2 Samuel 7:13 - সান্তালী বাইবেল

¹³ Amren uni hoponge ińakʼ ṭhonok lạgitʼ mitʼṭecʼ oṛakʼe benaoa. Ar uniyakʼ raj siṅghạson do jaejug hạbicʼ tahena.

2 Samuel 7:13 Iomraidhean Croise

Genesis 49:10

Ar Silote uni ạuriye hijukʼ hạbicʼ jạt jạtrenko uniyakʼ hukum ạuriko bataotae hạbicʼ, uniyakʼ raj ṭheṅga do Jihudạ bõsrege tahena; ar cakʼlao ṭheṅga do uniyakʼ gunṭhikin talare.

2 Samuel 22:51

Probhu Isor do acʼren raj ḍher dhaoe jitạu ocoyea; hẽ, acʼren ojokʼicʼ lạgitʼ Dạud ar uniren bõsko lạgitʼ uni do acʼakʼ jaejug asambheṛ dayae udukʼetʼ kana.

2 Samuel 7:16

Amakʼ bõs ar rajosṭi do am samaṅre jaejug ṭarhao akae tahena. Ar amakʼ siṅghạson do jaejug hạbicʼ tahena.’ ”

2 Samuel 7:27

“E sanam daṛeanicʼ Probhu, Israelkoren Isor, amren guti ṭhen niạ reaṅ do sodortegem menakada, ‘am lạgitʼ iń do mitʼṭecʼ bõsrenkoń benao rakapʼkoa.’ Onate am ṭhen niạ koejoṅ amren gutiyakʼ monre dil hoyakana.

1 Rapajko 2:24

Okoe do ińren ạpuńakʼ siṅghạsonreye duṛupʼ akadińạ ar acʼakʼ gokʼakʼ lekate iń lạgitʼ mitʼṭen raj bõse teṅgo akawadiń uni jiwetʼ Probhu Isor ńutumte kiriạkateń meneda, teheńge Adoniạ doe gocʼ ocokʼa.”

1 Rapajko 2:4

Enḍekhan Probhu Isor do iń ṭhen okae gokʼakatʼ ona sanamakʼe purạua. Ona gokʼakʼ do hoyokʼkana, ‘amren bõsko goṭa monte pạtiạr salakʼ iń samaṅre taṛam lạgitʼ sontorte akoakʼ jionko khemao enḍekhan Israelkoakʼ siṅghạsonre duṛubokʼ lạgitʼ amakʼ bõsre hoṛkoakʼ okulạn do baṅ hoyokʼa.’

1 Rapajko 2:45

Menkhan Solomon raj cetanre do bhor tahena, ar Dạudakʼ siṅghạson do Probhu Isor samaṅre jaejug hạbicʼ ṭarhao akan tahena.”

1 Rapajko 5:5

Ona iạte iń do ińren Probhu Isor ńutumte mitʼṭecʼ mundil iń benaoa. Probhu Isor do ińren ạpuńe metade tahẽkana, ‘amren okoeṭakʼ hopon do amakʼ siṅghạsonreń duṛube unige iń lạgitʼ mitʼṭecʼ mundile benaoa.’

1 Rapajko 6:12

“Ińakʼ katha lekam senokʼ, ar ińakʼ niạmkom pańjae ar ińakʼ sanam hukumko taberem tahen enḍekhan okaṭakʼ mundilem benaoetʼkan ona reaṅ amren ạpum ṭhen okań gokʼletʼ ona do am hoteteń purạua.

1 Rapajko 8:13

Ńitokʼ do am lạgitʼ napae okocʼ mitʼṭecʼ oṛakʼ iń benao akada; ar noa do jaejug lạgitʼ amakʼ tahen oṛakʼge hoyokʼa.”

