2 Samuel 4:11 - সান্তালী বাইবেল

¹¹ Enḍekhan mitʼṭen bindusạn hoṛ okoe do uniyakʼ oṛakʼre bolokate aṭetʼreye khũn akade, uni bạṛicʼ hoṛ cetʼ artetʼge bạń sạjạiyea. Ona iạte iń do apeakʼ ti khon uniyakʼ mãyãm reakʼ iń hala hạliya ar dhạrti khon apeń meṭao cabapea.”

2 Samuel 4:11 Iomraidhean Croise

Genesis 4:11

Ar ot hõ amren boehawakʼ mãyãm ataṅ lạgitʼ moca bae jhicʼetʼte jumi reakʼ sarap do amrege paṛaoena.

Genesis 6:13

Noa ńelte Isor do Nohae metadea, “Manwa jạtrenko doń maraokoa. Ente dhạrti do onkoakʼ santao ar behokte perecʼ akana. Iń do manwa sãote dhạrti reakʼ jotowakʼiń marao giḍikakʼa.

Genesis 7:23

Isor do otren sanam jiwiyanko dhạrti khone ḍahao marao cabaketʼkoa. Onate manwako, janwarko, leńokʼ ṭunḍạṅko ar coṭren cẽṛẽko do dhạrti khonko marao cabayena. Eken Noha ar uni sãote tinạkʼ do jahajreko tahẽkan onkoge jiwetʼko tahẽyena.

2 Samuel 16:8

Okoeyakʼ ṭhạ̃irem rajokʼkan uni Sạul bõsren sanam hoṛkoakʼ mãyãm reakʼ Probhu Isor do amreye hala akada. Ar Probhu Isor do amakʼ ona rajosṭi amren hopon Absalome emakawadea. Am dom khũniyạhi kana ar onatege nonkan dosarem paṛao akana.”

2 Samuel 3:27

Abner do Hebronteye ruạṛ hecʼena khan Joab do uni sãote oko okote galmaraoae reaṅ cholte nagraha reakʼ phaṭok talareye idikedea. Ar ona tayom do lacʼre sobokʼ kedeteye gocʼkedea. Nonkate uni do acʼren boeha Asahelakʼ mãyãm reakʼe halakeda.

2 Samuel 3:39

Raj lekate ińiń ojokʼ bahal oco akanrehõ teheń iń doń nijorena ar Seruyaren hoponko bạń dormoj daṛeako kana. Probhu Isorge behoketʼkoakʼ kuṛại doe emakoma.”

1 Rapajko 2:32

Ar uni tinạkʼ mãyãme joro ocoakatʼ ona reakʼ do Probhu Isorgeye hala ruạṛaea, ente ińren ạpuń begor baḍae ocoyete uni do bar hoṛe gocʼketʼkinạ. Unkin do lạṛhại phạdkoren senaputi Nerren hopon Abner ar Jihudạ lạṛhại phạdkoren senaputi Jether ren hopon Amasa.

Sereńko 109:15

Onako do jao okte Probhu Isor samaṅre tahenma, jemon uni do dhạrti khon onkoakʼ disạ hõe maraotako.

Sereńko 9:12

ente mãyãm reakʼ okoeye hala hạliy uni do gocʼ ocoakan hoṛko hõ bae hiṛiń akatʼkoa, ar dukokʼ kankoakʼ rakʼ joṅ hõ bae ḍhilạutakoa.

Exodus 21:12

“Jãhãege mitʼṭen hoṛe dale ar ona iạte uni hoṛe gocʼlen khan tobe uni dadalicʼ hoṛ hõ khạṭigeye gocʼ ocokʼa.

Exodus 9:15

Iń do ińakʼ daṛeń uduga ar amren hoṛko cetanre nonkan mahamạriń kola onate dhạrti khonpe marao utạrokʼa.

Kạhtukko 2:22

menkhan disạm khon bạṛicʼko doko kaman ocokʼa ar bepạtiạrko doko or totʼ giḍi ocokʼa.

Kạhtukko 25:26

Boḍe akatʼ ḍạḍi ar kharapakʼ jharna leka kanae, uni dhorom hoṛ okoe do bedhoromicʼ samaṅreye lewekʼkan.

Jirimiạ 10:11

Hoṛko metakope, noko debota do ot ar serma bako sirjạuakada; onko do pirthimi khon ar serma latar khonko marao utạrokʼa.

Habakkuk 1:12

E Probhu, ińren Isor, ińren sonoticʼ, am do cetʼ jaejug tahenkạnicʼ dom baṅkana? Ale do ohole marao utạrlena. E Probhu Isor, ale sạjạile iạtege am do Babelrenkom bachao akatʼkoa; E asray buru, ale sạjạile lạgitʼge onko dom teṅgo akatʼkoa.

Habakkuk 1:4

Ạn-ạriko nijor idikʼkana ar dhorom reakʼ bicạr do baṅge hoyokʼkana. Dhorom hoṛko khon dusṭạmi hoṛkoakʼ ektiạrige ḍherokʼkante bicạr do ulṭạukʼkana.

1 Johan 3:12

Onateń meneda, Kạin leka jemon alo bon hoyokʼma. Kạin do Soetanren hoṛe tahẽkana uni do acʼren boehae khũnledea. Menkhan cedakʼe khũn ledea? Ente uni do bạṛicʼakʼkoe kạmiyetʼkan tahẽkana, ar uniren boeha do dhorome kạmikan tahẽkana.