2 Samuel 3:9 - সান্তালী বাইবেল

^9-10 Probhu Isor do Dạud ṭhen kiriạkate okaṭakʼe gokʼletʼ onka iń bạń kạmi, metatʼme Sạulakʼ bõs khon rajosṭi hataokate Dan khon Berseba hạbicʼ Israel ar Jihudạ cetanre Dạudakʼ siṅghạson bạń teṅgoe enḍekhan Isor do Abner sạjạiye emaema ar ona do ạḍi bạṛicʼ sạjạige.”

2 Samuel 3:9 Iomraidhean Croise

2 Samuel 19:13

Ape do Amasa iń reakʼ niạ kathape metaea, ‘am do cetʼ ińakʼ jel ar jaṅ dom baṅ kana? Isorre kiriạkateń metam kana, ńit khon am do Joab bodolte ińren lạṛhại phạdkoren subedarem hoyokʼa.’ ”

2 Samuel 19:14

Nonkate Dạud do Jihudạren sanam hoṛkoakʼ mon do mitʼṭen hoṛakʼ mon lekae lạbitʼ ocoketʼtakoa. Ar niạ katha raj ṭhenko roṛ gotʼkada, “Am ar amren sanam gutiko ma ruạṛ hijukʼpe.”

2 Samuel 3:35

Bela tahenrege jemon Dạud jãhãnakʼe jom ona lạgitʼ hoṛko do uniko jormoṭkedea; menkhan Dạud do kiriạkateye menkeda, “Siń candoe hạsurokʼ lahare piṭhạ se eṭakʼ jãhãnakʼ iń jom enḍekhan Isor do sạjạiye imạńma ar ona do bạṛicʼ sạjạige.”

1 Rapajko 19:2

Ar Isebel do sanam katha ańjomkate hoṛ kolkate Eliạ ṭhene roṛ gotʼkada, “Gapa niạ okte bhitrite amakʼ jiwi onko hoṛkoakʼ leka bạń hoyocoe enḍekhan debotako jemon sạjạiko emạń ar ona do ạḍi bạṛicʼ sạjạige.”

1 Rapajko 2:23

Inạ tayom Solomon raj do Probhu Isor ńutumte kiriạkateye menkeda, “Noa aroj lạgitʼ jodi Adoniạwakʼ jiwi baṅ hataokʼtae enḍekhan Probhu Isor do ińe sạjạyińma, ạḍi bạṛicʼ sạjạige.

1 Bõsbudạ 12:23

Probhu Isorakʼ katha leka lạṛhạikate Sạulakʼ rajosṭi Dạudakʼ tire jimại lạgitʼ okoe do khanḍa bhanḍawante Hebronre Dạud ṭhenko hecʼlen onkoakʼ lekha do nonka tahẽkana:

Rut reakʼ kạhini 1:17

Ar aben okare ben gujukʼ ạliń hõ onḍege liń gujukʼa ar onḍege jemon ạlińakʼ topa hõ hoyokʼ. Gujukʼ chaḍa eṭakʼ jãhãnakʼ iạte laṅ begarokʼ enḍekhan Probhu Isor do jemon bạṛicʼ sạjạiye imạń.”

1 Samuel 14:44

Sạule menkeda, “Hẽ Jonathan, am do gujukʼtege hoyokʼtama. Isor do am sạjạiye emamma, ar khạṭige sạjạiye emama.”

1 Samuel 15:28

Unre Sạmuel do uniye metadea, “Probhu Isor do teheń am ṭhen khon Israelkoakʼ rajosṭi hõ nonkageye recʼ hataokeda ar am khon hõ bhage amakʼ disạmren mitʼ hoṛe emadea.

1 Samuel 25:22

Isor do Dạudren bạiriko khạṭige cetʼlekae sạjạiko onkage ińhõ gapa setakʼ hạbicʼ Nabalakʼ oṛakʼren mitʼṭen herel hoṛ hõ jiwetʼ do bạń dohokoa.”

1 Samuel 28:17

Iń hotete uni okaṭakʼe roṛletʼ onageye kạmi akada. Uni do amakʼ ti khon rajosṭiye hatao akada ar am pheḍren hoṛ Dạude emakawadea.

1 Samuel 3:17

Eliye kulikedea, “Isor do cetʼe menakatʼ mea? Ar iń ṭhen ona do alom danaṅkakʼa. Uni okae menakatʼ ona reakʼ thoṛagan hõ iń ṭhenem danaṅ dohokakʼ enḍekhan uni do maraṅ sạjạiye emam ma.”