2 Samuel 4:1 - সান্তালী বাইবেল

¹ Abner do Hebronreye gocʼena menteye ańjomketʼ khan Sạulren hopon Isboset do dile atʼketʼtaea ar Israelko hõ botor caṛhaoatʼkoa.

2 Samuel 4:1 Iomraidhean Croise

2 Samuel 17:2

Ente tinre uni do laṅga ar lorao akane tahena unrege uni cetanre jhãpiń ema. Ar nunạkʼ botoriń udukʼaea, acʼ sãoten hoṛ hõ botorteko dạṛ pạnḍuja. Unre eken raj eskargeń gojea,

2 Samuel 2:8

Onako dinre Sạulakʼ lạṛhại phạdren senaputi Ner hopon Abner do Sạulren hopon Isaboth jordan gaḍa hanasa Mahaniạmteye idiakade tahẽkana.

2 Samuel 3:27

Abner do Hebronteye ruạṛ hecʼena khan Joab do uni sãote oko okote galmaraoae reaṅ cholte nagraha reakʼ phaṭok talareye idikedea. Ar ona tayom do lacʼre sobokʼ kedeteye gocʼkedea. Nonkate uni do acʼren boeha Asahelakʼ mãyãm reakʼe halakeda.

Esra 4:4

Unre onkoakʼ disạmreko girobasokʼ kan eṭakʼ eṭakʼ jạtrenko do Jihudạren hoṛkoakʼ tiko lạbṛukʼ ketʼtakoa ar botor udukʼakoko ehopʼena jemon ona oṛakʼ aloko benao daṛeakʼ.

Nehemiạ 6:9

Onko do aleakʼ kạmi bond lạgitʼte niạ katha iạte botor udukʼ aleko kurumuṭuiyetʼ tahẽkana. E Isor, ńitokʼ do ińakʼ tire daṛe emokʼme.

Jesaea 13:7

Ona iạte hoṛkoakʼ ti do lạbṛugokʼa ar sanam hoṛ do dilko adtakoa.

Jesaea 35:3

Lebṛecʼ ti do keṭecʼ ocoytape; ar lakaṛ lukuṛ gunṭhi hõ kajaktape.

Jirimiạ 50:43

Babelren raj do onko babotre khobore ańjom akada ar uniyakʼ ti do lạbṛukʼ akantaea. Ar bedonokʼkan maejiu lekage haso rakapʼ akawadea.

Jirimiạ 6:24

Onko reaṅ khoborle ńamakada ar onate aleakʼ ti do lạbṛugokʼkantalea. Ale do hasotele thakao akana; bedonokʼkan maejiu lekage haso rakapʼ akawatʼlea.

Sephaniạ 3:16

Enhilokʼ am dom men ocokʼa, “E Sion kuṛi alom botorokʼa, ar alogem as chuṭạukʼa.