2 Samuel 3:12 - সান্তালী বাইবেল

¹² Inạ tayom Abner do Dạud ṭhen hoṛ kolkate noa kathae menkeda, “Niạ disạm do okoeyakʼ kana? Am do iń tulucʼ mitʼṭecʼ bondobos bandhaome baṛe. Iń do sanam Israelko am secʼ ạguko reakʼ iń goṛowama.”

2 Samuel 3:12 Iomraidhean Croise

2 Samuel 19:14

Nonkate Dạud do Jihudạren sanam hoṛkoakʼ mon do mitʼṭen hoṛakʼ mon lekae lạbitʼ ocoketʼtakoa. Ar niạ katha raj ṭhenko roṛ gotʼkada, “Am ar amren sanam gutiko ma ruạṛ hijukʼpe.”

2 Samuel 19:41

Israelren sarecʼ hoṛko do raj ṭhen hecʼkateko menkeda, “Aleren boeha Jihudạren hoṛko do cedakʼko kombṛo ạguketʼmea? Onko do cedakʼ am ar am gharońjrenko ar am sãoten sanam hoṛko gaḍa paromkateko ạguketʼpea?”

2 Samuel 19:6

Okoe amko kurudam kan onkogem dulạṛetʼkoa, ar okoe amko dulạṛetʼme onko dom kurudako kana. Teheń do saphatem bujhạu ocoyeda, subedarko ar onkoren hoṛko am ṭhen do cele hõko baṅkana. Ińiń ńeleda, ale sanamkole gocʼ ocolen khan ar eken Absalom eskar jiwetʼe tahẽlen khan am do ạḍim kusikokʼa.

2 Samuel 3:11

Isboset do ar mitʼṭecʼ katha hõ Abner ṭhen roroṛ bae dilleda, ente uni doe botoradea.

2 Samuel 3:13

Dạude menkeda, “Bhagegea, am tulucʼ mitʼṭecʼ bondobosiń bandhaoa, menkhan am ṭhen mitʼṭecʼ mementeakʼ menakʼtińạ. Am do tinre arhõ iń ṭhenem hijukʼa unre Sạulren hoponera Mikal begor iń samaṅre alom hijukʼa.”

2 Samuel 3:21

Ar Abner do Dạude metadea, “Israelren sanamko jemon am tulucʼ mitʼṭecʼ bandhaoakʼreko hijukʼ ar amakʼ kusileka onko cetanrem raj daṛeakʼ onate ińren mạlik maharaj ṭhen onko jarwako lạgitʼ ńitge iń do calakʼ hoyokʼtińạ.” Niạ katha ańjomkate Dạud do Abnere sen ocoadea ar uni do sulukteye ruạṛena.

2 Samuel 3:27

Abner do Hebronteye ruạṛ hecʼena khan Joab do uni sãote oko okote galmaraoae reaṅ cholte nagraha reakʼ phaṭok talareye idikedea. Ar ona tayom do lacʼre sobokʼ kedeteye gocʼkedea. Nonkate uni do acʼren boeha Asahelakʼ mãyãm reakʼe halakeda.

2 Samuel 3:38

Raj do acʼren hoṛkoe metatʼkoa, “Ape do cetʼ bape baḍaea, teheń Israel disạmren mitʼṭecʼ maraṅ mukhiyại gocʼena mente?

Sereńko 62:9

Somajren huḍińko do bhap leka, ar napṛakʼko do eṛeakʼge; tulạre onko do jotoge hoe khon hõko rawalokʼa.