1 Rapajko 8:15

Ona tayom uniye menkeda, “Israelkoren Probhu Isorakʼ sarhao hoyokʼtaema. Uni do ińren ạpuń Dạud ṭhen acʼakʼ mocate okae gokʼletʼ ona do acʼ apnartetʼgeye purunkeda. Uni doe menleda,

1 Rapajko 8:19

Tobe oṛakʼ do alom benaoa, ona do amren hopongeye benaoa, okoe doe amren hoponkange. Unige iń lạgitʼ oṛakʼe benaoa.’

2 Rapajko 21:4

Okaṭakʼ oṛakʼ reaṅ Probhu Isore menletʼ, “Iń do jaejug hạbicʼ Jerusalemreń tahena,” Probhu Isorakʼ ona oṛakʼre uni do pinḍkoe benaokeda.

2 Rapajko 21:7

Uni do oka Asera muṭhạne benao akatʼ tahẽkan ona do koejoṅ oṛakʼreye dohokeda. Niạ koejoṅ oṛakʼ reaṅge Probhu Isor do Dạud ar uniren hopon Solomone metatʼkin tahẽkana, “Niạ oṛakʼ ar Israelren sanam gusṭiko tala khoniń bachao akawan niạ Jerusalemge iń lạgitʼ jaejug tahen oṛakʼ iń hoeocoya.

2 Rapajko 8:19

Enhõ Probhu Isor do acʼren guti Dạudakʼ katha disạite Jihudạ marao giḍikakʼ do bae khojleda, ente uni do Dạud ar uni bõsrenko jaejug lạgitʼ mitʼṭecʼ mạli emako reakʼe gokʼade tahẽkana.

1 Bõsbudạ 28:10

Ńitokʼ do moneyakʼme, ente sekʼwae lạgitʼ mitʼṭecʼ oṛakʼ benao lạgitʼ Probhu Isor do amgeye bachao akatʼmea. Am do daṛean hoyokʼme ar kạmime.”

2 Bõsbudạ 33:4

Okaṭakʼ oṛakʼ reaṅ Probhu Isore menletʼ, “Iń do jaejug Jerusalemren tahena,” Probhu Isorakʼ ona oṛakʼre uni do pinḍkoe benaokeda.

2 Bõsbudạ 6:16

“Ńitokʼ do E Israelren Probhu Isor, amren guti ińren ạpuń Dạud ṭhen okam gokʼletʼ ona baṛe purạume. Amem menleda, uniren hoponko uni leka amakʼ ạn-ạri leka calakʼ reakʼko moneyakʼ khan Israelakʼ siṅghạsonre duṛubokʼ lạgitʼ uniyakʼ bõsren hoṛkoakʼ okulạn do baṅ hoyokʼa.

Jobakʼ 36:7

Dhorom hoṛko khon acʼakʼ mẽtʼãhã do bae ocokʼeda; uni do rapajko sãote siṅghạsonre onkoe duṛupʼetʼkoa ar jaejug lạgitʼe usul ocoyetʼkoa.

Sereńko 72:17

Uniyakʼ namḍak do jaejug hạbicʼ tahenma; siń cando tinạkʼ din marsale emokʼa unạkʼ din uniyakʼ ńutum tahentae ma. Uni hotete sanam jạtren hoṛ jemon bhorko ńam ma; ar onko do bhạganko metaema.

Sereńko 89:21

Ińakʼ daṛeanakʼ ti do uni sãote tahena; ińakʼ tige uni do daṛeye danaea.

Sereńko 89:29

Iń do uniren bõsko jaejug hạbicʼ iń doho idikoa; tinạkʼ din serma tahena unạkʼ din uniyakʼ siṅghạson hõ tahena.

Sereńko 89:4

‘amakʼ bõs do jaejug hạbicʼ iń teṅgo keṭeja; ar piṛhike piṛhi amakʼ siṅghạsoniń ṭarhao dohoya.’ ” (Sela)

Jesaea 49:8

Probhu Isor do nonkae meneda, “Bạsutakʼ okterege amiń roṛ ruạṛama ar bańcaokʼ reakʼ dinre amiń goṛowama. Iń do amiń rukhiyạmea ar am hotete hoṛko lạgitʼ mitʼṭecʼ bondobosiń dohoya, jemon disạmem teṅgo ruạṛ daṛeakʼ ar ujạṛakʼ jaegakore hoṛko arhõm ạidạri daṛeako.

