2 Samuel 7:18 - সান্তালী বাইবেল

¹⁸ Niạko katha ańjomkate Dạud raj do tạmbu bhitriteye boloyena ar Probhu Isor samaṅre duṛupʼkateye menkeda, “E Probhu Isor, ińge baṅ cetʼ ar ińakʼ bõsge baṅ cetʼ, amge nunạkʼ hạbicʼem ạyur ạguakadińạ.

2 Samuel 7:18 Iomraidhean Croise

Genesis 32:10

Amren nui guti oka daya ar pạtiạrem udukʼ akawade onaren lek doń baṅkana. Eken mitʼṭecʼ ṭheṅga tire sapʼkate noa Jordan gaḍań paromlena, menkhan ńitokʼ iń soṅgere barea maraṅ dolrenko menakʼkoa.

Genesis 32:11

Nehõram kạnạń, ińren boeha Esauakʼ ti khon rukhiyạyińme. Enteń botorokʼ kana uni do hecʼkate aleye gocʼlea, gidrạ ar onkoren eṅgatko celege sarecʼ do bae doholeya.

2 Samuel 23:5

Isor ṭhen ińakʼ bõs do cetʼ onka do baṅkana? Iń iạte uni do mitʼṭecʼ jaejugakʼ bondobose dohoakada. Ona bondobos reakʼ sanamakʼko ṭhik leka sajao are khạṭi dohoakada. Ińakʼ bańcao doe jo baha ocoya, ar ińakʼ monsubạ doe puruntińạ.

2 Samuel 7:17

Niạ dorson reakʼ sanamakʼ kathako Nathan do Dạude lạiyadea.

1 Bõsbudạ 17:16

Niạko katha ańjomkate Dạud raj do tạmbu bhitriteye boloyena ar Probhu Isor samaṅre duṛupʼkateye menkeda, “E Probhu Isor, ińge baṅ cetʼ ar ińakʼ bõsge baṅ cetʼ, am do nunạkʼ hạbicʼem ạyur ạguakadińạ.

1 Bõsbudạ 29:14

“Menkhan E Probhu Isor, iń baṅiń okoekan ar ińren hoṛ baṅko okoekan, ale do kusite nonkale dan daṛeke? Aleakʼ jotowakʼge coṅ am ṭhen khonge hijukʼkan. Am ṭhen khon okale ńamakatʼ onage ale do amle em akatʼmea.

Sereńko 8:4

Unreń hudisa, manwa doe celekante, uni reakʼem dạndikʼkana? Ar Manwa Hopon baṅe celekan, onate uniyakʼ kom moneyakʼkana?

Exodus 3:11

Menkhan Mose do Isore metadea, “Iń do nonkan celegeń baṅkana, one Pharao ṭhen senkate Misor khon Israelkoń oḍok ạgu daṛeako.”

Jesaea 37:14

Hiskiạ do pathaonakoakʼ ti khon ciṭhi hataokateye paṛhaokeda. Ona tayom uni do Probhu Isorakʼ oṛakʼte bolokate Probhu Isor samaṅre ciṭhiye samaṅkeda.

Ephesiko lạgitʼ Pạul Apostolakʼ ciṭhi 3:8

Isorren sanam hoṛko modre iń khon huḍińko ar bạnukʼkore hõ, enrehõ Mạsiyakʼ okaṭakʼ dhon reakʼ katha purạpuri baṅ bujhạukʼ, ona dhon reakʼ bhage sombat boṅgan hoṛko baḍae ocoko reakʼ bhar Isor do dayate ińgeye em akadińạ.

Bikʼcạrko 6:15

Gideone menkeda, “Menkhan E ińren Probhu Isor, iń do cekate Israelkoń bańcaokoa? Manase gusṭiko modre alege joto khon nicạṛ utạrko kanale, ar aleakʼ gharońjrenko modre hõ ińgeń huḍiń utạricʼ kana.”

Rut reakʼ kạhini 2:10

Noa katha ańjomkate Rut do ombakʼkate uni ḍobokʼ adeteye menkeda, “Dayate nunạkʼem moneyạń kan, noa do cekate hoyena? Iń doń porjạtren hoṛ kan coṅ.”

1 Samuel 15:17

Sạmuele menkeda, “Mitʼ din am do amakʼ nońjorre huḍińicʼem tahẽkana, menkhan enrehõ cetʼ Israelkoakʼ sanam gusṭikoren matha do bam hoyakana? Probhu Isorge Israel disạm cetanre raj lekateye ojokʼ bahalketʼmea.

1 Samuel 18:18

Dạud do Sạule metadea, “Iń baṅ iń celekan ar ińakʼ ghãrońj ar Israelko talare ińren ạpuńakʼ bõs baṅ cetʼkan, onate rajren jãwãe gomkeńiń hoedaṛekokʼ?”

1 Samuel 9:21

Sạule roṛkeda, “Am do cedakʼ niạ katha dom mitạń kana? Israelkoakʼ sanam gusṭiko modre Benjạmin gusṭige sanam khon huḍiń utạrakʼ kana, ar iń do ona gusṭiren hoṛ kạnạń. Arhõ Benjạmin gusṭiren tinạkʼ bõsko menakʼle onako modre aleakʼ bõsren do celegele baṅkana.”