼ tạmbureko dohokeda. Ar Dạud do unre Probhu Isor ńutumte jeredokʼ samaṅokʼakʼ ar sulukren samaṅokʼakʼe samaṅkeda.

2 Samuel 7:17

Niạ dorson reakʼ sanamakʼ kathako Nathan do Dạude lạiyadea.

1 Rapajko 1:22

Raj sãote Bethsebawakʼ katha ạuri mucạdokʼrege Nathan do onḍeye seṭer gotʼena.

1 Rapajko 1:8

Menkhan Sadok naeke ar Jehoyada hopon Bonae, Nathan nạbi, Simai, Reyi ar Dạudren birbanṭa hoṛko do Dạud secʼgeko tahẽyena.

1 Rapajko 4:5

Nathanren hopon Asriạ do eṭakʼ eṭakʼ raj karbariạko cetanreye tahẽkana; Nathanren hopon Sabud do rajren gate ar sosolhayicʼe tahẽkana;

1 Rapajko 8:17

“Israelren Probhu Isor lạgitʼ mitʼṭecʼ oṛakʼ benao reakʼ monsubạ do ińren ạpuń Dạudakʼ ontorre tahẽkangea.

1 Bõsbudạ 14:1

Tayomte Turren raj Hiram do Dạud ṭhen adom hoṛe kolketʼkoa. Ar onko sãote Dạud lạgitʼ raj oṛakʼ benaoa mente debdạru kaṭko, raj mistriko ar chutạr mistriko hõe kolketʼkoa.

1 Bõsbudạ 16:1

Probhu Isorakʼ sinduk ạgukate ona do Dạude beretʼakatʼ tạmbureko dohokeda. Ar inạ tayom do Isor samaṅre jeredokʼakʼ samaṅakʼ ar sulukren samaṅakʼko samaṅkeda.

1 Bõsbudạ 22:7

Dạud do Solomone metadea, “E beṭa, ińren Probhu Isor lạgitʼ mitʼṭecʼ oṛakʼ benao reakʼ ạḍi monsubạ tahẽkantińạ.

1 Bõsbudạ 29:29

Ar ńeńelicʼ Samuelren nạbi Nathan ar ńeńelicʼ Gad reakʼ itihãs puthire Dạud raje rajokʼ reakʼ sanam kathako do etohopʼ khon mucạtʼ hạbicʼ ol menakʼa.

2 Bõsbudạ 1:4

Menkhan Isorakʼ sinduk do Jerusalemre tahẽkana, ente Dạud do Kiriat-Jiạrim khon onae ạguketʼte Jerusalemre okaṭakʼ tạmbui beretʼletʼ onḍegeye dohokeda.

2 Bõsbudạ 29:25

Dạud raj, ar uniren ńeńelicʼ Gad ar Nathan nạbiyakʼ hukum lekate Hiskiạ raj do Liwikoe metatʼkoa jemon onko do kortal, binạ banam ar peṛesaṅ banamante Probhu Isorakʼ oṛakʼteko bolokʼ. Ar Probhu Isorge acʼren nạbiko hotete niạ hukume emlen tahẽkana.

2 Bõsbudạ 9:29

Solomonakʼ eṭakʼ eṭakʼ kạmi reakʼ katha do pạhil khon ses utạrakʼ hạbicʼ Nathan nạbiyakʼ olakʼre, Siloni Ahiawakʼ nạbi kathare olakana ar Nabatren hopon Jerobiam reaṅ do “dorson ńeńelicʼ Idoakʼ dorson” ńutumanakʼ puthire ol menakʼa.

Sereńko 132:2

Uni do Probhu Isor ṭhene kiriạlena, Jakobren uni daṛeanicʼ Isor ṭhen noae gokʼletʼ tahẽkana,

Sereńko 132:5

ar tin hạbicʼ Probhu Isor lạgitʼ mitʼṭecʼ ṭhạ̃i bạń sendra ńam, Jakobren uni daṛeanicʼ Isor lạgitʼ mitʼṭecʼ tahen ṭhạ̃i bạń sendra ńam.”

Exodus 40:21

Ona tayom Probhu Isorakʼ hukum leka sinduk do sekʼwa tạmbu bhitriteye aderkeda ar ona reakʼ orwalteye dapalkada.

Hagae 1:4

“Noa do cetʼ ṭhik hoyokʼkana, ape do noksa akatʼ oṛakʼrepe tahenkana ar ińakʼ oṛakʼ do dhaṅdhaserakʼ hoyakantińạ?

Johan 2:17

Onate celako do sonot sostorre olakan uniyakʼ noa katha disạ hecʼatʼkoa: Amakʼ oṛakʼ lạgitʼ ińakʼ oka khạndri dulạṛtiń, ona dulạṛge ińakʼ ontor doe jal jalaotińạ.

Aposkạmi 7:46

Dạud do Isorakʼ daya ńamkate Jakobren Isorakʼ tahen jaega benao lạgitʼe koean tahẽkana;