2 Samuel 7:12 - সান্তালী বাইবেল

¹² Amakʼ bahaokʼ dinko mucạtʼlen khan am do amren hapṛamko ṭhenem calakʼre am bodolte am bõsren mitʼ hoṛ, amren hopongeń duṛubea ar uniyakʼ rajosṭiyiń ṭarhaotaea.

2 Samuel 7:12 Iomraidhean Croise

Genesis 15:4

Unre Probhu Isor do Abram metadea, “Baṅa, uni do bae hoyokʼa. Amren hoponge amakʼ sompottiren ạidạriyicʼe hoyokʼ.”

2 Samuel 22:51

Probhu Isor do acʼren raj ḍher dhaoe jitạu ocoyea; hẽ, acʼren ojokʼicʼ lạgitʼ Dạud ar uniren bõsko lạgitʼ uni do acʼakʼ jaejug asambheṛ dayae udukʼetʼ kana.

1 Rapajko 1:21

Ar baṅkhan ińren mạlik maharaj do tinre acʼren hapṛamko ṭhene senokʼa unre iń ar ińren hopon Solomon do dusi hoṛ menteko hudislińạ.”

1 Rapajko 2:1

Dạudakʼ gujukʼ okte sor hecʼentae khan uni do acʼren hopon Solomon noako sikhạuna emadeteye metadea,

1 Rapajko 2:10

Inạ tayom Dạud do acʼren hapṛamko ṭhene calaoena ar uni do Dạudakʼ nagrahareko topakedea.

1 Rapajko 2:4

Enḍekhan Probhu Isor do iń ṭhen okae gokʼakatʼ ona sanamakʼe purạua. Ona gokʼakʼ do hoyokʼkana, ‘amren bõsko goṭa monte pạtiạr salakʼ iń samaṅre taṛam lạgitʼ sontorte akoakʼ jionko khemao enḍekhan Israelkoakʼ siṅghạsonre duṛubokʼ lạgitʼ amakʼ bõsre hoṛkoakʼ okulạn do baṅ hoyokʼa.’

1 Rapajko 5:5

Ona iạte iń do ińren Probhu Isor ńutumte mitʼṭecʼ mundil iń benaoa. Probhu Isor do ińren ạpuńe metade tahẽkana, ‘amren okoeṭakʼ hopon do amakʼ siṅghạsonreń duṛube unige iń lạgitʼ mitʼṭecʼ mundile benaoa.’

1 Rapajko 8:15

Ona tayom uniye menkeda, “Israelkoren Probhu Isorakʼ sarhao hoyokʼtaema. Uni do ińren ạpuń Dạud ṭhen acʼakʼ mocate okae gokʼletʼ ona do acʼ apnartetʼgeye purunkeda. Uni doe menleda,

1 Rapajko 8:19

Tobe oṛakʼ do alom benaoa, ona do amren hopongeye benaoa, okoe doe amren hoponkange. Unige iń lạgitʼ oṛakʼe benaoa.’

1 Rapajko 8:20

‘Probhu Isor do acʼakʼ gokʼakʼe purạu akada. Ińren ạpuń oka hudạreye tahẽkan iń do ona hudạgeń ńam akada. Probhu Isorakʼ gokʼakʼ lekate iń do Israelkoakʼ siṅghạsonreń duṛupʼ akana ar Israelren Probhu Isor lạgitʼ niạ oṛakʼ iń benao akada.

1 Rapajko 9:5

enḍekhan iń do jaejug hạbicʼ Israelko cetanre amakʼ siṅghạson iń teṅgo keṭejtama. Niạ katha do amren ạpum Dạud ṭhen hõń gokʼletʼ tahẽkana, ‘Israelakʼ siṅghạsonre duṛubokʼ lạgitʼ amakʼ bõsren hoṛkoakʼ okulạn do baṅge hoyokʼa.’

2 Rapajko 8:19

Enhõ Probhu Isor do acʼren guti Dạudakʼ katha disạite Jihudạ marao giḍikakʼ do bae khojleda, ente uni do Dạud ar uni bõsrenko jaejug lạgitʼ mitʼṭecʼ mạli emako reakʼe gokʼade tahẽkana.

1 Bõsbudạ 17:11

Amakʼ bahaokʼ dinko mucạtʼlen khan am do amren hapṛamko ṭhenem calakʼre am bodolte am bõsren mitʼ hoṛ, amren hopongeń duṛubea ar uniyakʼ rajosṭiyiń ṭarhaotaea.

2 Bõsbudạ 1:9

E Probhu Isor, ińren ạpuń Dạud ṭhen okam gokʼ akatʼ ona baṛe ńitokʼ purạume, ente nonkan mitʼ jạtrenko cetanrem raj akadińạ okoe do dhạrtiren dhuṛi leka ohoko lekha caba daṛelen.

2 Bõsbudạ 13:5

Ape do cetʼ bape baḍaea, Israelren Probhu Isor do jaejug reakʼ bondobos hotete Dạud ar uni bõsren hoṛko ṭhen jaejug hạbicʼ Israelko lạgitʼ raj hudại emakada mente?

