2 Samuel 5:2 - সান্তালী বাইবেল

² Sạul do aleren raje tahẽkanre Israelkoren lạṛhại phạdko do amgem ạyuretʼko tahẽkana; ar Probhu Isor do amgeye metatʼme tahẽkana acʼren hoṛko, metatʼme Israelko ńel todarotkom ar onkoren mukhiyạ hoyokʼme.”

2 Samuel 5:2 Iomraidhean Croise

Genesis 49:24

Menkhan uniyakʼ akʼ do keṭecʼge tahẽkana ar uniyakʼ tikin reakʼ sopo hõ jojosakʼge, ente Jakobren Isorakʼ daṛeanakʼ ti do unire menakʼa. Ar uni tayomre do uni gukʼpiyicʼ menaea, Israel reakʼ ona dhirige.

2 Samuel 6:21

Dạud do Mikale metadea, “Iń do Probhu Isor samaṅrege onań onka akada. Uni do acʼren hoṛko samaṅre, metatʼme Israelko cetanre cakʼlaoicʼ menteye ojokʼ bahalko lạgitʼ amren ạpum se uniyakʼ gharońjren okoege bae bachaoletʼkoa menkhan ińgeye bachao akadińạ. Ona iạte iń do Probhu Isor samaṅreń rạskạkʼ kana.

2 Samuel 7:7

Okoe nạbiko cetanre ińren hoṛko jotonko lạgitʼ bhariń ematʼko tahẽkan, ar Israelko sãote judạ judạ jaegare ạcur baṛaekan tahẽkan jokhecʼ okoe mukhiyạ hõ bạń metatʼko tahẽkana, cedakʼ debdạru reakʼ kaṭte iń lạgitʼ oṛakʼ bape benaoeda.’

2 Samuel 7:8

“Ńitokʼ ińren guti Dạud metaeme, sanam daṛeanicʼ Probhu Isor do niạ kathae meneda, ‘ińren hoṛ do Israelkoren cakʼlaoyicʼ hoyokʼ lạgitʼ ińge gupi ṭạnḍi khon, bhiḍi palrenko tayom khoniń ạgu akatʼmea.

2 Rapajko 20:5

“Am do ruạṛ senkate ińren hoṛkoren mukhiyạ Hiskiạm metaea, amren hapṛam Dạudren Probhu Isor do niạ kathae meneda, ‘iń do amakʼ koejoṅiń ańjom akada ar amakʼ mẽtʼ dakʼ iń ńelakada. Iń do amiń bogemea. Ar ńitokʼ khon pe din hilokʼre am do Probhu Isorakʼ oṛakʼtem calakʼa.

1 Bõsbudạ 11:2

Sạule rajokʼkan tahẽkanre amge Israelren lạṛhại phạdkom ạyuretʼko tahẽkana; ar amren Probhu Isor doe men akatʼmea amge jemon uniren hoṛko, metakʼme Israelkom ńel todarotkoa ar onkoren mukhiyạm hoyokʼa.”

2 Bõsbudạ 1:10

Iń do bud ar ạkil imạńme jemon ińakʼ dạyikiń purạu daṛeakʼ, ente amren noko maraṅ jạtrenko ḍanṭaoko reakʼ daṛe do okoeyakʼ menakʼa?”

Jesaea 40:11

Uni do gukʼpiko leka acʼren bhiḍikoe gupikoa, bhiḍi hoponkoe hobor samṭaokoa ar hoborkateye idikoa, hopon menakʼkotako eṅga do bại bạiteye sotokʼ idikoa.

Jesaea 55:4

Ńelpe, jạt jạtrenko lạgitʼ uni do mitʼṭecʼ goha lekań teṅgo akadea, hoṛkoren mitʼṭecʼ ạyuricʼ ar cakʼlaoicʼge.

Jeheskel 34:23

Onko cetanre mitʼṭen gukʼpiyicʼ, metakʼme ińren guti Dạudiń ojokʼ bahalea; uni acʼge onkoe ńel todarotkoa ar onkoren gukʼpiyicʼe hoyokʼa.

