2 Samuel 6:2 - সান্তালী বাইবেল

² Dạud ar uniren sanam hoṛko Isorakʼ Sinduk do Bakʼale Jihudạ khon Jerusalemte idi lạgitʼ Bakʼal Jihudạ khonko mohnḍayena. Niạ sinduk do sanam daṛeanicʼ Probhu Isor ńutumte oprom tahẽkana, ente Probhu Isor do sindukren Kerub kin talareye tahẽnkana.

2 Samuel 6:2 Iomraidhean Croise

2 Samuel 22:11

Uni do Kerubre decʼkateye uḍạu hecʼena, ar hoe reakʼ phạ̃kṛạ̃kʼteye ạphir hecʼena.

Sereńko 80:1

E Israelren gupiyicʼ, am do aleakʼ katha luturakʼme; am do Joseph bõsrenko bhiḍi pal lekam ạyuretʼkoa. Am, one Kerub cetanrem duṛupʼ akan, ar amakʼ marsal baṛe bamber ocoyme.

Sereńko 99:1

Probhu Isor doe raj kana; sanam jạtrenko thar tharaokʼma. Uni do Kerubkin cetan siṅghạsonreye duṛupʼ akana; ar dhạrti do dalmalaokʼma.

Jesaea 47:4

Aboren babańcaoicʼ do Israelren uni sonoticʼ kanae; uniyakʼ ńutum do phạdkoren Probhuge.

Jesaea 54:5

Amren sisirjạuicʼge amren jãwãe do, uniyakʼ ńutum do phạdkoren Probhuge; Israelren uni sonoticʼge amren chakʼḍaoicʼ do. Unige goṭa dhạrtiren Isore ńum ocokʼkana.

Josuạ 15:60

Kiriat-Bakʼal, metakʼme Kiriat-Jearim ar Raba. Niạ barea nagraha ar ona aḍepase reakʼ atokoko ńamleda.

1 Patras 1:12

Menkhan Isor doe udukʼatʼko tahẽkana je, onko okako kathako menletʼ ona hotete apnar lạgitʼ sapʼsor baṅkate apegeko sapʼsoratʼpe tahẽkana. Serma khon kolocoyicʼ sonot Jiuakʼ ạyurte okoe ape ṭhen Mạsi reaṅ bhage sombatko porcarakatʼ onko do nạbikoakʼ kathage apeko baḍae ocoakatʼpea. Ar serma goḍetko hõ noako reaṅ baḍaejoṅ lạgitʼgeko gagojlena.

1 Samuel 4:4

Onate onko do Silote hoṛ kolkate sanam daṛean Probhu Isor, okoe do Kerubkin talareye tahenkan, uniyakʼ goha sindukko ạgukeda. Isorakʼ ona goha sinduk sãote Eliren hopon Hopni ar Pinehas tạkin hõkin tahẽkana.

1 Samuel 6:21

Ona tayom onko thoṛa hoṛkoante Kiriạt-Jearimren hoṛko ṭhenko roṛgotʼkada, “Philisṭiko do Probhu Isorakʼ sindukko ruạṛgotʼ akada. Ar pheḍ hijukʼte sinduk do ape ṭhen idipe.”

1 Samuel 7:1

Unre Kiriat-Jearimren hoṛko do hecʼkate Probhu Isorakʼ sindukko idikeda. Onko do sinduk idikate buru cetan reakʼ akoakʼ nagrahare Abinadabakʼ oṛakʼreko dohokada ar ona ńel todarot lạgitʼ Abinadabren hopon Eleasar do Probhu Isor ńutumteko begarkedea.