2 Samuel 5:9 - সান্তালী বাইবেল

⁹ Inạ tayom Dạud do ona gaṛre girobasokʼe ehopʼena ar ona reakʼ ńutum do Dạud nagrahae dohokeda. Millo khon ehopʼkate ona gaṛ reakʼ beṛhaete uni do nagrahae benaokeda.

2 Samuel 5:9 Iomraidhean Croise

2 Samuel 5:7

Menkhan Dạud do Sion reakʼ gaṛe hatkeda; onate ona do Dạud nagrahako ńutumkeda.

2 Samuel 5:8

Enhilokʼ Dạude menletʼ tahẽkana, “Jãhãege, Jebusiạko, metatʼme onko kãṛãko ar leḍhako hạnkoe menetʼ khan uni do dakʼ nalako secʼte calakʼ hoyokʼtaea. Iń do onkoń hirkhạwako kana.” Ona iạte hoṛkoko mena, “Kãṛã ar leḍhako do Probhu Isorakʼ oṛakʼte bako bolo daṛeakʼa.”

2 Samuel 6:10

Unre Dạud do Probhu Isorakʼ sinduk acʼakʼ nagrahate ạgu bae rebenlena. Uni do ona Gatren Obed-Idomakʼ oṛakʼreye doho oṭokada.

1 Rapajko 11:27

Raj upạrte Jerobiamakʼ hul reakʼ do mitʼṭecʼ karon tahẽkana. Solomon do Milo nagraha tinreye benaoetʼ tahẽkana ar acʼren apat Dạudakʼ nagraha reakʼ pạcrikoe jut aro ocoyetʼ tahẽkana.

1 Rapajko 2:10

Inạ tayom Dạud do acʼren hapṛamko ṭhene calaoena ar uni do Dạudakʼ nagrahareko topakedea.

1 Rapajko 9:15

Solomon raj do Probhu Isorakʼ oṛakʼ, acʼakʼ raj dolan, Milo, Jerusalem reakʼ pạcri, Hasor, Megido ar Geser benao lạgitʼ ạḍi utạr hoṛko kạmireye jormoṭketʼkoa.

1 Rapajko 9:24

Pharaoren hoponera do Dạud nagraha bạgikate acʼ lạgitʼ benao akatʼ raj dolanteye hecʼen khan Solomon do Milo nagrahae benaokeda.

2 Rapajko 12:20

Uniren gutikin do uni upạrte soṛojontrokate Silla calakʼ horre Bet-milore unikin gocʼkedea.

2 Rapajko 12:21

Okoe gutikin unikin gocʼlede unkin dokin hoyokʼkana Simeatren hopon Josakar ar Somerren hopon Jehosabad. Joase gocʼen khan Dạud nagrahare acʼren hapṛamko sãoteko topakadea. Ar uniyakʼ jaegare acʼren hopon Amasiạ do raje hoyena.

1 Bõsbudạ 11:8

Uni do Millo ṭhen nagrahae benao rakapʼkeda ar Joab nagraha reakʼ sarecʼakʼ hĩskoe jut arokeda.

2 Bõsbudạ 32:5

Hiskiạ do pạcri reakʼ joto rạputʼ akan hĩsko ar usul pahra oṛakʼkoe jut aro ocoketʼteye keṭecʼkeda. Ona chaḍa pạcri bahrete uni do ar mitʼṭecʼ bhite benaokeda ar Dạud nagraha reakʼ Miloye kajakkeda. Uni do ạḍi utạr khanḍa bhanḍa ar ḍhalkoe benao ocokeda.

Nehemiạ 3:15

Mispa jilạren subedar Kolhosren hopon Salum do dakʼ jharna duạre jut arokeda. Uni do onare chade benaoada ar ona reakʼ silpiń, khil ar huṛkạṛkoe lagaoada. Rajakʼ bagwan aṛere Sela pukhri reakʼ pạcri khon ehopʼkate Dạudakʼ nagraha khon okaṭakʼ siṛhi do latarte pheḍ hecʼ akan tahẽkan ona hạbicʼe jut arokeda.

Sereńko 122:3

Ona Jerusalem do mitʼṭecʼ mońj nagraha leka benao rakapʼ hoyakana, onare jãhãn dhaṅdhaserge bạnukʼa.

Jesaea 29:1

Hae, Ariel, E Ariel, Dạudakʼ tahen ṭhạ̃i reakʼ nagraha! Am do bochor bochorgem juṭicʼakʼ kana ar amakʼ porobko do ạcur ạcurte hecʼ ruạṛokʼ kana.

Bikʼcạrko 9:20

Menkhan bape onka akatʼ khan Abimelek bhitri khon seṅgel oḍokʼ hijukʼte apeko, metakʼme Sikemren ar Bet-Miloren hoṛkoe atarpea; metakʼme Sikemren ar Bet-Miloren hoṛko khon hõ seṅgel oḍok hijukʼte Abimeleke lo torojea.”

Bikʼcạrko 9:6

Ona tayom Sikem ar Bet-Miloren sanam hoṛko mitʼente Sikem reakʼ khunṭi ṭhen Elon dare aṛere senkate Abimelekko rajkedea.