Mikạ 5:4

Ar uni disạm cakʼlaoicʼ do hecʼkate Probhu Isorakʼ daṛete, acʼren Probhu Isorakʼ ṭhonokte uni do gukʼpiyicʼ leka acʼren hoṛkoe ạyurkoa. Onko do khạtirjomako girobasokʼa, ente uni doe maraṅ utạricʼkan ona katha do unre dhạrti reakʼ ses simạ hạbicʼko aṅgoca;

Mathae 2:6

‘E Jihudạ reakʼ Betlehem, am do Jihudạren ạkʼyurko khon oka secʼte hõ bam huḍińa, ente am bhitri khon nonkan mitʼṭen ạyuricʼe oḍokokʼa, okoe do ińren Israel jạtrenkoe ạyurko.’ ”

Johan 10:11

“Boge gupiyicʼ do ińge. Boge gupiyicʼ do acʼren bhiḍiko lạgitʼ acʼakʼ jiwiye alaetaea.

Ibriko 2:10

Sanamakʼ do Isor lạgitʼ kangea ar uni hotetege sanamakʼ do hoyakana. Onate ạḍi utạr hoponko acʼakʼ mạhimaren bhạgiyạdarko hoyocoko lạgitʼ Jisu do duk jom talate sạbit ocoye reakʼ lek tahẽkantaea.

1 Samuel 13:14

Menkhan ńitokʼ amakʼ rajokʼ do ḍher din baṅ ṭikạu tahena. Probhu Isor do acʼakʼ kusileka mitʼṭen hoṛe ńam akadea ar unige acʼren hoṛkoren mukhiyạ menteye bahal akadea, ente uniyakʼ hukum do bam ańjom akada.”

1 Samuel 16:1

Probhu Isor do Sạmuele metadea, “Sạul do Israelkoren raj mente doń nihạ̃t giḍiakadea, onate am do ar tinạkʼ din uni lạgitʼem dukokʼa? Am do ńitokʼ dereńre sunum hataokate oḍokokʼme. Ente iń do Bethlehem atoren Jisại ṭheniń kolmea. Uniren hoponko mod khon iń ńutumte mitʼṭen raj hoyokʼ lạgitʼ iń bachao dohoakadea.”

1 Samuel 18:13

Ona iạte Sạul do acʼ ṭhen khon Dạude pharakkedea ar hajarko cetanre subedare bahalkedea. Onate Dạud do lạṛhại phạdkoren mukhiyại hoyena ar disạm hoṛko samaṅreye oḍok bolokʼkan tahẽkana.

1 Samuel 18:16

Menkhan Israel ar Jihudạren sanam hoṛ do Dạudko dulạṛede tahẽkana, ente lạṛhại phạdkoren mukhiyại hoyente disạm hoṛko talareye bolo oḍokokʼkan tahẽkana.

1 Samuel 18:5

Ar Sạul do Dạud jãhãtegeye kolkaekan tahẽkan onḍegeye calakʼkan tahẽkana ar bud salakʼe kạmi purạuetʼ tahẽkana. Ona iạte Dạud do lạṛhạiko cetanreye dohokedea. Onate sanam hoṛ do unireko kusiyena ar onko sãote Sạulren kạmiyạko hõ.

1 Samuel 25:28

Amren kạ̃ṛmĩyakʼ behokakʼ do dayakate ikạkakʼme. Probhu Isor do khạṭige ińren mạlikakʼ bõse teṅgo ṭarhaoa, ente uni do Probhu Isorakʼgeye lạṛhại kana. Ar ńit hạbicʼte amre cetʼ bạṛicʼakʼge baṅ ńel akana ar baṅ ńamokʼa.

1 Samuel 25:30

Probhu Isor do ińren mạlikakʼ bhạlại reakʼ gokʼakʼe purạutaea ar Israelren mukhiyạ lekateye teṅgo ṭarhaoea.

1 Samuel 9:16

“Gapa niạ jokhecʼ Benjạmin gusṭiren mitʼṭen hoṛ do am ṭheniń kolea. Ar am do ińren hoṛko metakʼme Israelkoren mukhiyạ hoyokʼ lạgitʼ unigem ojokʼ bahalea. Unige Philistikoakʼ ti khon ińren hoṛkoe bańcaokoa. Iń do ińren hoṛko secʼ iń moneakada, ente onkoakʼ rakʼjoṅakʼ do ińakʼ lutur hạbicʼ seṭer akana.”