2 Samuel 3:20 - সান্তালী বাইবেল

²⁰ Abner do acʼ sãote bargel hoṛ soṅgekate tinre Hebronte Dạud ṭhene seṭerena unre Dạud do uni ar uniren hoṛko lạgitʼ mitʼṭecʼe bhojkeda.

2 Samuel 3:20 Iomraidhean Croise

Genesis 26:30

Noa tayom Isahak do onko lạgitʼ bhoje sapṛaokeda, arko jom ńũwana.

Genesis 31:54

Niạ tayom Jakob do ona burure dãṛẽye samaṅkeda ar peṛa-pạrbhạko jom-ńũ lạgitʼe goṛoatʼkoa. Arko jom-ńũketʼ khan ona bururegeko tahẽ aṅgayena.

2 Samuel 3:19

Abner do Benjạminreko sãote hõ kathae roṛkeda. Ona chaḍa Israelko ar Benjạmin gusṭiren hoṛko okaṭakʼ cekae lạgidokʼko menetʼkan ona sanamakʼ Dạud baḍae ocoye lạgitʼ uni do Hebronteye senena.

2 Samuel 3:21

Ar Abner do Dạude metadea, “Israelren sanamko jemon am tulucʼ mitʼṭecʼ bandhaoakʼreko hijukʼ ar amakʼ kusileka onko cetanrem raj daṛeakʼ onate ińren mạlik maharaj ṭhen onko jarwako lạgitʼ ńitge iń do calakʼ hoyokʼtińạ.” Niạ katha ańjomkate Dạud do Abnere sen ocoadea ar uni do sulukteye ruạṛena.

Ester 1:3

Uniyakʼ rajokʼ tesar bochorre uni do acʼren sanam cetan hudạren hoṛko ar kạmiyạko lạgitʼ mitʼṭecʼe bhojkeda. Onko modre Paras ar Madae disạmren Senaputiko manotan hoṛko ar disạmkoren cetan hudạren hoṛko tahẽkana.

1 Samuel 25:36

Abigael do Nabal ṭhen tinreye ruạṛ calaoena unre raj oṛakʼre leka uniyakʼ oṛakʼre kheloḍ ehopʼ akane ńelkeda. Unre Nabal do bubulakʼ ńũkateye kusiyena ar ạḍiye ńũ bulena. Ona iạte Abigael do ạuri setagokʼ hạbicʼ cetʼge bae metadea.