Jesaea 9:6

Noa jotowakʼ do hoyokʼa, ente abo lạgitʼ mitʼṭen koṛa gidrại janamokʼa, mitʼṭen hopon do abo lạgitʼe emocokʼa. Mạliki do uniyakʼ tarenrege tahena, ar uni ńutum do hoyokʼa hahaṛa sosolhayicʼ, daṛeanicʼ Isor, jaejugren apat, ar sulukren raj.

Jesaea 9:7

Uniyakʼ mạliki reakʼ baḍhaokʼ ar suluk do baṅ cabakʼa. Uni do Dạudakʼ siṅghạson ar uniyakʼ rajosṭi cetanreye rajokʼa; uni do un okte khon jaejug hạbicʼ hok reakʼ bicạr ar dhoromte onae bandhaoa are ṭarhao utạra. Phạdkoren Probhu Isorakʼ ãṭge noae hoeocoya.

Jirimiạ 33:17

Israel reakʼ siṅghạsonre duṛubokʼ lạgitʼ Dạudakʼ bõsren hoṛ do tishõ bako khạntikʼa.

Jeheskel 37:25

Ar okaṭakʼ disạm do ińren guti Jakob iń em akawadea, ar okaṭakʼ disạmre onkoren hapṛamko girobasokʼ kan tahẽkan onḍege onko hõko girobasokʼa. Onko ar onkoren hoponko, hoponerako ar goṛom gidrạko onḍe jaejugko tahena ar ińren guti Dạud do jaejug hạbicʼ onkoren raje hoyokʼa.

Daniel 2:44

Onko rapajkoakʼ oktere sermaren Isor do mitʼṭen rajostiye teṅgoyea, ona do tishõ baṅ maraokʼa, ar ona rajosṭi do eṭakʼ jạtrenkoakʼ tire baṅ jimạkʼa; ona do onako rajosṭiye rạputʼ gejera ar acʼge jaejuge tahena.

Sakariạ 6:12

Arem metaea, phạdkoren Probhu Isore meneda, ‘nuige uni hoṛ do, one uniyakʼ ńutum do dare reakʼ kahle kan; uni do acʼakʼ ṭhạ̃i khone hara rakabokʼa ar Probhu Isorakʼ oṛakʼe benaoa.

Sakariạ 6:13

Hẽ, unige Probhu Isorakʼ oṛakʼe benaoa. Uni do rajakʼ manote emocokʼa ar acʼakʼ siṅghạsonre duṛupʼkateye ḍanṭaokoa. Uni do mitʼṭecʼ naeke lekate siṅghạsonreye duṛupʼa ar onate noakin banar hudạ talare begartetʼ do baṅ tahena.’

Mathae 16:18

Ińiń metam kana, am dom Patras kana, ar noa dhiri cetanrege ińakʼ manḍereń benao rakaba. Norok reakʼ oka daṛege onare bae jitạu daṛeakʼa.

Ibriko 3:3

Oṛakʼ bekʼnaokạnicʼ do cetʼleka ona oṛakʼ khon bạ̃ṛti manote ńametʼkan, onkaleka Isor do Mose khon hõ Jisuge bạ̃ṛti ṭhonok ńam lek kanae menteye hudiskedea.

1 Patras 2:5

ar uni ṭhenpe hecʼakante jiwetʼ dhiri leka ape hotete Isorakʼ tahen oṛakʼ do benaokʼ kana. Onate naeke lekate Isor lạgitʼpe begar ocoakana, jemon nonkan sanam jiuanakʼ dãṛẽpe samaṅ one okaṭakʼ do Jisu Mạsi hotete Isorre kusiyakʼ leka hoyokʼ.