2 Samuel 3:1 - সান্তালী বাইবেল

¹ Sạul ar Dạudren lạṛhại phạdko talare ḍher din hạbicʼ lạṛhại calaoena. Dạud doe daṛe idiyena ar Sạulren lạṛhại phạdko doko nijor idiyena.

2 Samuel 3:1 Iomraidhean Croise

Genesis 3:15

Iń do am ar maejiu talare ar amren bõsko ar maejiuko hotete hijukʼkan bõsko talare bạiriń janam ocoya. Ona bõsren mitʼ hoṛ do amakʼ bohokʼe gejer tama ar am do uniyakʼ iḍim sogagtaea.”

2 Samuel 2:17

Enhilokʼ do ạḍitetʼ lạṛhại hoyena ar onate Abner ar Israelren hoṛko do Dạudren hoṛ ṭhenko bhagao ocoyena.

2 Samuel 2:28

Ar noa menkate uni do sakwae oroṅkeda. Unre sanam hoṛko thir hapeyena. Onko do ar Israelko bako khudạuletʼkoa ar lạṛhại hõ bako lạṛhạilena.

2 Samuel 22:44

E Probhu Isor, ińren huhulkan hoṛko khon am dom bańcao akadińạ, ar eṭakʼ jạtrenko cetanre iń do matha mentem dohoakadińạ; okoe bạń orom akatʼko tahẽkan onko hõ iń gobolrenko hoyena.

2 Samuel 3:6

Sạul ar Dạudren lạṛhại phạdko talare tinre lạṛhại calakʼkan tahẽkana unre Sạulren hoṛko modre Abner do acʼte daṛeanicʼe hoylena.

2 Samuel 5:10

Uni do dinke dine daṛe idiyena, ente sanam daṛean Probhu Isor do uni sãoteye tahẽkana.

1 Rapajko 14:30

Rehobiam ar Jerobiam talare do jaoge lạṛhại hoyokʼkan tahẽkana.

1 Rapajko 15:16

Asa ar Israelren Basa raj do jiwetʼ bhor ạkin talarekin lạṛhại kan tahẽkana.

1 Rapajko 15:32

Asa ar Israelkoren raj Basa do rajokʼ bhor lạṛhạitege kin tahẽyena.

1 Bõsbudạ 11:9

Dạud do din din arhõe daṛe idiyena, ente phạdkoren Probhu Isor do uni sãoteye tahẽkana.

1 Bõsbudạ 3:1

Dạudren okoe hoponko do Hebronreko janamlen onko doko hoyokʼkana maraṅicʼ hopon do Amon, one uniren eṅgat do Jisriyelren Ahinoyem; dosaricʼ hopon Daniel, one uniren eṅgat do Karmilren Abigole tahẽkana;

Ester 6:13

Ar uni cetanre oka hoyen ona do acʼren bạhu Seres ar uniren sanam gatekoe lạiyatʼkoa. Hamanren bạhu Seres ar uniren sopolhako do uniko metadea, “Okoe samaṅre amakʼ niạ ńurokʼ ehopʼakan uni Mordekai do Jihudi bõsren hoṛkan khane enḍekhan uni upạrte am do ohom teṅgo daṛelena, ar khạṭigem marao utạrokʼa.”

Ester 9:4

Mordekai do raj doṅgolre maraṅicʼe hoyena; uniyakʼ ńutum do sanam tabe disạmkore pasnao idiyena ar dinke dine daṛe idiyena.

Jobakʼ 17:9

Menkhan dhorom hoṛ do akoakʼ horteko laha idikʼa, ar okoeyakʼ ti saphage onko do dinke dinko daṛe idikʼa.

Jobakʼ 8:7

Amakʼ tayom daram dinko do nonka jo bahakʼtama unrem hudisa pạhilakʼ dosa do niạ khon bạṛicʼge tahẽkana.

Sereńko 18:43

E Probhu Isor, ińren huhulkan hoṛko khon am dom bańcao akadińạ, ar eṭakʼ jạtrenko cetanre am do matha mentem dohoakadińạ; okoe bạń orom akatʼko onko hõ iń ṭhen golamko khaṭao akana.

Sereńko 46:9

Uni do dhạrti reakʼ joto lạṛhạiye thir ocoyeda, uni do akʼe rạputʼ kaca kucạyeda, ar borlom doe kaṭra kuṭrạyeda, ar rãt gạḍi do seṅgelreye atar giḍiyeda.

Sereńko 84:7

Calakʼ horre onko do daṛe cetan daṛeko ńameda; onko do Sionre Isor samaṅreko ńel ocokʼkana.

Galathiko lạgitʼ Pạul Apostolakʼ ciṭhi 5:17

Jel reakʼ sana do sonot Jiu birud ar sonot Jiu reakʼ sana do jel birudgeye khoja. Jel reakʼ sana ar sonot Jiu do ạkin upạrtekin meneda ape okape monejoṅkan ona do alope kạmiya.

Ephesiko lạgitʼ Pạul Apostolakʼ ciṭhi 6:12

Aboakʼ noa lạṛhại do jãhãe manwa upạrte do baṅkana, bickom ona do ńut rajosṭi reakʼ joto lekan cakʼlaoko ar ektiạrianko upạrte, ńut dhạrtiren daṛean jiuko upạrte, ar coṭren joto bạṛicʼ jiuko upạrte.

Johan sodor 6:2

Ar okoe unireye decʼakan tahẽkan uniyakʼ tire do mitʼṭecʼ akʼ tahẽkana. Uni do mitʼṭecʼ mukuṭko emadea ar jitạuicʼ lekae oḍok calaoena are jitạu idiyena.