2 Bõsbudạ 21:7

Enhõ Probhu Isor do Dạud lạgitʼ okae bondobose bandhaoletʼ onate uniyakʼ bõsko do bae marao utạrleda. Uni do Dạud ar uni bõsrenko jaejug lạgitʼ mitʼṭecʼ mạli emakoa menteye gokʼletʼ tahẽkana.

2 Bõsbudạ 6:15

Amren guti ińren ạpuń Dạud ṭhen okam gokʼletʼ am do onam purạu akada. Ar mocate okam menletʼ kạmite hõ onam purạu akada, ar ona do ale hõle ńeletʼ kana.

2 Bõsbudạ 6:9

Tobe oṛakʼ do alom benaoa, ona do amren hopone benaoa, one okoe doe amren hoponkan. Unige iń lạgitʼ ona oṛakʼe benaoa.’

Sereńko 89:29

Iń do uniren bõsko jaejug hạbicʼ iń doho idikoa; tinạkʼ din serma tahena unạkʼ din uniyakʼ siṅghạson hõ tahena.

Jesaea 11:10

Enhilokʼ Jesaea reakʼ kahle do sanam jạtrenko lạgitʼ mitʼṭecʼ jhạnḍi lekae teṅgona; ar sanam jạtrenko do uni ṭhenko jarwakʼa ar uniyakʼ ṭhạ̃i do ṭhonokanakʼ hoyokʼtaea.

Jesaea 9:7

Uniyakʼ mạliki reakʼ baḍhaokʼ ar suluk do baṅ cabakʼa. Uni do Dạudakʼ siṅghạson ar uniyakʼ rajosṭi cetanreye rajokʼa; uni do un okte khon jaejug hạbicʼ hok reakʼ bicạr ar dhoromte onae bandhaoa are ṭarhao utạra. Phạdkoren Probhu Isorakʼ ãṭge noae hoeocoya.

Jirimiạ 33:17

Israel reakʼ siṅghạsonre duṛubokʼ lạgitʼ Dạudakʼ bõsren hoṛ do tishõ bako khạntikʼa.

Daniel 12:2

Ar unre dhạrti reakʼ otreko jạpitʼ akatʼ alekha hoṛ doko ebhenokʼa; ar adomko do jaejug jiwetʼ tahen lạgitʼko beretʼa, arhõ adomko doko beretʼa lajao ar jaejug hirkhạwanko hoyokʼ lạgitʼ.

Mathae 1:1

Jisu Mạsi do Dạudakʼ bõsren ar Dạud do Abraham bõsren hoṛe tahekana. Jisu Mạsiyakʼ bõsbudạ do nonkaleka.

Luk 1:32

Uni do maraṅe hoyokʼa. Ar maraṅ Isorren Hopone ńumogokʼa. Probhu Isor do uniren hapṛam Dạudakʼ siṅghạsone emaea.

Luk 24:27

Inạ tayom uni do Moseyakʼ ar joto nạbikoakʼ olakʼ khon ehopʼkate sanam sonot sostorre acʼ reaṅ okako olakan ona jotoe bujhạuatʼkinạ.

Aposkạmi 13:36

“Dạud do ona piṛhiren hoṛko modre Isorakʼ monejoṅakʼe purạuketʼ tayome gocʼena. Ar uniren hapṛamko sãoteko topakede khan uniyakʼ hoṛmo do nosṭoyena.

Aposkạmi 2:30

Uni do mitʼṭen nạbiye tahẽkana, are baḍaekan tahẽkana Isor do kiriạkate noae gokʼade tahẽkana je, uniyakʼ siṅghạsonre uni bõsrenge mitʼṭen hoṛe duṛubea.

1 Korinthiko 15:51

Ańjompe, iń do mitʼṭecʼ okoakʼ iń lạiyape kana. Sanamkoge bon gujukʼa ona do baṅa, menkhan bon pheraokʼa; ṭuṅ ghuṛite, mitʼ ripitʼrege, ses siṅgạ reakʼ saḍetege, ente siṅgạ saḍekʼa ar gocʼko do bin seageko jiwetʼ beretʼ ocokʼa ar abo do bon pheraokʼa.

Dosar Biboron 31:16

Probhu Isor do Moseye metadea, “Am do amren hapṛamko ṭhen giticʼ lạgitʼem calakʼkana, menkhan noko hoṛ okaṭakʼ disạmko bolo lạgidokʼkan onḍe onko do ạnạṛi deb debi ṭhenko ạkhrińokʼa arko laṭghaṭa. Onko do ińko bạgiyińạ ar oka bondobosiń doholetʼ ona hõko rạpuda.

1 Thessalonikikko 4:14

Jisui gocʼlena are jiwetʼ beretʼena mente bon pạtiạukʼkanre abo do noa hõ bon pạtiạukʼ kana, okoe Jisu tulucʼ kolom mitʼkateko gocʼ akan Isor do onko hõ Jisu sãoteye idikoa.